आर्यापञ्चदशीस्तोत्रम्

 

 आर्यापञ्चदशीस्तोत्रम् 


करकलितचापबाणां कल्हाराङ्घ्रिं नमामि कल्याणीम् ।
कंदर्पदर्पजननीं कलुषहरां कामितार्थफलदात्रीम् ॥ १ ॥

एषा स्तोतुम् वाणी नैव समर्था तवेशि महिमानम् ।
शेषोऽप्यब्दसहस्रैः शेषं कृतवान् महेशि तव चरितम् ॥ २ ॥

ईशित्वादिसुपूज्यामिन्दिन्दिरकेशाभारसूल्लसिताम् ।
इन्दीवरदलनयनामीप्सितदात्रीं नमामि शर्वाणीम् ॥ ३ ॥

लसदरुणभानुकोटिद्युतिनिधिमम्बां सुरेन्द्रलक्ष्यपदाम् ।
ललितां नमामि बाले ललितशिवहृदयकमलकलहंसीम् ॥ ४ ॥

ह्रींकारबीजरूपे हिमगिरिकन्ये हरीन्द्रभववन्द्ये ।
हिमकरधवलच्छत्रे हिताय भव नः सदा महाराज्ञि ॥ ५ ॥

हर्षोत्करजनयित्री हसितज्योत्स्ना तवेयमनवद्ये ।
हरगलहालाहलमपि हरति त्रैलोक्यमोहतिमिरं ते ॥ ६ ॥

सकलमनोरथदाने सत्यपि चरणे नतस्य तव निपुणे ।
संसेव्यते सुरतरुः सदाज्ञलोकैर्नु कृच्छ्रफलदाता ॥ ७ ॥

कनकरुचे चटुलगते कठिनस्तनभारनम्रकृशमध्ये ।
कान्ते कङ्कणहस्ते कम्बुग्रीवे नमोऽस्तु ते करुणे ॥ ८ ॥

हरनयनानन्दकरे हराङ्कसंस्थे हरिप्रमुखवन्द्ये ।
हरनटनसाक्षिभूते हरार्धदेहे नमोऽस्तु ते सुकृपे ॥ ९ ॥

लक्ष्मीप्रदकरुणा या लक्ष्मीपतिमल्पमम्ब कर्तुमलम् ।
लक्ष्यम् कुरु मां तस्या लावण्यामृततरङ्गमाले त्वम् ॥ १० ॥

ह्रींकाररत्नगर्भे हेमाचलमन्दरस्तनोल्लसिते ।
हेरम्बप्रियजननि हे वसुधे देहि मे क्षमां नित्यम् ॥ ११ ॥

सत्संप्रदायविदिते सकलागमनिगमसारतत्त्वमयि ।
सावित्र्यर्पय वदने सकलरसाश्रयसुवाक्सुधाधाराम् ॥ १२ ॥

करकङ्कणमणिदिनमणिकरविकसितचरणकमलमकरन्दम् ।
करुणापयोनिधे मे कामाक्षि स्वान्तषट्पदः पिबतु ॥ १३ ॥

लसदिक्षुचापसुमशरलक्षितदोर्वल्लिवीर्यमभयेन ।
लक्षाधिकदैत्यकुलं लवुपटवासं कृतं कथं चित्रम् ॥ १४ ॥

ह्रींकारकेलिभवने हिमकरमौल्यङ्कमञ्जुपर्यङ्के ।
हृदयसरोजे मे वस हृदयानन्दप्रबोधपरहंसि ॥ १५ ॥

आर्यापञ्चदशीं तामार्यां यो भजति शुद्धधीर्नित्यम् ।
भार्ये लक्ष्मीवाण्यौ पर्यातात् तस्य सादरं भवतः ॥ १६ ॥

इत्यानन्दनाथपादपद्मोपजीविना काश्यपगोत्रोत्पन्नेनान्ध्रेण
त्यागराजनाम्ना विरचितमार्यापञ्चदशीस्तोत्रं संपूर्णम्

आर्तत्राणस्तोत्रम् गङ्गाधरस्तोत्रम् च

 

 आर्तत्राणस्तोत्रम् गङ्गाधरस्तोत्रम् च 

अप्पयदीक्षितविरचितम्

क्षीराम्भोनिधिमन्थनोद्भवविषात् सन्दह्यमानान् सुरान्
   ब्रह्मादीनवलोक्य यः करुणया हालाहलाख्यं विषम् ।
निश्शङ्कं निजलीलया कवलयन् लोकान् ररक्षादरात्
   आर्तत्राणपरायणः स भगवान् गङ्गाधरो मे गतिः ॥ १॥

क्षीरं स्वादु निपीय मातुलगृहे गत्वा स्वकीयं गृहं
   क्षीरालाभवशेन खिन्नमनसे घोरं तपः कुर्वते ।
कारुण्यादुपमन्यवे निरवधिं क्षीराम्बुधिं दत्तवान्
   आर्तत्राणपरायणः स भगवान् गङ्गाधरो मे गतिः ॥ २॥

मृत्युं वक्षसि ताडयन् निजपदध्यानैकभक्तं मुनिं
   मार्कण्डेयमपालयत् करुणया लिङ्गाद्विनिगत्य यः ।
नेत्राम्भोजसमर्पणेन हरयेऽभीष्टं रथाङ्गं ददौ
   आर्तत्राणपरायणः स भगवान् गङ्गाधरो मे गतिः ॥ ३॥

ऊढं द्रोणजयद्रथादिरथिकैः सैन्यं महत् कौरवं
   दृष्ट्वा कृष्णसहायवन्तमपि तं भीतं प्रपन्नार्तिहा ।
पार्थं रक्षितवानमोघविषयं दिव्यास्त्रमुद्घोषयन्
   आर्तत्राणपरायणः स भगवान् गङ्गाधरो मे गतिः ॥ ४॥

बालं शैवकुलोद्भवं परिहसत्स्वज्ञातिपक्षाकुलं
   खिद्यन्तं तव मूर्ध्नि पुष्पनिचयं दातुं समुध्यत्करम् ।
दृष्ट्वाऽऽनम्य वरिञ्चिरम्यनगरे पूजां त्वदीयां भजन्
   आर्तत्राणपरायणः स भगवान् गङ्गाधरो मे गतिः ॥ ५॥

सन्त्रस्तेषु पुरा सुरासुरभयादिन्द्रादिवृन्दारके-
   ष्वारूढो धरणीरथं श्रुतिहयं कृत्वा मुरारिं शरम् ।
रक्षन् यः कृपया समस्तविबुधान् जित्वा पुरारीन् क्षणात्
   आर्तत्राणपरायणः स भगवान् गङ्गाधरो मे गतिः ॥ ६॥

श्रौतस्मार्तपथे पराङ्मुखमपि प्रोद्यन्महापातकं
   विश्वातीतमपत्यमेव गतिरित्यालापयन्तं सकृत् ।
रक्षन् यः करुणापयोनिधिरिति प्राप्तप्रसिद्धिः पुरा
   ह्यार्तत्राणपरायणः स भगवान् गङ्गाधरो मे गतिः ॥ ७॥

गाङ्गं वेगमवाप्य मान्यविबुधैः सोढुं पुरा याचितो
   दृष्ट्वा भक्तभगीरथेन विनतो रुद्रो जटामण्डले ।
कारुण्यादवनीतले सुरनदीमापूरयतपावनीं
   आर्तत्राणपरायणः स भगवान् गङ्गाधरो मे गतिः ॥ ८॥

॥ इति श्रीमदप्पयदीक्षितविरचितं आर्तत्राणस्तोत्रं सम्पूर्णम् ॥

आनन्दसागरस्तवः

 

 आनन्दसागरस्तवः 


॥ आनन्दसागरस्तवः ॥

विज्ञापनार्हविरलावसरानवाप्त्या
मन्दोद्यमे मयि दवीयसि विश्वमातुः ।
अव्याजभूतकरुणापवनापविद्धा-
न्यन्तः स्मराम्यहमपाङ्गतरङ्गितानि ॥ १ ॥

आवेद्यतामविदितं किमथाप्यनुक्तं
वक्तव्यमान्तररुजोपशमाय नालम् ।
इत्यर्थ्यसे किमपि तच्छ्रवणे निधातुं
मातः प्रसीद मलयध्वजपाण्ड्यकन्ये ॥२॥

आक्रन्दितं रुदितमाहतमानने वा
कस्यार्द्रमस्तु हृदयं किमतः फलं वा ।
यस्या मनो द्रवति या जगतां स्वतन्त्रा
तस्यास्तवाम्ब पुरतः कथयामि खेदम् ॥ ३ ॥

पर्याकुले मनसि वाचि परिस्खलन्त्यां
आवर्तगर्त इव चक्षिषि घूर्णमाने ।
कस्तेऽभिदास्यति शिवे ममतामवस्थां
काले दयस्व कथयामि तवाधुनैव ॥ ४ ॥

भक्तिं करोतु नितरां सुरजातिमात्रे
ग्रामीणजन्तुरिव पौरजनेषु लोकः ।
अन्यत्र देवि भवदीयपदारविन्दा-
दाकृष्यमाणमपि मे हृदयं न याति ॥ ५ ॥

अङ्गीकुरु त्वमवधीरय वा वयं तु
दासास्तवेति वचसैव जयेम लोकान् ।
एतावतैव सुकरो ननु विश्वमातः
उद्दण्डदण्डधरकिङ्करमौलिभङ्गः ॥ ६ ॥

वेदान्तवाक्यजनितं विमलं विचारैः
आसाद्य बोधमनुचिन्तनतोऽपरोक्षम् ।
मुक्तिं व्रजन्ति मनुजा इति सूक्तिमाद्या-
मालम्ब्य कस्तरितुमर्हति शैलकन्ये ॥ ७ ॥

एकैकवेदविषयाः कति नामशाखा-
स्तासां शिरांसि कति नाम पृथग्विधानि ।
अर्थावबोधविधुरोऽक्षरलाभ एव
केषां नृणां कतिभिरस्तु शरीरबन्धैः ॥ ८ ॥

न्यायाः परस्परविभिन्नदिशः सहस्र-
मुच्छावचानि च भवन्त्युपबृंहणानि ।
एवं स्थिते गिरिसुते निगमोपलानां
तात्पर्यसारमवधारयितुं क्षमः कः ॥ ९ ॥

अस्त्वक्षरग्रहविधिर्जनुषां सहस्रै-
रापाततो भवतु नाम ततोऽर्थबोधः ।
दुर्वादिकल्पितविकल्पतरङ्गसान्द्रान्
दुष्पूर्वपक्षजलधीन् कथमुत्तरेयः ॥ १० ॥

ब्रह्मेति शक्तिरिति बन्धविमोचनीति
मायामयीति मदनान्तकवल्लभेति ।
सप्ताष्टशब्दपरिवर्तनमात्र एव
सामर्थ्यमावहति शास्त्रपरिश्रमोऽयम् ॥ ११ ॥

तस्यै प्रसीदसि गिरीन्द्रसुते य इत्थं
सम्पादयेत शनकैरपरोक्षबोधम् ।
यस्मै प्रसीदसि स च क्षमतेऽवबोद्धु-
मित्थं परस्परसमाश्रयमेतदास्ते ॥ १२ ॥

आकर्णय त्वमिममभ्युपगम्य वादं
जानातु कोऽपि यदि वा हृदयं श्रुतीनाम् ।
तस्याप्यसङ्ख्यभवबन्धशतार्जितोऽयं
द्वैतभ्रमो गलतु जन्मशतैः कियद्भिः ॥ १३ ॥

काले महत्यनवधावपतन्क्वदापि
क्वाप्यन्तिमे जनुषि कोऽपि गतिं लभेत ।
इत्थं समर्थनविधिः परमागमानां
पर्यायसूक्तिविधया नयनं नञर्थे ॥१४ ॥

एकापवर्गसमये जगतोऽपवर्गः
सर्वापवर्गसमये पुनरस्तशङ्कः ।
ईदृग्विधं कमपि पक्षमिहावलम्ब्य
स्थातुं सुखं क्षममनेव पथा प्रवृत्तैः ॥ १५ ॥

अभ्यस्य वेदमवधार्य च पूर्वतन्त्र-
मालक्ष्य शिष्टचरितानि पृथग्विधानि ।
अध्यापनादिभिरवाप्य धनं च भूरि
शर्माणि मातरलसाः कथमाचरेयुः ॥ १६ ॥

आयस्य तावदपि कर्म करोतु कश्चि-
त्तेनापि मातरधिकं किमिवानुभाव्यम् ।
अस्ते सुखं य इह भारतवर्षसीम-
न्यास्ते स किञ्चिदित उत्तरतोऽपसृत्य ॥ १७ ॥

कर्म त्यजेम यदि नूनमधः पतेम
यद्याचरेम न कदापि भवं तरेम ।
कर्म त्यजेदिति चरेदिति च प्रवृत्ताः
भावेन केन निगमा इति न प्रतीमः ॥ १८ ॥

कर्मण्यकर्मविधिरेष यदाचरन्ति
कर्माणि तत्तदनुबन्धजिहासयेति ।
सत्यं तथाप्यभिनवो भविता न बन्धः
प्राचीनबन्धहरणे क इवाभ्युपायः ॥ १९ ॥

प्रारब्धकर्म कियदारभते कियद्वा
प्रारप्स्यते कियदिदं क इवावधत्ताम् ।
कालः कियानिव मया प्रतिपालनीयो
यस्य क्षणार्धमपि कल्पशतत्वमेति ॥ २० ॥

पुंसः क्षणार्धमपि संसरणाक्षमस्य
साङ्ख्यादयः सरणयो न विशन्ति कर्णम् ।
सङ्ख्याय गाङ्गसिकताः सकलाश्च सूक्ष्मा
भुङ्क्ष्वेति वागिव महाक्षुधयार्दितस्य ॥ २१ ॥

भक्तिस्तु का यदि भवेद्रतिभावभेद-
स्तत्केवलान्वयितया विफलैव भक्तिः ।
प्रीतिस्त्वयि त्रिजगदात्मनि कस्य नास्ति
स्वात्मद्रुहो न खलु सन्ति जनास्त्रिलोक्याम् ॥ २२ ॥

आत्मा समस्तजगतां भवतीति सम्य-
ग्विज्ञाय यद्वितनुते त्वयि भावबन्धम् ।
सा भक्तिरित्यभिमतं यदि सिद्धमिष्टं
व्यर्थं विशेष्यमलमस्तु विशेषणं नः ॥ २३ ॥

स्वात्मेतरत्वमवधार्य परत्वबुद्ध्या
यत्प्रीयते गुरुजनेष्विव सैव भक्तिः ।
स्यादेतदेवमियमेव तु मे जिहास्या
द्वैतभ्रमात्किमधिकं भवबन्धमूलम् ॥ २४ ॥

सेवैव भक्तिरिति कर्मपथप्रवेशः
सेव्यप्रसादफलका किल कर्मसेवा ।
ध्यानप्रवाह इति चेच्छ्रवणात् तृतीयः
प्रागेव मातरयमाकलितोऽभ्युपायः ॥ २५ ॥

अत्रैव दास्यसि विमुक्तिमथापि याचे
मातः शरीरपतनं मणिकर्णिकायाम् ।
अस्तु स्वकृत्यमनुकम्पनमीश्वराणां
दासस्य कर्मकरतैव तथा स्वकृत्यम् ॥ २६ ॥

सद्यो भवेत्सुकृतिनामुपदेशलाभः
पापात्मनां बहुतिथे समये व्यतीते ।
इत्यादिभिः किल पुराणवचोभिरम्ब
वाराणसीमपि न याचितुमुत्सुकोऽस्मि ॥ २७ ॥

आक्रान्तमन्तररिभिः मदमत्सराद्यैः
गात्रं वलीपलितरोगशतानुविद्धम् ।
दारैः सुतैश्च गृहमावृतमुत्तमर्णैः
मातः कथं भवतु मे मनसः प्रसादः ॥ २८ ॥

धन्याः कति त्रिभुवने परमोपभाग्यं
संसारमेव परमेश्वरि भावयन्तः ।
आभासरूपमवबोधमिमं समेत्य
क्लिश्ये कियत्कियदहं त्वमुना भवेन ॥ २९ ॥

का संस्कृतिः किमपचारनिबन्धनेयं
कीदृग्विधस्य तव किं क्षतमेतयेति ।
प्रश्ने तु नास्मि कुशलः प्रतिवक्तुमेव
खेदस्तु मे जननि कोऽप्ययमेवमास्ते ॥ ३० ॥

एवं गतस्य मम साम्प्रतमेतदर्ह-
मत्रेदमौपयिकमित्थमिदं च साध्यम् ।
अस्मिन्प्रमाणमिदमित्यपि बोद्धुमम्ब
शक्तिर्न मे भुवनसाक्षिणि किं करोमि ॥ ३१ ॥

न ज्ञायते मम हितं नितरामुपायो
दीनोऽस्मि देवि समयाचरणाक्षमोऽस्मि ।
तत्त्वामनन्यशरणः शरणं प्रपद्ये
मीनाक्षि विश्वजननीं जननीं ममैव ॥ ३२ ॥

किञ्चिन्मया श्रुतिषु किञ्चिदिवागमेषु
शास्त्रेषु किञ्चिदुपदेशपथेषु किञ्चित् ।
आघ्रातमस्ति यदतो भवतीं वरीतुं
गोप्त्रीति काचिदुदपद्यत बुद्धिरेषा ॥ ३३ ॥

ब्रह्मैवमेवमहमेष तदाप्त्युपाय
इत्यागमार्थविधुराः प्रथमे दयार्हाः ।
त्वद्रक्षकत्वगुणमात्रविदो द्वितीया
इत्यर्थये सदधिकार निरूपणाय ॥ ३४ ॥

माता करोषि ममतां मयि यावदीश-
त्तावद्यते मम ततः किमिवास्ति साध्यम् ।
मामित्थमित्थमुपयुङ्क्ष्व न विस्मरेति
किं स्वामिनं त्वरयते क्वचन स्वभृत्यः ॥ ३५ ॥

त्याज्यं त्यजानि विहितं च समाचराणि
नित्येषु शक्तिमनुरुध्य हु वर्तितव्यम् ।
तद्बुद्धिशक्तिमनुरुद्ध्य न कार्यशक्ति-
मित्येतदेव तु शिवे विनिवेदयामि ॥ ३६ ॥

आत्मैव भार इति तं त्वयि यो निधत्ते
सोऽङ्गानि कानि कलयत्वलसः प्रपत्तेः ।
विश्वस्य साक्षिणि विलक्षणलक्षणा या
विस्रम्भसम्पदियमेव समस्तमङ्गम् ॥ ३७ ॥

त्वत्प्रेरणेन मिषतः श्वसतोऽपि मातः
प्रामादिकेऽपि सति कर्मणि मे न दोषः ।
मात्रैव दत्तमशनं ग्रसतः सुतस्य
को नाम वक्ष्यति शिशोरतिभुक्तिदोषम् ॥ ३८ ॥

मुक्तिं निषाधयिषतां निजयैव बुद्ध्या
प्रारब्धकर्म भवतु प्रतिबन्धहेतुः ।
त्वामेव साधनतयापि समाश्रितानां
तुल्यं तदम्ब यदि कस्तव वीरवादः ॥ ३९ ॥

प्रारब्धकर्म गिरिजे भवदाश्रिताना-
मन्यत्र संक्रमय नाशय वा समूलम् ।
मर्त्याश्च खल्वपि विषं वपुषि प्रसक्तं
संक्रामयन्ति परतोऽपि च नाशयन्ति ॥ ४० ॥

त्वद्दर्शनश्रवणचिन्तनवन्दनादि-
ष्वक्षाणि देवि विनियुज्य यथाधिकारम् ।
रक्षेत्यसङ्ख्यभवसम्भृतयैव मैत्र्या
रुन्ध्यां यदि स्थिरममून्यधुनैव न स्युः ॥ ४१ ॥

त्रातव्य एष इति चेत्करुणा मयि स्या-
त्त्रायस्व किं सुकृतदुष्कृतचिन्तया मे ।
कर्तुं जगत्तिरयितुं च विश‍ृंखलायाः
कर्मानुरोध इति कं प्रति वञ्चनेयम् ॥ ४२ ॥

त्वय्यर्पितं प्रथममप्पययज्वनैव
स्वात्मार्पणं विदधता स्वकुलं समस्तम् ।
का त्वं महेशि कुलदासमुपेक्षितुं मां
को वानुपासितुमहं कुलदेवतां त्वाम् ॥ ४३ ॥

मौढ्यादहं शरणयामि सुरान्तरं चे-
त्किं तावता स्वमपि तस्य भवामि मातः ।
अज्ञानतः परगृहं प्रविशन्परस्य
स्वत्वं प्रयास्यति पशुः किमु राजकीयः ॥ ४४ ॥

आधाय मूर्धनि वृथैव भरं महान्तं
मूर्खा निमज्जथ कथं भवसागरेऽस्मिन् ।
विन्यस्य भारमखिलं पदयोर्जनन्या
विस्रब्धमुत्तरत पल्वलतुल्यमेनम् ॥ ४५ ॥

क्वेदं पतिष्यति वपुः क्व ततो नु गम्यं
को दण्डयिष्यति कियंतमनेहसं वा ।
किं तस्य सन्तरणसाधनमित्यनन्ता
चिन्ता स्थिता त्वयि शनैरवतारिता सा ॥ ४६ ॥

ज्ञानं विशेयमुत तेन विनोद्धरेयं
प्रारब्धमप्यपलपेयमुतानुरुंध्याम् ।
इत्थं सकृत्प्रपदनैकवशंवदाया
मातुर्मयि प्रववृते महतीह चिन्ता ॥ ४७ ॥

एतज्जडाजडविवेचनमेतदेव
क्षित्यादितत्वपरिशोधनकौशलं च ।
ज्ञानं च शैवमिदमागमकोटिलभ्यं
मातुर्यदङ्घ्रियुगले निहितो मयात्मा ॥ ४८ ॥

षट्त्रिंशदावरणमध्यजुषि त्वदङ्घ्रौ
हालास्यनाथदयिते निहितो मयात्मा ।
भूभुतलत्रिदिववर्तिषु कः क्षमेत
तच्चक्षुशादि निभृतेन निरीक्षितुं माम् ॥ ४९ ॥

बन्धं हरिष्यसि सुखं वितरिष्यसीति
निश्चप्रचं निखिलमम्ब तदास्त एव ।
सम्प्रत्यहं त्वयि निधाय भरं समस्तं
यानिर्वृणोमिकिमितोऽपि ममापवर्गे ॥ ५० ॥

काश्यां निपातय वपुः श्वपचालये वा
स्वर्गं नय त्वमपवर्गमधोगतिं वा ।
अद्यैव वा कुरु दयां पुनरायतौ वा
कः सम्भ्रमो मम धने धनिनः प्रमाणम् ॥ ५१ ॥

नाहं सहे तव कथाश्रवणान्तरायं
नाहं सहे तव पदार्चनविच्युतिं वा ।
मोक्षं दिशैतदविरुद्धमिदं न चेत्या-
न्नैवास्तु मातरपवर्गमहोपसर्गः ॥ ५२ ॥

आचूडमाचरणमम्ब तवानुवार-
मन्तःस्मरन्भुवनमङ्गलमङ्गमङ्गम् ।
आनन्दसागरतरङ्गपरम्पराभि-
रान्दोलितो न गणयामि गतान्यहानि ॥ ५३ ॥

पाषाणतोऽपि कठिने शिरसि श्रुतीनां
प्रायः परिक्रमवशादिव पाटलाभम् ।
अम्ब स्मरेयममृतार्णवमाथलब्ध-
हैय्यङ्गवीनसु कुमारमिदं पदं ते ॥ ५४ ॥

ये नाम सन्ति कतिचिद्गुरविस्त्रिलोक्यां
तेषामपि स्वयमुपेतवता गुरुत्वम् ।
पादेन मूर्ध्नि विधृतेन वयं तवाम्ब
संसारसागरमिमं सुखमुत्तरामः ॥ ५५ ।
साधारणे स्मरजये नितिलाक्षिसाध्ये
भागी शिवो भजतु नाम यशः समग्रम् ।
वामाङ्घ्रिमात्रकलिते जननि त्वदीये
का वा प्रसक्तिरपि कालजये पुरारेः ॥ ५६ ॥

स्यात्कोमलं यदि मनो मम विश्वमातः
तत्पादयोर्मृदुलयोस्तव पादुकाऽस्तु ।
स्यात्कर्कशं यदि करग्रहणे पुरारेः
अश्माधिरोपणविधौ भवतूपयोगः ॥ ५७ ॥

प्रस्निग्धमुग्धरुचिपादतले भवत्या
लग्नं दृढं यदिह मे हृदयारविन्दम् ।
एषैव साग्रभुवनद्विशतीपतित्व-
साम्राज्यसूचनकरी तव पद्मरेखा ॥ ५८ ॥

अप्राकृतं मृदुलतामविचिन्त्य किञ्चि-
दालम्बितासि पदयोः सुदृढं मया यत् ।
तन्मे भवार्णवनिमज्जनकातरस्य
मातः क्षमस्व मधुरेश्वरि बालकृत्यम् ॥ ५९ ॥

यत्रानमन्पशुपतिः प्रणयापराधे
मन्दं किल स्पृशति चन्द्रकलाञ्चलेन ।
पुष्पार्चनेऽपि मृदितं पदयोर्युगं त-
न्मातस्तुदन्ति न कथं परुषा गिरो मे ॥ ६० ॥

अव्याजसुन्दरमनुत्तरमप्रमेय-
मप्राकृतं परममङ्गलमङ्घ्रिपद्मम् ।
संदर्शयेदपि सकृद्भवती दयार्द्रा
द्रष्टास्मि केन तदहं तु विलोचनेन ॥ ६१ ॥

दिव्या दृशोऽपि दिविषद्ग्रहणोचितानि
वस्तूनि काममवधारयितुं क्षमन्ते ।
त्वन्मात्रवेद्यविभवे तव रूपधेये
त्वद्भाव एव शरणं परिशेषितो नः ॥ ६२ ॥

अस्मिन्महत्यनवधौ किल कालचक्रे
धन्यास्तु ये कतिपये शुकयोगिमुख्याः ।
लीनास्त्वदङ्घ्रियुगले परिशुद्धसत्वान्
तानात्मनस्तव नखानवधारयामः ॥ ६३ ॥

आ शैशवान्ममतया कलितस्त्वयासा-
वानृण्यमम्ब तव लब्धुमना मृगाङ्गकः ।
स्वात्मानमेव नियतं बहुधा विभज्य
त्वत्पादयोर्विनिदधे नखरापदेशात् ॥ ६४ ॥

नान्तः प्रवेशमयते किमपि श्रुतं मे
नास्तिक्यवादशिलया प्रतिरुध्यमानम् ।
तत्पातयाम्यहमिमां महतीमधस्ता-
त्पादोदकेन कियता परदेवतायाः ॥ ६५ ॥

सन्नाहिभिः यमभटैः परिवार्यमाणे
मय्यर्भके करुणया स्वयमापतन्त्याः ।
आकर्णयेयमपि नाम विरामकाले
मातस्तवाङ्घ्रिमणिनूपुरशिञ्जितानि ॥ ६६ ॥

ब्रह्मेशकेशवमुखैर्बहुभिः कुमारैः
पर्यायतः परिगृहीतविमुक्तदेशम् ।
उत्सङ्गमम्ब तव दास्यसि मे कदा त्वं
मातृप्रियं किल जडं सुतमामनन्ति ॥ ६७ ॥

ऊरौ शिरस्तव निवेश्य दयावितीर्ण-
संव्यानपल्लवसमीरविनीतखेदम् ।
अत्रैव जन्मनि विभोः परमोपदेश-
माकर्णयेयमपि किं मणिकर्णिकायाम् ॥ ६८ ॥

काञ्चीगुणग्रथितकाञ्चनचेलदृश्य-
चण्डातकांशुकविभापरभागशोभि ।
पर्यङ्कमण्डलपरिष्करणं पुरारेः
ध्यायामि ते विपुलमम्ब नितम्बबिम्बम् ॥ ६९ ॥

गर्भे निवेश्य भुवनानि चतुर्दशापि
संरक्षितुं कलितनिश्चितया भवत्या ।
प्राकारमेव रचितं परितोऽपि नून-
मूहे सुवर्णमयमेदुरपट्टबन्धम् ॥ ७० ॥

मुक्ताश्च खल्वपि यदि त्रिपुरे भवत्याः
स्तन्याशया स्तनतटं न परित्यजन्ति ।
अस्माकमुद्भटभवज्वरतापिताना-
मार्द्रीभवन् तु वदनानि कुतो न हेतोः ॥ ७१ ॥

नष्टोपलब्धमधिगत्य शिशुं चिरान्मां
वात्सल्यविद्रुतहृदः परदेवतायाः ।
क्लिद्यत्पयोधरविनिःसृतदुग्धबिन्दु-
निष्यन्दपङ्क्तिरिव दीव्यति हारयष्टिः ॥ ७२ ॥

यत्तद्धनुर्जनमनोमयमैक्षवं ते
तस्यास्तु देवि हृदयं मम मूलदेशः ।
चापाधिरोपणविधौ चरणाञ्चलेन
सम्भाव्यते किल समाक्रमणं कदाचित् ॥ ७३ ॥

आस्थाय दारुणतरं कमपि स्वभाव-
मत्यन्तदुष्कृतकृतामपि शिक्षणाय ।
गृह्णासि सायकपदे कुसुमान्यमूनि
मातः सुतेषु महती किल रूक्षतेयम् ॥ ७४ ॥

पाशं सृणिं च करयोस्तव भावयन्तः
संस्तम्भयन्ति वशयन्ति च सर्वलोकान् ।
चापं शरं च सकृदम्ब तव स्मरन्तो
भूपालतां दधति भोगपथावतीर्णः ॥ ७५ ॥

पाशाङ्कुशौ तव करे परिचिन्त्य राग-
द्वेषौ जयन्ति परमार्थविदस्तु धन्याः ।
एकत्र चापमितरत्र शरं च मत्वा
व्यावर्तयन्ति हृदयं विषयान्धकूपात् ॥ ७६ ॥

उत्क्रान्तमान्तरमिदं शरणं जनाना-
मप्येति चन्द्रमिति हे श्रुतयो वदन्ति ।
आस्तामिदं मम तु देवि मनोऽधुनैव
लीनं दृढं वदनचन्द्रमसि त्वदीये ॥ ७७ ॥

विद्यात्मनो जननि तावकदन्तपङ्क्तेः
वैमल्यमीदृगिति वर्णयितुं क्षमः कः ।
तत्सम्भवा यदमला वचसां सवित्री
तन्मूलकं कवियशोऽपि ततस्तरां यत् ॥ ७८ ॥

स्वच्छापि ते वहति यत्किल दन्तपङ्क्तिः
स्वच्छन्दनिर्दलितदाडिमबीजशोभाम् ।
तन्मे रजोव्यतिकराधिकपाटलिम्नि
चित्ते परं परिचयादिति चिन्तयामि ॥ ७९ ॥

अर्धं जितत्रिपुरमम्ब तव स्मितं चे-
दर्धान्तरेण च तथा भवितव्यमेव ।
तच्चिन्तये जननि कारणसूक्ष्मरूप-
स्थूलात्मकत्रिपुरशान्तिकृते स्मितं ते ॥८० ॥

मत्क्लेशदर्शनपरिद्रवदन्तरङ्ग-
हैय्यङ्गवी नपरिवाहनिभं जनन्याः ।
अन्तस्तमोपहमनुस्मरतां जनानां
मन्दस्मितं भुवनमङ्गलमस्तु भूत्यै ॥ ८१ ॥

सांसिद्धिकाननसरोरुहदिव्यगन्ध-
सान्द्रीकृतेन्दुशकलाकलिताधिवासम् ।
ताम्बूलसारमखिलागमबोधसारं
मातर्विधेहि मम वक्त्रकलाचिकायाम् ॥ ८२ ॥

नासामणिस्तव शिवे चिरसंस्तवेन
प्रत्याहृते मनसि भाति तपोधनानाम् ।
अज्ञानसन्ततिनिशात्ययसूचनार्थं
आविर्भवन्त्यसुरदेशिकतारकेव ॥ ८३ ॥

ताम्बूलगर्भपरिफुल्लकपोललक्ष्य-
ताटङ्कमौक्तिकमणिप्रतिबिम्बदम्भात् ।
अस्तद्वयव्यतिकरामलसत्वमाद्यं
वर्णं बिभर्ति जठरे तव वक्त्रबिम्बम् ॥ ८४ ॥

दत्ते श्रियं बहुविधां कुशलानि दत्ते
दत्ते पदं सुरपतेरपि लीलयैव ।
ईदृग्विधाम्ब तव दृष्टिरितोऽधिका वा
नाद्यापि कर्णमतिवर्तितुमीश्वरीयम् ॥ ८५ ॥

पाशाणकूटकठिणे जनदुर्विगाहे
व्यर्थं महत्युपनिषद्विपिने प्रवृत्ता ।
सेव्येत केन तव लोचनचन्द्रिकेय-
मेनां निपातय सकृन्मयि तप्यमाने ॥ ८६ ॥

कामं शिवेन शमितं पुनरुज्जगार
दृष्टिस्तवेति किमियं जननि स्तुतिस्ते ।
लीलाप्रसूतपुरुषार्थचतुष्टयाया-
स्तस्याः परं तु स भवत्यवयुत्यवादः ॥ ८७ ॥

सोमो जगज्जनयितेति यदाह वेदो
नेदं लतापरमिति भ्रमितव्यमार्यैः ।
यः शैववामतनुवर्तिभवद्दृगात्मा
चन्द्रो जगत्सृजति तत्पर एष वादः ॥ ८८ ॥

सूच्यग्रवद्वसुमतीमणुवच्च मेरुं
दृष्टिर्यदम्ब तव पश्यति दानशौण्डा ।
दृष्टास्त्वया वयमपीह ततः स्मरामो
वेशन्तमेव भवसागरमुत्तरङ्गम् ॥ ८९ ॥

वाणीनिकेतनतया घनसारगौराः
कल्हारकेसररुचः कमलानुषङ्गात् ।
मातर्जयन्ति शरणागतलोकचेतो-
मालिन्यमार्जनवशादसिताः कटाक्षाः ॥ ९० ॥

आकर्णमुल्लसति मातरपाङ्गदेशे
कालाञ्जनेन घटिता तव भाति रेखा ।
शैवालपङ्क्तिरिवसन्ततनिर्जिहान-
कारुण्यपूरपदवीकलितानुबन्धः ॥ ९१ ॥

विश्वं सृजति हन्ति च यः कटाक्षो
विश्वस्यतां कथमसौ चपलस्वभावः ।
एषोऽपि यामनुसरल्लभते यशांसि
तामेव विश्वसिमि देवि तवानुकम्पाम् ॥ ९२ ॥

अर्धं कलङ्करहिता करुणैव शम्भो-
रर्धं गुणास्तदितरे सकलाः समेताः ।
इत्यम्ब सम्प्रति किल स्फुरितं रहस्यं
सम्पश्यतो मम भवन्मयमैशमर्धम् ॥ ९३ ॥

अम्ब भ्रुवोस्तव विचेष्टितमप्रमत्तं
सम्पश्यतां निजनिजार्थनिदेशहेतोः ।
तन्मूलदेशनिहिता निभृता सुराणां
दृष्टिः प्रयाति मृगनाभिविशेषकत्वम् ॥ ९४ ॥

सारं कणं कणमघर्मरुचां सहस्रा-
त्सङ्गृह्य निर्मितमिदं तव वक्त्रबिम्बम् ।
तावत्सुधाकरकलङ्ककुलानि पश्चा-
देकत्र देवि निहितानि कचापदेशात् ॥ ९५ ॥

विन्यस्तमिन्द्रमणिकन्दलसुन्दरेषु
केशेषु ते स्फटिकनिर्मलमिन्दुखण्डम् ।
आधारसङ्गतिवशादसितायमान-
मिन्दीवरच्छदवतंसदशां बिभर्ति ॥ ९६ ॥

चिन्तामणिस्त्रिभुवनेश्वरि कौस्तुभश्च
ख्यातौ मणी तव गृहाङ्गणकुट्टिमस्थौ ।
किं रत्नमन्यदुपलभ्य किरीटकोटिं
वाचस्पतिप्रभृतयस्तव वर्णयन्तु ॥ ९७ ॥

प्रादुर्भवत्तरणिबिम्बशतारुणानि
पर्याप्तशीतकिरणायुतशीतलानि ।
श‍ृङ्गारसारपरिवाहमयानि मात-
रङ्गानि केऽपि चरमे जनुषि स्मरन्ति ॥ ९८॥

प्रत्युग्रकुङ्कुमरसाकलिताङ्गरागं
प्रत्यङ्गदत्तमणिभूषणजालरम्यम् ।
ताम्बूलपूरितमुखं तरुणेन्दुचूडं
सर्वारुणं किमपि वस्तु ममाविरस्तु ॥ ९९ ॥

अर्धं स्त्रियस्त्रिभुवने सचराचरेऽस्मि-
न्नर्धं पुमांस इति दर्शयितुं भवत्या ।
स्त्रीपुंसलक्षणमिदं वपुरादृतं य-
त्तेनासि देवि विदिता त्रिजगच्छरीरा ॥ १०० ॥

निर्मासि संहरसि निर्वहसि त्रिलोकीं
वृत्तान्तमेतमपि वेत्ति न वा महेशः ।
तस्येश्वरस्य गिरिजे तव साहचर्या-
ज्जातः श्रुतिष्वपि जगज्जनकत्ववादः ॥ १०१ ॥

सत्तास्यखण्डसुखसंविदसि त्रिलोकी-
सर्गस्थितिप्रतिहतिष्वपिनिर्व्यपेक्षा ।
त्वामन्तरेण शिव इत्यवशिष्यते कि-
मर्धं शिवस्य भवतीत्यनभिज्ञवादः ॥ १०२ ॥

नास्मिन्रविस्तपति नात्र विवाति वातो
नास्य प्रवृत्तिमपि वेद जगत्समस्तम् ।
अन्तःपुरं तदिदमीदृशमन्तकारे-
रस्मादृशास्तु सुखमत्र चरन्ति बालाः ॥ १०३ ॥

त्वत्सन्निधानरहितो मम मास्तु देश-
स्त्वत्तत्त्वबोधरहिता मम मास्तु विद्या ।
त्वत्पादभक्तिरहितो मम मास्तु वंश-
स्त्वच्चिन्तया विरहितं मम मास्तु चायुः ॥ १०४ ॥

त्वं देवि यादृगसि तादृगसि त्वमीदृ-
गेवेति वक्तुमपि बोद्धुमपि क्षमः कः ।
मामेव तावदविदन्नतिपामरोऽहं
मातः स्तुतिं त्वयि समर्पयितुं विलज्जे ॥ १०५ ॥

काचित्कृता कृतिरिति त्वयि साऽर्पितेति
कापि प्रमोदकणिका न ममांतरङ्गे ।
मौढ्यं मदीयमिह यद्विदितं ममैव
किं त्वम्ब विश्वसिमि दीनशरण्यतां ते ॥ १०६ ॥

कालानपास्य विषुवायनसङ्क्रमादी-
नस्तङ्गते हिमकरे च दिवाकरे च ।
अम्ब स्मरेयमपि ते चरणारविन्द-
मानन्दलक्षणमपास्तसमस्तभेदम् ॥ १०७ ॥

चतुरध्यायीरूपं कलहंसव्यञ्जनं जगन्मातुः ।
अपरब्रह्ममयं वपुरन्तः शशिखण्डमण्डनमुपासे ॥ १०८ ॥

॥ इति श्री नीलकण्ठदीक्षितविरचितः
श्रीआनन्दसागरस्तवः सम्पूर्णः ॥

आद्यास्तोत्रम्

 

 आद्यास्तोत्रम् 


       ॐ नम आद्यायै ।
श‍ृणु वत्स प्रवक्ष्यामि आद्या स्तोत्रं महाफलम् ।
यः पठेत् सततं भक्त्या स एव विष्णुवल्लभः ॥ १॥

मृत्युर्व्याधिभयं तस्य नास्ति किञ्चित् कलौ युगे ।
अपुत्रा लभते पुत्रं त्रिपक्षं श्रवणं यदि ॥ २॥

द्वौ मासौ बन्धनान्मुक्ति विप्रवक्त्रात् श्रुतं यदि ।
मृतवत्सा जीववत्सा षण्मासं श्रवणं यदि ॥ ३॥

नौकायां सङ्कटे युद्धे पठनाज्जयमाप्नुयात् ।
लिखित्वा स्थापयेद्गेहे नाग्निचौरभयं क्वचित् ॥ ४॥

राजस्थाने जयी नित्यं प्रसन्नाः सर्वदेवता ।
ॐ ह्रीं ब्रह्माणी ब्रह्मलोके च वैकुण्ठे सर्वमङ्गला ॥ ५॥

इन्द्राणी अमरावत्यामविका वरुणालये।
यमालये कालरूपा कुबेरभवने शुभा ॥ ६॥

महानन्दाग्निकोने च वायव्यां मृगवाहिनी ।
नैऋत्यां रक्तदन्ता च ऐशाण्यां शूलधारिणी ॥ ७॥

पाताले वैष्णवीरूपा सिंहले देवमोहिनी ।
सुरसा च मणीद्विपे लङ्कायां भद्रकालिका ॥ ८॥

रामेश्वरी सेतुबन्धे विमला पुरुषोत्तमे ।
विरजा औड्रदेशे च कामाक्ष्या नीलपर्वते ॥ ९॥

कालिका वङ्गदेशे च अयोध्यायां महेश्वरी ।
वाराणस्यामन्नपूर्णा गयाक्षेत्रे गयेश्वरी ॥ १०॥

कुरुक्षेत्रे भद्रकाली व्रजे कात्यायनी परा ।
द्वारकायां महामाया मथुरायां माहेश्वरी ॥ ११॥

क्षुधा त्वं सर्वभूतानां वेला त्वं सागरस्य च ।
नवमी शुक्लपक्षस्य कृष्णसैकादशी परा ॥ १२॥

दक्षसा दुहिता देवी दक्षयज्ञ विनाशिनी ।
रामस्य जानकी त्वं हि रावणध्वंसकारिणी ॥ १३॥

चण्डमुण्डवधे देवी रक्तबीजविनाशिनी ।
निशुम्भशुम्भमथिनी मधुकैटभघातिनी ॥ १४॥

विष्णुभक्तिप्रदा दुर्गा सुखदा मोक्षदा सदा ।
आद्यास्तवमिमं पुण्यं यः पठेत् सततं नरः ॥ १५॥

सर्वज्वरभयं न स्यात् सर्वव्याधिविनाशनम् ।
कोटितीर्थफलं तस्य लभते नात्र संशयः ॥ १६॥

जया मे चाग्रतः पातु विजया पातु पृष्ठतः ।
नारायणी शीर्षदेशे सर्वाङ्गे सिंहवाहिनी ॥ १७॥

शिवदूती उग्रचण्डा प्रत्यङ्गे परमेश्वरी ।
विशालाक्षी महामाया कौमारी सङ्खिनी शिवा ॥ १८॥

चक्रिणी जयधात्री च रणमत्ता रणप्रिया ।
दुर्गा जयन्ती काली च भद्रकाली महोदरी ॥ १९॥

नारसिंही च वाराही सिद्धिदात्री सुखप्रदा ।
भयङ्करी महारौद्री महाभयविनाशिनी ॥ १०॥

इति ब्रह्मयामले ब्रह्मनारदसंवादे आद्या स्तोत्रं समाप्तम् ॥

॥ ॐ नम आद्यायै ॐ नम आद्यायै ॐ नम आद्यायै ॥

महामहिमान्वितं आदित्यस्तोत्रम्

 

 महामहिमान्वितं आदित्यस्तोत्रम् 


अथ श्रीमदप्पय्यदीक्षितविरचितं महामहिमान्वितं आदित्यस्तोत्रम् ॥

विस्तारायाममानं दशभिरुपगतो योजनानां सहस्रैः
चक्रे पञ्चारनाभित्रितयवति लसन् नेमिषट्के निविष्टः ।
सप्तच्छन्दस्तुरङ्गाहितवहनधुरो हायनांशत्रिवर्ग
व्यक्ताकॢप्ताखिलाङ्गः स्फुरतु मम पुरः स्यन्दनश्चण्डभानोः ॥ १॥

आदित्यैरप्सरोभिर्मुनिभिरहिवरैर्ग्रामणीयातुधानैः
गन्धर्वैर्वालखिल्यैः परिवृतदशमांशस्य कृत्स्नं रथस्य ।
मध्यं व्याप्याधितिष्ठन् मणिरिव नभसो मण्डलश्चण्डरश्मेः
ब्रह्मज्योतिर्विवर्तः श्रुतिनिकरघनीभावरूपः समिन्धे ॥ २॥

निर्गच्छन्तोऽर्कबिम्बान् निखिलजनिभृतां हार्दनाडीप्रविष्टाः
नाड्यो वस्वादिबृन्दारकगणमधुनस्तस्य नानादिगुत्थाः ।
वर्षन्तस्तोयमुष्णं तुहिनमपि जलान्यापिबन्तः समन्तात्
पित्रादीनां स्वधौषध्यमृतरसकृतो भान्ति कान्तिप्ररोहाः॥ ३॥

श्रेष्ठास्तेषां सहस्रे त्रिदिववसुधयोः पञ्चदिग्व्याप्तिभाजां
शुभ्रांशुं तारकौघं शशितनयमुखान् पञ्च चोद्भासयन्तः ।
आरोगो भ्राजमुख्यास्त्रिभुवनदहने सप्तसूर्या भवन्तः
सर्वान् व्याधीन् सुषुम्नाप्रभृतय इह मे सूर्यपादाः क्षिपन्तु ॥ ४॥

आदित्यानाश्रिताः षण्णवतिगुणसहस्रान्विता रश्मयोऽन्ये
मासे मासे विभक्तास्त्रिभुवनभवनं पावयन्तः स्फुरन्ति ।
येषां भुव्यप्रचारे जगदवनकृतां सप्तरश्म्युत्थितानां
संसर्पे चाधिमासे व्रतयजनमुखाः सत्क्रियाः न क्रियन्ते ॥ ५॥

आदित्यं मण्डलान्तःस्फुरदरुणवपुस्तेजसा व्याप्तविश्वं
प्रातर्मध्याह्नसायं समयविभजनादृग्यजुस्सामसेव्यम् ।
प्राप्यं च प्रापकं च प्रथितमतिपथिज्ञानिनामुत्तरस्मिन्
साक्षाद् ब्रह्मेत्युपास्यं सकलभयहराभ्युद्गमं संश्रयामि ॥ ६॥

यच्छक्त्याऽधिष्ठितानां तपनहिमजलोत्सर्जनादिर्जगत्याम्
आदित्यानामशेषः प्रभवति नियतः स्वस्वमासाधिकारः ।
यत् प्राधान्यं व्यनक्ति स्वयमपि भगवान् द्वादशस्तेषु भूत्वा
तं त्रैलोक्यस्य मूलं प्रणमत परमं दैवतं सप्तसप्तिम् ॥ ७॥

स्वःस्त्रीगन्धर्वयक्षा मुनिवरभुजगा यातुधानाश्च नित्यं
नृत्तैर्गीतैरभीशुग्रहनुतिवहनैरग्रतः सेवया च ।
यस्य प्रीतिं वितन्वन्त्यमितपरिकरा द्वादश द्वादशैते
हृद्याभिर्वालखिल्याः सरणिभणितिभिस्तं भजे लोकबन्धुम् ॥ ८॥

ब्रह्माण्डे यस्य जन्मोदितमुषसि परब्रह्ममुख्यात्मजस्य
ध्येयं रूपं शिरोदोश्चरणपदजुषा व्याहृतीनां त्रयेण ।
तत् सत्यं ब्रह्म पश्याम्यहरहमभिधं नित्यमादित्यरूपं
भूतानां भूनभस्स्वः प्रभृतिषु वसतां प्राणसूक्ष्मांशमेकम् ॥ ९॥

आदित्ये लोकचक्षुष्यवहितमनसां योगिनां दृश्यमन्तः
स्वच्छस्वर्णाभमूर्तिं विदलितनलिनोदारदृश्याक्षियुग्मम् ।
ऋक्सामोद्गानगेष्णं निरतिशयलसल्लोककामेशभावं
सर्वावद्योदितत्वादुदितसमुदितं ब्रह्म शम्भुं प्रपद्ये ॥ १०॥

ओमित्युद्गीथभक्तेरवयवपदवीं प्राप्तवत्यक्षरेऽस्मिन्
यस्योपास्तिः समस्तं दुरितमपनयत्वर्कबिम्बे स्थितस्य ।
यत् पूजैकप्रधानान्यघमखिलमपि घ्नन्ति कृच्छ्रव्रतानि
ध्यातः सर्वोपतापान् हरतु परशिवः सोऽयमाद्यो भिषङ्नः ॥ ११॥

आदित्ये मण्डलार्चिः पुरुषविभिदयाद्यन्तमध्यागमात्म-
न्यागोपालाङ्गनाभ्यो नयनपथजुषा ज्योतिषा दीप्यमानम्
गायत्रीमन्त्रसेव्यं निखिलजनधियां प्रेरकं विश्वरूपम् ।
नीलग्रीवं त्रिने(णे)त्रं शिवमनिशमुमावल्लभं संश्रयामि ॥ १२॥

अभ्राकल्पः शताङ्गः स्थिरफणितिमयं मण्डलं रश्मिभेदाः
साहस्रास्तेषु सप्त श्रुतिभिरभिहिताः किञ्चिदूनाश्च लक्षाः ।
एकैकेषां चतस्रस्तदनु दिनमणेरादिदेवस्य तिस्रः
कॢप्ताः तत्तत्प्रभावप्रकटनमहिताः स्रग्धरा द्वादशैताः ॥ १३॥

दुःस्वप्नं दुर्निमित्तं दुरितमखिलमप्यामयानप्यसाध्यान्
दोषान् दुःस्थानसंस्थग्रहगणजनितान् दुष्टभूतान् ग्रहादीन् ।
निर्धूनोति स्थिरां च श्रियमिह लभते मुक्तिमभ्येति चान्ते
सङ्कीर्त्य स्तोत्ररत्नं सकृदपि मनुजः प्रत्यहं पत्युरह्नाम् ॥ १४॥

॥ इति श्रीमदप्पय्यदीक्षितविरचितश्रीमदादित्यस्तोत्ररत्नम् ॥

श्रीमदाञ्जनेयाष्टोत्तरशतनामस्तोत्रम् कालिकारहस्यतः

 

 श्रीमदाञ्जनेयाष्टोत्तरशतनामस्तोत्रम् कालिकारहस्यतः 


आञ्जनेयो महावीरो हनुमान्मारुतात्मजः ।
तत्वज्ञानप्रदः सीतादेवीमुद्राप्रदायकः ॥ १॥

अशोकवनिकाच्छेत्ता सर्वमायाविभञ्जनः ।
सर्वबन्धविमोक्ता च रक्षोविध्वंसकारकः ॥ २॥

परविद्यापरीहारः परशौर्यविनाशनः ।
परमन्त्रनिराकर्ता परयन्त्रप्रभेदकः ॥ ३॥

सर्वग्रहविनाशी च भीमसेनसहायकृत् ।
सर्वदुःखहरः सर्वलोकचारी मनोजवः ॥ ४॥

पारिजातद्रुमूलस्थः सर्वमन्त्रस्वरूपवान् ।
सर्वतन्त्रस्वरूपी च सर्वयन्त्रात्मकस्तथा ॥ ५॥

कपीश्वरो महाकायः सर्वरोगहरः प्रभुः ।
बलसिद्धिकरः सर्वविद्यासम्पत्प्रदायकः ॥ ६॥

कपिसेनानायकश्च भविष्यच्चतुराननः ।
कुमारब्रह्मचारी च रत्नकुण्डलदीप्तिमान् ॥ ७॥

सञ्चलद्वालसन्नद्धलम्बमानशिखोज्ज्वलः ।
गन्धर्वविद्यातत्त्वज्ञो महाबलपराक्रमः ॥ ८॥

कारागृहविमोक्ता च श‍ृङ्खलाबन्धमोचकः ।
सागरोत्तारकः प्राज्ञो रामदूतः प्रतापवान् ॥ ९॥

वानरः केसरिसुतः सीताशोकनिवारकः ।
अञ्जनागर्भसम्भूतो बालार्कसदृशाननः ॥ १०॥

विभीषणप्रियकरो दशग्रीवकुलान्तकः ।
लक्ष्मणप्राणदाता च वज्रकायो महाद्युतिः ॥ ११॥

चिरञ्जीवी रामभक्तो दैत्यकार्यविघातकः ।
अक्षहन्ता काञ्चनाभः पञ्चवक्त्रो महातपाः ॥ १२॥

लङ्किणीभञ्जनः श्रीमान् सिंहिकाप्राणभञ्जनः ।
गन्धमादनशैलस्थो लङ्कापुरविदाहकः ॥ १३॥

सुग्रीवसचिवो धीरः शूरो दैत्यकुलान्तकः ।
सुरार्चितो महातेजा रामचूडामणिप्रदः ॥ १४॥

कामरूपी पिङ्गलाक्षो वार्धिमैनाकपूजितः ।
कबलीकृतमार्तण्डमण्डलो विजितेन्द्रियः ॥ १५॥

रामसुग्रीवसन्धाता महारावणमर्दनः ।
स्फटिकाभो वागधीशो नवव्याकृतिपण्डितः ॥ १६॥

चतुर्बाहुर्दीनबन्धुर्महात्मा भक्तवत्सलः ।
सञ्जीवननगाहर्ता शुचिर्वाग्मी दृढव्रतः ॥ १७॥

कालनेमिप्रमथनो हरिमर्कटमर्कटः ।
दान्तः शान्तः प्रसन्नात्मा शतकण्ठमदापहृत् ॥ १८॥

योगी रामकथालोलः सीतान्वेषणपण्डितः ।
वज्रदंष्ट्रो वज्रनखो रुद्रवीर्यसमुद्भवः ॥ १९॥

इन्द्रजित्प्रहितामोघब्रह्मास्त्रविनिवारकः ।
पार्थध्वजाग्रसंवासी शरपञ्जरभेदकः ॥ २०॥

दशबाहुलोर्कपूज्यो जाम्बवत्प्रीति वर्धनः ।
सीतासमेत श्रीरामभद्रपूजाधुरन्धरः ॥ २१॥

इत्येवं श्रीहनुमतो नाम्नामष्टोत्तरं शतम् ॥

यः पठेच्छृणुयान्नित्यं सर्वान्कामानवाप्नुयात् ॥ २२॥

॥ इति श्रीमदाञ्जनेयाष्टोत्तरशतनामस्तोत्रं सम्पूर्णम् ॥

श्रीआञ्जनेयसहस्रनामस्तोत्रं हनुमत्सहस्रनामस्तोत्रं च

 श्रीआञ्जनेयसहस्रनामस्तोत्रं हनुमत्सहस्रनामस्तोत्रं च 


ऋषय ऊचुः । 
ऋषे लोहगिरिं प्राप्तः सीताविरहकातरः । 
भगवान् किं व्यधाद्रामस्तत्सर्वं ब्रूहि सत्वरम् ॥ 
वाल्मीकिरुवाच । 
मायामानुष देहोऽयं ददर्शाग्रे कपीश्वरम् । 
हनुमन्तं जगत्स्वामी बालार्कसम तेजसम् ॥ 
स सत्वरं समागम्य साष्टाङ्गं प्रणिपत्य च ।
कृताञ्जलिपुटो भूत्वा हनुमान् राममब्रवीत् ॥ 
श्री हनुमानुवाच । 
धन्योऽस्मि कृतकृत्योऽस्मि दृष्ट्वा त्वत्पादपङ्कजम् ।
योगिनामप्यगम्यं च संसारभय नाशनम् ।
पुरुषोत्तमं च देवेशं कर्तव्यं तन्निवेद्यताम् ॥

श्री रामचन्द्रोवाच ।
जनस्थानं कपिश्रेष्ठ कोऽप्यागत्य विदेहजाम् । 
हृतवान् विप्रसंवेशो मारीचानुगते मयि ॥ 
गवेष्यः साम्प्रतं वीरः जानकी हरणे परः । 
त्वया गम्यो न को देशस्त्वं च ज्ञानवतावरः ॥ 
सप्तकोटि महामन्त्रमन्त्रितावयवः प्रभुः । 
ऋषय उचुः ।  
को मन्त्र किञ्च तध्यानं तन्नो बूहि यथार्थता । यथार्थतः
कथासुधारसं पीत्वा न तृप्यामः परंतप ॥ १॥ 
वाल्मीकिरुवाच । 
मन्त्रं हनुमतो विद्धि भुक्तिमुक्ति प्रदायकम् । 
महारिष्ट महापाप महादुःख निवारणम् ॥ २॥ 
मन्त्रम् । 
ॐ ऐं ह्रीं श्रीं हनुमते रामदूताय लङ्का विध्वंसनाय  
अञ्जनीगर्भसम्भूताय शाकिनीढाकिनी विध्वंसनाय  
किलिकिलि बु बु कारेण विभीषणाय हनुमद्देवाय 
ॐ श्रीं ह्रीं ह्रौं ह्रां ह्रूं  फट् स्वाहा ॥

अन्यं हनुमतो मन्त्रं सहस्रं नामसञ्ज्ञितम् ।
जानन्तु ऋषयः सर्वे महादुरितनाशनम् ॥ ३॥ 
यस्य संस्मरणात् सीतां लब्ध्वा राज्यमकण्टकम् ।
विभीषणाय च ददावात्मानं लब्धवान् यथा ॥ ४॥ 
ऋषय ऊचुः
सहस्रनामसन्मन्त्रं दुःखाघौघनिवारणम् ।
वाल्मीके ब्रूहि नस्तूर्णं शुश्रूषामः कथां पराम् ॥ 
वाल्मीकिरुवाच । 
श‍ृण्वन्तु ऋषयः सर्वे सहस्रनामकं स्तवम् ।
स्तवानामुत्तमं दिव्यं सदर्थस्य प्रकाशकम् ॥

ॐ  अस्य श्रीहनुमत्सहस्रनामस्तोत्र मन्त्रस्य श्रीरामचन्द्रऋषिः । 
अनुष्टुप्छन्दः । श्रीहनुमान्महारुद्रो देवता । 
ह्रीं श्रीं ह्रौं ह्रां बीजं । श्रीं इति शक्तिः । 
किलिकिल बु बु कारेण इति कीलकम् । 
लङ्काविध्वंसनेति कवचम् । मम सर्वोपद्रवशान्त्यर्थे 
मम सर्वकार्यसिद्ध्यर्थे जपे विनियोगः ॥ 
॥ ऋष्यादिन्यासः ॥

श्रीरामचन्द्रऋषये नमः शिरसि ।
अनुष्टुप्छन्दसे नमः मुखे ।
श्रीहनुमान्महारुद्र देवतायै नमः हृदि । 
ह्रीं श्रीं ह्रौं ह्रां इति बीजाय नमः गुह्ये ।
श्रीं इति शक्तये नमः पादयोः ।
किलिकिल बु बु कारेण इति कीलकाय नमः नाभौ ।
लङ्काविध्वंसनेति कवचाय नमः बाहुद्वये ।
मम सर्वोपद्रवशान्त्यर्थे मम सर्वकार्यसिद्ध्यर्थे 
इति विनियोगाय नमः सर्वाङ्गे ॥

॥ इति ऋष्यादिन्यासः ॥

॥ अथ करन्यासः ॥

ॐ ऐं ह्रीं हनुमते रामदूताय अङ्गुष्ठाभ्यां नमः । 
ॐ लङ्काविध्वंसनाय तर्जनीभ्यां नमः । 
ॐ अञ्जनीगर्भसम्भूताय मध्यमाभ्यां नमः । 
ॐ शाकिनीडाकिनीविध्वंसनाय अनामिकाभ्यां नमः । 
ॐ किलिकिलि बू बू कारेण विभीषणाय हनुमद्देवताय कनिष्ठिकाभ्यां नमः । 
ॐ ह्रीं श्री ह्रौं हां हुं फट् स्वाहा करतल करपृष्ठाभ्यां नमः ॥

॥ इति करन्यासः ॥ 
॥ अथ हृदयादिषडङ्गन्यासः ॥

ॐ ऐं ह्रीं हनुमते रामदूताय हृदयाय नमः । 
ॐ लङ्काविध्वंसनाय शिरसे स्वाहा । 
ॐ अञ्जनीगर्भसम्भूताय शिखायैवषट् । 
ॐ शाकिनीडाकिनीविध्वंसनाय कवचाय  हुम् । 
ॐ किलिकिलि बू बू कारेण विभीषणाय हनुमद्देवताय नेत्रत्रयाय वौषट् ।
ॐ ह्रीं श्री ह्रौं हां हुं फट् स्वाहा अस्त्राय फट् ।
॥ इति हृदयादिषडङ्गन्यासः ॥

ध्यानम्
प्रतप्तस्वर्णवर्णाभं संरक्तारुणलोचनम् ।
सुग्रीवादियुतं ध्यायेत् पीताम्बरसमावृतम् ॥

गोष्पदीकृतवाराशिं पुच्छमस्तकमीश्वरम् ।
ज्ञानमुद्रां च बिभ्राणं सर्वालङ्कारभूषितम् ॥

वामहस्तसमाकृष्टदशास्याननमण्डलम् ।
उद्यद्दक्षिणदोर्दण्डं हनूमन्तं विचिन्तयेत् ॥

हनूमान् श्रीप्रदो वायुपुत्रो रुद्रो नयोऽजरः ।
अमृत्युर्वीरवीरश्च ग्रामवासो जनाश्रयः ॥ १॥

धनदो निर्गुणाकारो वीरो निधिपतिर्मुनिः ।
पिङ्गाक्षो वरदो वाग्मी सीताशोकविनाशनः ॥ २॥

शिवः शर्वः परोऽव्यक्तो व्यक्ताव्यक्तो धराधरः ।
पिङ्गकेशः पिङ्गरोमा श्रुतिगम्यः सनातनः ॥ ३॥

अनादिर्भगवान् दिव्यो विश्वहेतुर्नराश्रयः ।
आरोग्यकर्ता विश्वेशो विश्वनाथो हरीश्वरः ॥ ४॥

भर्गो रामो रामभक्तः कल्याणप्रकृतीश्वरः ।
विश्वम्भरो विश्वमूर्तिर्विश्वाकारोऽथ विश्वपः ॥ ५॥

विश्वात्मा विश्वसेव्योऽथ विश्वो विश्वधरो रविः ।
विश्वचेष्टो विश्वगम्यो विश्वध्येयःकलाधरः ॥ ६॥

प्लवङ्गमः कपिश्रेष्ठो ज्येष्ठो वेद्यो वनेचरः ।
बालो वृद्धो युवा तत्त्वं तत्त्वगम्यः सखा ह्यजः ॥ ७॥

अञ्जनासूनुरव्यग्रो ग्रामस्यान्तो धराधरः ।
भूर्भुवःस्वर्महर्लोको जनोलोकस्तपोऽव्ययः ॥ ८॥

सत्यमोङ्कारगम्यश्च प्रणवो व्यापकोऽमलः ।
शिवधर्मप्रतिष्ठाता रामेष्टः फल्गुनप्रियः ॥ ९॥

गोष्पदीकृतवारीशः पूर्णकामो धरापतिः ।
रक्षोघ्नः पुण्डरीकाक्षः शरणागतवत्सलः ॥ १०॥

जानकीप्राणदाता च रक्षःप्राणापहारकः ।
पूर्णः सत्यः पीतवासा दिवाकरसमप्रभः ॥ ११॥

द्रोणहर्ता शक्तिनेता शक्तिराक्षसमारकः ।
अक्षघ्नो रामदूतश्च शाकिनीजीविताहरः ॥ १२॥

बुभूकारहतारातिर्गर्वपर्वतमर्दनः ।
हेतुस्त्वहेतुः प्रांशुश्च विश्वकर्ता जगद्गुरुः ॥ १३॥

जगन्नाथो जगन्नेता जगदीशो जनेश्वरः ।
जगत्श्रितो हरिः श्रीशो गरुडस्मयभञ्जकः ॥ १४॥

पार्थध्वजो वायुपुत्रः सितपुच्छोऽमितप्रभः ।
ब्रह्मपुच्छः परब्रह्मपुच्छो रामेष्टकारकः ॥ १५॥

सुग्रीवादियुतो ज्ञानी वानरो वानरेश्वरः ।
कल्पस्थायी चिरञ्जीवी प्रसन्नश्च सदाशिवः ॥ १६॥

सन्मतिः सद्गतिर्भुक्तिमुक्तिदः कीर्तिदायकः ।
कीर्तिः कीर्तिप्रदश्चैव समुद्रः श्रीप्रदः शिवः ॥ १७॥

उदधिक्रमणो देवः संसारभयनाशनः ।
वालिबन्धनकृद्विश्वजेता विश्वप्रतिष्ठितः ॥ १८॥

लङ्कारिः कालपुरुषो लङ्केशगृहभञ्जनः ।
भूतावासो वासुदेवो वसुस्त्रिभुवनेश्वरः ॥

श्रीरामरूपः कृष्णस्तु लङ्काप्रासादभञ्जनः ।
कृष्णः कृष्णस्तुतः शान्तः शान्तिदो विश्वभावनः ॥ २०॥

विश्वभोक्ताऽथ मारघ्नो ब्रह्मचारी जितेन्द्रियः ।
ऊर्ध्वगो लाङ्गुली माली लाङ्गूलाहतराक्षसः ॥ २१॥

समीरतनुजो वीरो वीरमारो जयप्रदः ।
जगन्मङ्गलदः पुण्यः पुण्यश्रवणकीर्तनः ॥ २२॥

पुण्यकीर्तिः पुण्यगीतिर्जगत्पावनपावनः ।
देवेशोऽमितरोमाऽथ रामभक्तविधायकः ॥ २३॥

ध्याता ध्येयो जगत्साक्षी चेता चैतन्यविग्रहः ।
ज्ञानदः प्राणदः प्राणो जगत्प्राणः समीरणः ॥ २४॥

विभीषणप्रियः शूरः पिप्पलाश्रयसिद्धिदः ।
सिद्धः सिद्धाश्रयः कालः कालभक्षकपूजितः ॥ २५॥

लङ्केशनिधनस्थायी लङ्कादाहक ईश्वरः ।
चन्द्रसूर्याग्निनेत्रश्च कालाग्निः प्रलयान्तकः ॥ २६॥

कपिलः कपिशः पुण्यरातिर्द्वादशराशिगः ।
सर्वाश्रयोऽप्रमेयात्मा रेवत्यादिनिवारकः ॥ २७॥

लक्ष्मणप्राणदाता च सीताजीवनहेतुकः ।
रामध्यायी हृषीकेशो विष्णुभक्तो जटी बली ॥ २८॥

देवारिदर्पहा होता धाता कर्ता जगत्प्रभुः ।
नगरग्रामपालश्च शुद्धो बुद्धो निरन्तरः ॥ २९॥

निरञ्जनो निर्विकल्पो गुणातीतो भयङ्करः ।
हनुमांश्च दुराराध्यस्तपःसाध्यो महेश्वरः ॥ ३०॥

जानकीघनशोकोत्थतापहर्ता पराशरः ।
वाङ्मयः सदसद्रूपः कारणं प्रकृतेः परः ॥ ३१॥

भाग्यदो निर्मलो नेता पुच्छलङ्काविदाहकः ।
पुच्छबद्धो यातुधानो यातुधानरिपुप्रियः ॥ ३२॥

छायापहारी भूतेशो लोकेशः सद्गतिप्रदः ।
प्लवङ्गमेश्वरः क्रोधः क्रोधसंरक्तलोचनः ॥ ३३॥

क्रोधहर्ता तापहर्ता भक्ताभयवरप्रदः ।
भक्तानुकम्पी विश्वेशः पुरुहूतः पुरन्दरः ॥ ३४॥

अग्निर्विभावसुर्भास्वान् यमो निरृतिरेव च ।
वरुणो वायुगतिमान् वायुः कुबेर ईश्वरः ॥ ३५॥

रविश्चन्द्रः कुजः सौम्यो गुरुः काव्यः शनैश्चरः ।
राहुः केतुर्मरुद्दाता धाता हर्ता समीरजः ॥ ३६॥

मशकीकृतदेवारिर्दैत्यारिर्मधूसूदनः ।
कामः कपिः कामपालः कपिलो विश्वजीवनः ॥ ३७॥

भागीरथीपदाम्भोजः सेतुबन्धविशारदः ।
स्वाहा स्वधा हविः कव्यं हव्यवाहः प्रकाशकः ॥ ३८॥

स्वप्रकाशो महावीरो मधुरोऽमितविक्रमः ।
उड्डीनोड्डीनगतिमान् सद्गतिः पुरुषोत्तमः ॥

जगदात्मा जगद्योनिर्जगदन्तो ह्यनन्तरः ।
विपाप्मा निष्कलङ्कोऽथ महान् महदहङ्कृतिः ॥ ४०॥

खं वायुः पृथिवी चापो वह्निर्दिक् काल एकलः ।
क्षेत्रज्ञः क्षेत्रपालश्च पल्वलीकृतसागरः ॥ ४१॥

हिरण्मयः पुराणश्च खेचरो भूचरो मनुः ।
हिरण्यगर्भः सूत्रात्मा राजराजो विशां पतिः ॥ ४२॥

वेदान्तवेद्य उद्गीथो वेदाङ्गो वेदपारगः ।
प्रतिग्रामस्थितः सद्यः स्फूर्तिदाता गुणाकरः ॥ ४३॥

नक्षत्रमाली भूतात्मा सुरभिः कल्पपादपः ।
चिन्तामणिर्गुणनिधिः प्रजाद्वारमनुत्तमः ॥ ४४॥

पुण्यश्लोकः पुरारातिः मतिमान् शर्वरीपतिः ।
किल्किलारावसन्त्रस्तभूतप्रेतपिशाचकः ॥ ४५॥

ऋणत्रयहरः सूक्ष्मः स्थूलः सर्वगतिः पुमान् ।
अपस्मारहरः स्मर्ता श्रुतिर्गाथा स्मृतिर्मनुः ॥ ४६॥

स्वर्गद्वारं प्रजाद्वारं मोक्षद्वारं यतीश्वरः ।
नादरूपं परं ब्रह्म ब्रह्म ब्रह्मपुरातनः ॥ ४७॥

एकोऽनेको जनः शुक्लः स्वयञ्ज्योतिरनाकुलः ।
ज्योतिर्ज्योतिरनादिश्च सात्विको राजसस्तमः ॥ ४८॥

तमोहर्ता निरालम्बो निराकारो गुणाकरः ।
गुणाश्रयो गुणमयो बृहत्कायो बृहद्यशाः ॥

बृहद्धनुर्बृहत्पादो बृहन्मूर्धा बृहत्स्वनः ।
बृहत्कर्णो बृहन्नासो बृहद्बाहुर्बृहत्तनुः ॥ ५०॥

बृहद्गलो बृहत्कायो बृहत्पुच्छो बृहत्करः ।
बृहद्गतिर्बृहत्सेवो बृहल्लोकफलप्रदः ॥ ५१॥

बृहद्भक्तिर्बृहद्वाञ्छाफलदो बृहदीश्वरः ।
बृहल्लोकनुतो द्रष्टा विद्यादाता जगद्गुरुः ॥ ५२॥

देवाचार्यः सत्यवादी ब्रह्मवादी कलाधरः ।
सप्तपातालगामी च मलयाचलसंश्रयः ॥ ५३॥

उत्तराशास्थितः श्रीशो दिव्यौषधिवशः खगः ।
शाखामृगः कपीन्द्रोऽथ पुराणः प्राणचञ्चुरः ॥ ५४॥

चतुरो ब्राह्मणो योगी योगिगम्यः परोऽवरः ।
अनादिनिधनो व्यासो वैकुण्ठः पृथिवीपतिः ॥ ५५॥

अपराजितो जितारातिः सदानन्दद ईशिता ।
गोपालो गोपतिर्योद्धा कलिः स्फालः परात्परः ॥ ५६॥

मनोवेगी सदायोगी संसारभयनाशनः ।
तत्त्वदाताऽथ तत्त्वज्ञस्तत्त्वं तत्त्वप्रकाशकः ॥ ५७॥

शुद्धो बुद्धो नित्ययुक्तो भक्ताकारो जगद्रथः ।
प्रलयोऽमितमायश्च मायातीतो विमत्सरः ॥ ५८॥

मायानिर्जितरक्षाश्च मायानिर्मितविष्टपः ।
मायाश्रयश्च निलेर्पो मायानिर्वर्तकः सुखी ॥

सुखी(खं) सुखप्रदो नागो महेशकृतसंस्तवः ।
महेश्वरः सत्यसन्धः शरभः कलिपावनः ॥ ६०॥

रसो रसज्ञः सन्मानो रूपं चक्षुः श्रुती रवः ।
घ्राणं गन्धः स्पर्शनं च स्पर्शो हिङ्कारमानगः ॥ ६१॥

नेति नेतीति गम्यश्च वैकुण्ठभजनप्रियः ।
गिरिशो गिरिजाकान्तो दुर्वासाः कविरङ्गिराः ॥ ६२॥

भृगुर्वसिष्ठश्च्यवनो नारदस्तुम्बुरुर्हरः ।
विश्वक्षेत्रं विश्वबीजं विश्वनेत्रं च विश्वपः ॥ ६३॥

याजको यजमानश्च पावकः पितरस्तथा ।
श्रद्धा बुद्धिः क्षमा तन्द्रा मन्त्रो मन्त्रयिता सुरः ॥ ६४॥

राजेन्द्रो भूपती रूढो माली संसारसारथिः ।
नित्यः सम्पूर्णकामश्च भक्तकामधुगुत्तमः ॥ ६५॥

गणपः केशवो भ्राता पिता माताऽथ मारुतिः ।
सहस्रमूर्धा सहस्रास्यः सहस्राक्षः सहस्रपात् ॥ ६६॥

कामजित् कामदहनः कामः काम्यफलप्रदः ।
मुद्रोपहारी रक्षोघ्नः क्षितिभारहरो बलः ॥ ६७॥

नखदंष्ट्रायुधो विष्णुभक्तो भक्ताभयप्रदः ।
दर्पहा दर्पदो दंष्ट्राशतमूर्तिरमूर्तिमान् ॥ ६८॥

महानिधिर्महाभागो महाभर्गो महर्द्धिदः ।
महाकारो महायोगी महातेजा महाद्युतिः ॥

महाकर्मा महानादो महामन्त्रो महामतिः ।
महाशमो महोदारो महादेवात्मको विभुः ॥ ७०॥

रुद्रकर्मा क्रूरकर्मा रत्ननाभः कृतागमः ।
अम्भोधिलङ्घनः सिद्धः सत्यधर्मा प्रमोदनः ॥ ७१॥

जितामित्रो जयः सोमो विजयो वायुवाहनः ।
जीवो धाता सहस्रांशुर्मुकुन्दो भूरिदक्षिणः ॥ ७२॥

सिद्धार्थः सिद्धिदः सिद्धः सङ्कल्पः सिद्धिहेतुकः ।
सप्तपातालचरणः सप्तर्षिगणवन्दितः ॥ ७३॥

सप्ताब्धिलङ्घनो वीरः सप्तद्वीपोरुमण्डलः ।
सप्ताङ्गराज्यसुखदः सप्तमातृनिषेवितः ॥ ७४॥

सप्तलोकैकमकुटः सप्तहोत्रः स्वराश्रयः ।
सप्तसामोपगीतश्च सप्तपातालसंश्रयः ॥ ७५॥

सप्तच्छन्दोनिधिः सप्तच्छन्दः सप्तजनाश्रयः ।
मेधादः कीर्तिदः शोकहारी दौर्भाग्यनाशनः ॥ ७६॥

सर्ववश्यकरो गर्भदोषहा पुत्रपौत्रदः ।
प्रतिवादिमुखस्तम्भो रुष्टचित्तप्रसादनः ॥ ७७॥

पराभिचारशमनो दुःखहा बन्धमोक्षदः ।
नवद्वारपुराधारो नवद्वारनिकेतनः ॥ ७८॥

नरनारायणस्तुत्यो नवनाथमहेश्वरः ।
मेखली कवची खड्गी भ्राजिष्णुर्जिष्णुसारथिः ॥

बहुयोजनविस्तीर्णपुच्छः पुच्छहतासुरः ।
दुष्टहन्ता नियमिता पिशाचग्रहशातनः ॥ ८०॥

बालग्रहविनाशी च धर्मनेता कृपाकरः ।
उग्रकृत्यश्चोग्रवेग उग्रनेत्रः शतक्रतुः ॥ ८१॥

शतमन्युस्तुतः स्तुत्यः स्तुतिः स्तोता महाबलः ।
समग्रगुणशाली च व्यग्रो रक्षोविनाशनः ॥ ८२॥

रक्षोऽग्निदावो ब्रह्मेशः श्रीधरो भक्तवत्सलः ।
मेघनादो मेघरूपो मेघवृष्टिनिवारणः ॥ ८३॥

मेघजीवनहेतुश्च मेघश्यामः परात्मकः ।
समीरतनयो धाता तत्त्वविद्याविशारदः ॥ ८४॥

अमोघोऽमोघवृष्टिश्चाभीष्टदोऽनिष्टनाशनः ।
अर्थोऽनर्थापहारी च समर्थो रामसेवकः ॥ ८५॥

अर्थी धन्योऽसुरारातिः पुण्डरीकाक्ष आत्मभूः ।
सङ्कर्षणो विशुद्धात्मा विद्याराशिः सुरेश्वरः ॥ ८६॥

अचलोद्धारको नित्यः सेतुकृद्रामसारथिः ।
आनन्दः परमानन्दो मत्स्यः कूर्मो निधिः शयः ॥ ८७॥

वराहो नारसिंहश्च वामनो जमदग्निजः ।
रामः कृष्णः शिवो बुद्धः कल्की रामाश्रयो हरिः ॥ ८८॥

नन्दी भृङ्गी च चण्डी च गणेशो गणसेवितः ।
कर्माध्यक्षः सुरारामो विश्रामो जगतीपतिः ॥

जगन्नाथः कपीशश्च सर्वावासः सदाश्रयः ।
सुग्रीवादिस्तुतो दान्तः सर्वकर्मा प्लवङ्गमः ॥ ९०॥

नखदारितरक्षश्च नखयुद्धविशारदः ।
कुशलः सुधनः शेषो वासुकिस्तक्षकस्तथा ॥ ९१॥

स्वर्णवर्णो बलाढ्यश्च पुरुजेताऽघनाशनः ।
कैवल्यदीपः कैवल्यो गरुडः पन्नगो गुरुः ॥ ९२॥

क्लीक्लीरावहतारातिगर्वः पर्वतभेदनः ।
वज्राङ्गो वज्रवक्त्रश्च भक्तवज्रनिवारकः ॥ ९३॥

नखायुधो मणिग्रीवो ज्वालामाली च भास्करः ।
प्रौढप्रतापस्तपनो भक्ततापनिवारकः ॥ ९४॥

शरणं जीवनं भोक्ता नानाचेष्टोऽथ चञ्चलः ।
स्वस्थस्त्वस्वास्थ्यहा दुःखशातनः पवनात्मजः ॥ ९५॥

पवनः पावनः कान्तो भक्ताङ्गः सहनो बलः ।
मेघनादरिपुर्मेघनादसंहृतराक्षसः ॥ ९६॥

क्षरोऽक्षरो विनीतात्मा वानरेशः सताङ्गतिः ।
श्रीकण्ठः शितिकण्ठश्च सहायः सहनायकः ॥ ९७॥

अस्थूलस्त्वनणुर्भर्गो देवसंसृतिनाशनः ।
अध्यात्मविद्यासारश्चाप्यध्यात्मकुशलः सुधीः ॥ ९८॥

अकल्मषः सत्यहेतुः सत्यदः सत्यगोचरः ।
सत्यगर्भः सत्यरूपः सत्यः सत्यपराक्रमः ॥ ९९॥

अञ्जनाप्राणलिङ्गं च वायुवंशोद्भवः श्रुतिः ।
भद्ररूपो रुद्ररूपः सुरूपश्चित्ररूपधृक् ॥ १००॥

मैनाकवन्दितः सूक्ष्मदर्शनो विजयो जयः ।
क्रान्तदिङ्मण्डलो रुद्रः प्रकटीकृतविक्रमः ॥ १०१॥

कम्बुकण्ठः प्रसन्नात्मा ह्रस्वनासो वृकोदरः ।
लम्बोष्ठः कुण्डली चित्रमाली योगविदां वरः ॥ १०२॥

विपश्चित् कविरानन्दविग्रहोऽनल्पनाशनः ।
फाल्गुनीसूनुरव्यग्रो योगात्मा योगतत्परः ॥ १०३॥

योगविद्योगकर्ता च योगयोनिर्दिगम्बरः ।
अकारादिक्षकारान्तवर्णनिर्मितविग्रहः ॥ १०४॥

उलूखलमुखः सिद्धसंस्तुतः परमेश्वरः ।
श्लिष्टजङ्घः श्लिष्टजानुः श्लिष्टपाणिः शिखाधरः ॥ १०५॥

सुशर्माऽमितधर्मा च नारायणपरायणः ।
जिष्णुर्भविष्णू रोचिष्णुर्ग्रसिष्णुः स्थाणुरेव च ॥ १०६॥

हरी रुद्रानुकृद्वृक्षकम्पनो भूमिकम्पनः ।
गुणप्रवाहः सूत्रात्मा वीतरागः स्तुतिप्रियः ॥ १०७॥

नागकन्याभयध्वंसी कृतपूर्णः कपालभृत् ।
अनुकूलोऽक्षयोऽपायोऽनपायो वेदपारगः ॥ १०८॥

अक्षरः पुरुषो लोकनाथस्त्र्यक्षः प्रभुर्दृढः ।
अष्टाङ्गयोगफलभूः सत्यसन्धः पुरुष्टुतः ॥ १०९॥

श्मशानस्थाननिलयः प्रेतविद्रावणक्षमः ।
पञ्चाक्षरपरः पञ्चमातृको रञ्जनो ध्वजः ॥ ११०॥

योगिनीवृन्दवन्द्यश्रीः शत्रुघ्नोऽनन्तविक्रमः ।
ब्रह्मचारीन्द्रियवपुर्धृतदण्डो दशात्मकः ॥ १११॥

अप्रपञ्चः सदाचारः शूरसेनो विदारकः ।
बुद्धः प्रमोद आनन्दः सप्तजिह्वपतिर्धरः ॥ ११२॥

नवद्वारपुराधारः प्रत्यग्रः सामगायनः ।
षट्चक्रधामा स्वर्लोकभयहृन्मानदो मदः ॥ ११३॥

सर्ववश्यकरः शक्तिरनन्तोऽनन्तमङ्गलः ।
अष्टमूर्तिधरो नेता विरूपः स्वरसुन्दरः ॥ ११४॥

धूमकेतुर्महाकेतुः सत्यकेतुर्महारथः ।
नन्दीप्रियः स्वतन्त्रश्च मेखली डमरुप्रियः ॥ ११५॥

लोहिताङ्गः समिद्वह्निः षडृतुः शर्व ईश्वरः ।
फलभुक् फलहस्तश्च सर्वकर्मफलप्रदः ॥ ११६॥

धर्माध्यक्षो धर्मफलो धर्मो धर्मप्रदोऽर्थदः ।
पञ्चविंशतितत्त्वज्ञस्तारको ब्रह्मतत्परः ॥ ११७॥

त्रिमार्गवसतिर्भीमः सर्वदुष्टनिबर्हणः ।
ऊर्जःस्वामी जलस्वामी शूली माली निशाकरः ॥ ११८॥

रक्ताम्बरधरो रक्तो रक्तमाल्यविभूषणः ।
वनमाली शुभाङ्गश्च श्वेतः श्वेताम्बरो युवा ॥ ११९॥

जयोऽजेयपरीवारः सहस्रवदनः कविः ।
शाकिनीडाकिनीयक्षरक्षोभूतप्रभञ्जनः ॥ १२०॥

सद्योजातः कामगतिर्ज्ञानमूर्तिर्यशस्करः ।
शम्भुतेजाः सार्वभौमो विष्णुभक्तः प्लवङ्गमः ॥ १२१॥

चतुर्णवतिमन्त्रज्ञः पौलस्त्यबलदर्पहा ।
सर्वलक्ष्मीप्रदः श्रीमानङ्गदप्रियवर्धनः ॥ १२२॥

स्मृतिबीजं सुरेशानः संसारभयनाशनः ।
उत्तमः श्रीपरीवारः श्रीभूरुग्रश्च कामधुक् ॥ १२३॥

सदागतिर्मातरिश्वा रामपादाब्जषट्पदः ।
नीलप्रियो नीलवर्णो नीलवर्णप्रियः सुहृत् ॥ १२४॥

रामदूतो लोकबन्धुरन्तरात्मा मनोरमः ।
श्रीरामध्यानकृद्वीरः सदा किम्पुरुषस्तुतः ॥ १२५॥

रामकार्यान्तरङ्गश्च शुद्धिर्गतिरनामयः ।
पुण्यश्लोकः परानन्दः परेशप्रियसारथिः ॥ १२६॥

लोकस्वामी मुक्तिदाता सर्वकारणकारणः ।
महाबलो महावीरः पारावारगतिर्गुरुः ॥ १२७॥

तारको भगवांस्त्राता स्वस्तिदाता सुमङ्गलः ।
समस्तलोकसाक्षी च समस्तसुरवन्दितः ।
सीतासमेतश्रीरामपादसेवाधुरन्धरः ॥ १२८॥

वाल्मीकिरुवाच  
इति नाम्न सहस्रेण स्तुतो रामेण वायुभूः । 
उवाच तं प्रसन्नात्मा संघायात्मानमव्ययम् ॥ १२९॥

श्री हनुमानुवाच ।
ध्यानास्पदमिदं ब्रह्म मत्पुरः समुपस्थितम् । 
स्वामिन् कृपानिधे राम ज्ञातोऽसि कपिना मया ॥ १३०॥ 
त्वध्यान निरता लोकाः किं मां जपसि सादरम् । 
तवागमनहेतुश्च ज्ञातो ह्यत्र मयाऽनघ ॥ १३१॥

कर्तव्यं मम किं राम तथा ब्रूहि च राघव । 
इति प्रचोदितो रामः प्रहृष्टात्मेदमब्रवीत् ॥ १३२॥ 

श्री रामचन्द्रोवाच ।
दुर्जयः खलु वैदेहीं गृहीत्वा कोऽपि निर्गतः ।
हत्वा तं निर्घृणं वीरमानय त्वं कपीश्वर ॥ १३३॥ 
मम दास्यं कुरु सखे भव विश्वसुखंकरः ।
तथा कृते त्वया वीर मम कार्यं भविष्यति ॥ १३४॥ 
ओमीत्याज्ञां तु शिरसा गृहीत्वा स कपीश्वरः। 
विधेयं विधिवत्तत्र चकार शिरसा स्वयम्॥ १३५॥

इदं नामसहस्रं तु योऽधीते प्रत्यहं नरः ।
दुःखौघो नश्यते क्षिप्रं सम्पत्तिर्वर्धते चिरम् ।
वश्यं चतुर्विधं तस्य भवत्येव न संशयः ॥ १३६॥

राजानो राजपुत्राश्च राजकीयाश्च मन्त्रिणः ।
त्रिकालं पठनादस्य दृश्यन्ते च त्रिपक्षतः ॥ १३७॥

अश्वत्थमूले जपतां नास्ति वैरिकृतं भयम् ।
त्रिकालपठनादस्य सिद्धिः स्यात् करसंस्थिता ॥ १३८॥

ब्राह्मे मुहूर्ते चोत्थाय प्रत्यहं यः पठेन्नरः ।
ऐहिकामुष्मिकान् सोऽपि लभते नात्र संशयः ॥ १३९॥

सङ्ग्रामे सन्निविष्टानां वैरिविद्रावणं भवेत् ।
ज्वरापस्मारशमनं गुल्मादिव्याधिवारणम् ॥ १४०॥

साम्राज्यसुखसम्पत्तिदायकं जपतां नृणाम् ।
य इदं पठते नित्यं पाठयेद्वा समाहितः ।
सर्वान् कामानवाप्नोति वायुपुत्रप्रसादतः ॥ १४१॥ 

॥ श्री आञ्जनेयसहस्रनामस्तोत्रं हनुमत्सहस्रनामस्तोत्रं च सम्पूर्णम् ॥

 

श्रीआंजनेय द्वादशनामस्तोत्रम्

 

 श्रीआंजनेय द्वादशनामस्तोत्रम् 


हनुमानंजनासूनुः वायुपुत्रो महाबलः ।
रामेष्टः फल्गुणसखः पिंगाक्षोऽमितविक्रमः ॥ १॥

उदधिक्रमणश्चैव सीताशोकविनाशकः ।
लक्ष्मण प्राणदाताच दशग्रीवस्य दर्पहा ॥ २॥

द्वादशैतानि नामानि कपींद्रस्य महात्मनः ।
स्वापकाले पठेन्नित्यं यात्राकाले विशेषतः ।
तस्यमृत्यु भयंनास्ति सर्वत्र विजयी भवेत् ॥

आञ्जनेय गायत्रि , ध्यानं , त्रिकाल वंदनं

 

 आञ्जनेय गायत्रि , ध्यानं , त्रिकाल वंदनं 


श्री आञ्जनेय स्वामी परदेवताभ्यो नमः
ध्यानम्
उद्यदादित्य संकाशं उदार भुज विक्रमम् ।
कन्दर्प कोटि लावण्यं सर्व विद्या विशारदम् ॥

श्री राम हृदयानंदं भक्त कल्प महीरुहम् ।
अभयं वरदं दोर्भ्यां कलये मारुतात्मजम् ॥

अञ्जनानन्दनं वीरं जानकी शोकनाशनम् ।
कपीशं अक्षहन्तारं वन्दे लंका भयंकरम् ॥

आञ्जनेयं अतिपाटलाननं कञनाद्रि कमनीय विग्रहम् ।
पारिजात तरुमूल वासिनं भावयामि पवमान नन्दनम् ॥

उल्लंघ्य सिन्धोः सलिलं सलीलं यस्शोक वह्निं जनकात्मजाय ।
आदाय तेनैव ददाह लंकां नमामि तं प्रान्जलिराञ्जनेयं ॥

अतुलित बलधामं स्वर्ण शैलाभदेहम्
दनुजवन कृशानं ज्ञानिनां अग्रगण्यम् ।
सकल गुण निधानं वानराणां अधीशम्
रघुपति प्रिय भक्तं वात जातं नमामि ॥

गोश्पदीकृत वारशिं मशकीकृत राक्षसाम् ।
रामायण महामाला रत्नं वन्दे अनिलात्मजम् ॥

यत्र यत्र रघुनाथ कीर्तनं तत्र तत्र कृत मस्तकाञ्जलिम् ।
भाश्पवारि परिपूर्ण लोचनं मारुतिं नमत राक्षसान्तकम् ॥

अमिषीकृत मार्तंदं गोश्पदीकृत सागरम् ।
तृणीकृत दशग्रीवं आञ्जनेयं नमाम्यहम् ॥

मनोजवं मारुत तुल्य वेगं
जितेन्द्रियं बुद्धिमतां वरिष्ठम् ।
वातात्मजं वानर यूथ मुख्यं
श्री रामदूतं शिरसा नमामि ॥



आञ्जनेय गायत्रि
ॐ आञ्जनेयाय विद्महे वायुपुत्राय धीमहि ।
तन्नो हनुमत् प्रचोदयात् ॥

आञ्जनेय त्रिकाल वंदनं
प्रातः स्मरामि हनुमन् अनन्तवीर्यं
श्री रामचन्द्र चरणाम्बुज चंचरीकम् ।
लंकापुरीदहन नन्दितदेववृन्दं
सर्वार्थसिद्धिसदनं प्रथितप्रभावम् ॥

माध्यम् नमामि वृजिनार्णव तारणैकाधारं
शरण्य मुदितानुपम प्रभावम् ।
सीताधि सिंधु परिशोषण कर्म दक्षं
वंदारु कल्पतरुं अव्ययं आञ्ज्नेयम् ॥

सायं भजामि शरणोप स्मृताखिलार्ति
पुञ्ज प्रणाशन विधौ प्रथित प्रतापम् ।
अक्षांतकं सकल राक्षस वंश
धूम केतुं प्रमोदित विदेह सुतं दयालुम् ॥

अष्टादशशक्तिपीठस्तोत्रम्

 

 अष्टादशशक्तिपीठस्तोत्रम् 


लङ्कायां शाङ्करी देवी कामाक्षी काञ्चिकापुरे ।
प्रद्युम्ने श‍ृङ्खलादेवी चामुण्डी क्रौञ्चपट्टणे ॥

अलम्पुरे जोगुलाम्बा श्रीशैले भ्रमराम्बिका ।
कोल्हापुरे महालक्ष्मी माहूर्ये एकवीरिका ॥

उज्जयिन्यां महाकाली पीठिक्यां पुरुहूतिका ।
ओढ्यायां गिरिजादेवी माणिक्या दक्षवाटके ॥

हरिक्षेत्रे कामरूपा प्रयागे माधवेश्वरी ।
ज्वालायां वैष्णवी देवी गया माङ्गल्यगौरिका ॥

वारणस्यां विशालाक्षी काश्मीरेषु सरस्वती ।
अष्टादश सुपीठानि योगिनामपि दुर्लभम् ॥

सायङ्काले पठेन्नित्यं सर्वशत्रुविनाशनम् ।
सर्वरोगहरं दिव्यं सर्वसम्पत्करं शुभम् ॥

इति अष्टादशशक्तिपीठस्तुतिः ।

अष्टदिक्पालकस्तोत्रं

 अष्टदिक्पालकस्तोत्रं 

श्री इन्द्रस्तुतिः - पूर्व (East)
      ऐरावतगजारूढं स्वर्णवर्णं किरीटिनम् ।
      सहस्रनयनं शक्रं वज्रपाणिं विभावयेत् ॥ १॥

श्री अग्निस्तुतिः - आग्नेय (Southeast)
      सप्तार्चिषं च बिभ्राणमक्षमालां कमण्डलुम् ।
      ज्वालमालाकुलं रक्तं शक्तिहस्तं चकासतम् ॥ २॥

श्री यमस्तुतिः - दक्षिण (South)
      कृतान्तं महिषारूढं दण्डहस्तं भयानकम् ।
      कालपाशधरं कृष्णं ध्यायेत् दक्षिणदिक्पतिम् ॥ ३॥

श्री निरृत्यस्तुतिः - नैरृत्य (Southwest)
      रक्तनेत्रं शवारूढं नीलोत्पलदलप्रभम् ।
      कृपाणपाणिमस्रौघं पिबन्तं राक्षसेश्वरम् ॥ ४॥

श्री वरुणस्तुतिः - पश्चिम (West)
      नागपाशधरं हृष्टं रक्तौघद्युतिविग्रहम् ।
      शशाङ्कधवलं ध्यायेत् वरुणं मकरासनम् ॥ ५॥

श्री वायुस्तुतिः - वायव्य (Northwest)
      आपीतं हरितच्छायं विलोलध्वजधारिणम् ।
      प्राणभूतं च भूतानां हरिणस्थं समीरणम् ॥ ६॥

श्री कुबेरस्तुतिः - उत्तर (North)
      कुबेरं मनुजासीनं सगर्वं गर्वविग्रहम् ।
      स्वर्णच्छायं गदाहस्तमुत्तराधिपतिं स्मरेत् ॥ ७॥

श्री ईशानस्तुतिः - ईशान्य (Northeast)
      वृषभारूढं त्रिशूलं व्यालधारिणम् ।
      शरच्चन्द्रसमाकारं त्रिनेत्रं नीलकण्ठकम् ॥ ८॥

इति अष्टदिक्पालकस्तोत्रं सम्पूर्णम् ।

 

अष्टदिक्पालकस्तुतिः

 

 अष्टदिक्पालकस्तुतिः 

श्री इन्द्रस्तुतिः - पूर्व (East)
     दैत्यदर्पविनाशाय सहस्राक्षाय धीमते ।
     कुलिशव्यग्रहस्ताय नमस्तेऽस्तु शतक्रतो ॥ १॥

श्री अग्निस्तुतिः - आग्नेय (Southeast)
     मुखं यस्सर्वदेवानां येन हव्यञ्च नीयते ।
     येन प्रवर्तते सर्वं नमस्तस्मै हविर्भुजे ॥ २॥

श्रीयमस्तुतिः - दक्षिण (South)
     येन संह्रियते सर्वं येन सर्वञ्च रक्ष्यते ।
     यस्माद्बिभेति लोकोऽयं यमराज नमोऽस्तुते ॥ ३॥

श्रीनिरृत्यस्तुतिः - नैरृत्य (Southwest)
     रक्षसां यातुधानानां पिशाचानाञ्च यः पतिः ।
     तस्मै निरृतये तुभ्यं रक्षसां पतये नमः ॥ ४॥

श्रीवरुणस्तुतिः - पश्चिम (West)
     येन प्रसूयते सर्वं यस्मिन् सर्वं प्रलीयते ।
     वरुणाय जलेशाय पाशहस्ताय ते नमः ॥ ५॥

श्रीवायुस्तुतिः - वायव्य (Northwest)
     आपूर्यन्ते प्रवर्तन्ते येन प्राणादिवायवः ।
     भूतानामिह सर्वेषां नमस्तस्मै नभस्वते ॥ ६॥

श्रीकुबेरस्तुतिः - उत्तर (North)
     यत्प्रसादात् जगत्सर्वं धनेन परिपूर्यते ।
     तस्मै गुह्यकनाथाय धनेशाय नमोऽस्तुते ॥ ७॥

श्री ईशानस्तुतिः - ईशान्य (Northeast)
     नमस्त्रिशूलहस्ताय लोकसंरक्षणाय ते ।
     विद्यानां पतये तुभ्यमीशानाय नमो नमः ॥ ८॥

अम्बास्तोत्रं स्वामी विवेकानन्दरचितम्

 

 अम्बास्तोत्रं स्वामी विवेकानन्दरचितम् 

का त्वं शुभकरे सुखदुःखहस्ते
      आघूर्णितं भवजलं प्रबलोर्मिभङ्गैः ।
शांतिं विधातुमिह किं बहुधा विभग्नाम्
      मतः प्रयत्नपरमासि सदैव विश्वे ॥ १॥

सम्पादयत्यविरतं त्वविरामवृता
      या वै स्थिता कृतफलं त्वकृतस्य नेत्री ।
सा मे भवत्वनिदिनं वरदा भवानी
      जानाम्यहं ध्रुवमिदं धृतकर्मपाशा ॥ २॥

को वा धर्मः किमकृतं क्वः कपाललेखः
      किंवादृष्टं फलमिहास्ति हि यां विना भोः ।
इच्छापाशैर्नियमिता नियमाः स्वतंत्रैः
      यस्या नेत्री भवति सा शरणं ममाद्या ॥ ३॥

सन्तानयन्ति जलधिं जनिमृत्युजालम्
      सम्भावयन्त्यविकृतं विकृतं विभग्नम् ।
यस्या विभूतय इहामितशक्तिपालाः
      नाश्रित्य तां वद कुत शरणं व्रजामः ॥ ४॥

मित्रे रिपौ त्वविषमं तव पद्मनेत्रम्
      स्वस्थे दुःस्थे त्ववितथं तव हस्तपातः ।
मृत्युच्छाया तव दया त्वमृतञ्च मातः
      मा मां मुञ्चन्तु परमे शुभदृष्टयस्ते ॥ ५॥

क्वाम्बा सर्वा क्व गणनं मम हीनबुद्धेः
      धत्तुं दोर्भ्यामिव मतिर्जगदेकधात्रीम् ।
श्रीसञ्चिन्त्यं सुचरणमभयपतिष्ठम्
      सेवासारैरभिनुतं शरणं प्रपद्ये ॥ ६॥

या मामा जन्म विनयत्यतिदुःखमार्गैः
      आसंसिद्धेः स्वकलितैर्ल्ललितैर्विलासैः ।
या मे बुद्धिं सुविदधे सततं धरण्यम्
      साम्बा सर्वा मम गतिः सफले फले वा ॥ ७॥

इति अम्बास्तोत्रं सम्पूर्णम् ।

अश्वत्थस्तोत्रम्

 अश्वत्थस्तोत्रम् 


श्रीनारद उवाच -
अनायासेन लोकोऽयम् सर्वान् कामानवाप्नुयात्  ।
सर्वदेवात्मकं चैकं तन्मे ब्रूहि पितामह ॥ १॥

ब्रह्मोवाच -
श्रुणु देव मुनेऽश्वत्थं शुद्धं सर्वात्मकं तरुम् ।
यत्प्रदक्षिणतो लोकः सर्वान् कामान् समश्नुते ॥ २॥

अश्वत्थाद्दक्षिणे रुद्रः पश्चिमे विष्णुरास्थितः ।
ब्रह्मा चोत्तरदेशस्थः पूर्वेत्विन्द्रादिदेवताः ॥ ३॥

स्कन्धोपस्कन्धपत्रेषु गोविप्रमुनयस्तथा ।
मूलं वेदाः पयो यज्ञाः संस्थिता मुनिपुङ्गव ॥ ४॥

पूर्वादिदिक्षु संयाता नदीनदसरोऽब्धयः ।
तस्मात् सर्वप्रयत्नेन ह्यश्वत्थं संश्रयेद्बुधः ॥ ५॥

त्वं क्षीर्यफलकश्चैव शीतलस्य वनस्पते ।
त्वामाराध्य नरो विन्द्यादैहिकामुष्मिकं फलम् ॥ ६॥

चलद्दलाय वृक्षाय सर्वदाश्रितविष्णवे ।
बोधिसत्वाय देवाय ह्यश्वत्थाय नमो नमः ॥ ७॥

अश्वत्थ यस्मात् त्वयि वृक्षराज नारायणस्तिष्ठति सर्वकाले ।
अथः श्रुतस्त्वं सततं तरूणां धन्योऽसि चारिष्टविनाशकोऽसि ॥ ८॥

क्षीरदस्त्वं च येनेह येन श्रीस्त्वां निषेवते ।
सत्येन तेन वृक्षेन्द्र मामपि श्रीर्निषेवताम् ॥ ९॥

एकादशात्मरुद्रोऽसि वसुनाथशिरोमणिः ।
नारायणोऽसि देवानां वृक्षराजोऽसि पिप्पल ॥ १०॥

अग्निगर्भः शमीगर्भो देवगर्भः प्रजापतिः ।
हिरण्यगर्भो भूगर्भो यज्ञगर्भो नमोऽस्तु ते ॥ ११॥

आयुर्बलं यशो वर्चः प्रजाः पशुवसूनि च ।
ब्रह्म प्रज्ञां च मेधां च त्वं नो देहि वनस्पते ॥ १२॥

सततं वरुणो रक्षेत् त्वामाराद्दृष्टिराश्रयेत् ।
परितस्त्वां निषेवन्तां तृणानि सुखमस्तु ते ॥ १३॥

अक्षिस्पन्दं भुजस्पन्दं दुःस्वप्नं दुर्विचिन्तनम् ।
शत्रूणां च समुत्थानं ह्यश्वत्थ शमय प्रभो ॥ १४॥

अश्वत्थाय वरेण्याय सर्वैश्वर्य प्रदायिने ।
नमो दुःस्वप्ननाशाय सुस्वप्नफलदायिने ॥ १५॥

मूलतो ब्रह्मरूपाय मध्यतो विष्णु रूपिणे  ।
अग्रतः शिवरूपाय वृक्षराजाय ते नमः ॥ १६॥

यं दृष्ट्वा मुच्यते रोगैः स्पृष्ट्वा पापैः प्रमुच्यते ।
यदाश्रयाच्चिरञ्जीवी तमश्वत्थं नमाम्यहम् ॥ १७॥

अश्वत्थ सुमहाभाग सुभग प्रियदर्शन ।
इष्टकामांश्च मे देहि शत्रुभ्यस्तु पराभवम् ॥ १८॥

आयुः प्रजां धनं धान्यं सौभाग्यं सर्वसम्पदम् ।
देहि देव महावृक्ष त्वामहं शरणं गतः ॥ १९॥

ऋग्यजुःसाममन्त्रात्मा सर्वरूपी परात्परः ।
अश्वत्थो वेदमूलोऽसावृषिभिः प्रोच्यते सदा ॥ २०॥

ब्रह्महा गुरुहा चैव दरिद्रो व्याधिपीडितः ।
आवृत्य लक्षसङ्ख्यं तत् स्तोत्रमेतत् सुखी भवेत् ॥ २१॥

ब्रह्मचारी हविष्याशी त्वदःशायी जितेन्द्रियः ।
पपोपहतचित्तोऽपि व्रतमेतत् समाचरेत् ॥ २२॥

एकाहस्तं द्विहस्तं वा कुर्याद्गोमयलेपनम् ।
अर्चेत् पुरुषसूक्तेन प्रणवेन विशेषतः ॥ २३॥

मौनी प्रदक्षिणं कुर्यात् प्रागुक्तफलभाग्भवेत् ।
विष्णोर्नामसहस्रेण ह्यच्युतस्यापि कीर्तनात् ॥ २४॥

पदे पदान्तरं गत्वा करचेष्टाविवर्जितः ।
वाचा स्तोत्रं मनो ध्याने चतुरङ्गं प्रदक्षिणम् ॥ २५॥

अश्वत्थः स्थापितो येन तत्कुलं स्थापितं ततः ।
धनायुषां समृद्धिस्तु नरकात् तारयेत् पितृन् ॥ २६॥

अश्वत्थमूलमाश्रित्य शाकान्नोदकदानतः ।
एकस्मिन् भोजिते विप्रे कोटिब्राह्मणभोजनम् ॥ २७॥

अश्वत्थमूलमाश्रित्य जपहोमसुरार्चनात् ।
अक्षयं फलमाप्नोति ब्रह्मणो वचनं यथा ॥ २८॥

एवमाश्वासितोऽश्वत्थः सदाश्वासाय कल्पते ।
यज्ञार्थं छेदितेऽश्वत्थे ह्यक्षयं स्वर्गमाप्नुयात् ॥ २९॥

छिन्नो येन वृथाऽश्वत्थश्छेदिता पितृदेवताः ।
अश्वत्थः पूजितो यत्र पूजिताः सर्वदेवताः ॥ ३०॥

॥ इति अश्वत्थ स्तोत्रं सम्पूर्णम् ॥

अर्धनारीश्वरस्तोत्रम्

 

 अर्धनारीश्वरस्तोत्रम् 

चाम्पेयगौरार्धशरीरकायै कर्पूरगौरार्धशरीरकाय ।
धम्मिल्लकायै च जटाधराय नमः शिवायै च नमः शिवाय ॥ १॥

कस्तूरिकाकुङ्कुमचर्चितायै चितारजःपुञ्जविचर्चिताय ।
कृतस्मरायै विकृतस्मराय नमः शिवायै च नमः शिवाय ॥ २॥

झणत्क्वणत्कङ्कणनूपुरायै पादाब्जराजत्फणिनूपुराय ।
हेमाङ्गदायै भुजगाङ्गदाय नमः शिवायै च नमः शिवाय ॥ ३॥

विशालनीलोत्पललोचनायै विकासिपङ्केरुहलोचनाय ।
समेक्षणायै विषमेक्षणाय नमः शिवायै च नमः शिवाय ॥ ४॥

मन्दारमालाकलितालकायै कपालमालाङ्कितकन्धराय ।
दिव्याम्बरायै च दिगम्बराय नमः शिवायै च नमः शिवाय ॥ ५॥

अम्भोधरश्यामलकुन्तलायै तडित्प्रभाताम्रजटाधराय ।
निरीश्वरायै निखिलेश्वराय नमः शिवायै च नमः शिवाय ॥ ६॥

प्रपञ्चसृष्ट्युन्मुखलास्यकायै समस्तसंहारकताण्डवाय ।
जगज्जनन्यै जगदेकपित्रे नमः शिवायै च नमः शिवाय ॥ ७॥

प्रदीप्तरत्नोज्ज्वलकुण्डलायै स्फुरन्महापन्नगभूषणाय ।
शिवान्वितायै च शिवान्विताय नमः शिवायै च नमः शिवाय ॥ ८॥

एतत्पठेदष्टकमिष्टदं यो भक्त्या स मान्यो भुवि दीर्घजीवी ।
प्राप्नोति सौभाग्यमनन्तकालं भूयात्सदा तस्य समस्तसिद्धिः ॥ ९॥

इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य
श्रीमच्छंकरभगवतः कृतौ अर्धनारीश्वरस्तोत्रम् संपूर्णम् ॥

अर्गलास्तोत्रम्

 

 अर्गलास्तोत्रम् 


             ॥ श्री॥

        श्रीचण्डिकाध्यानम्
ॐ बन्धूककुसुमाभासां पञ्चमुण्डाधिवासिनीम् ।
स्फुरच्चन्द्रकलारत्नमुकुटां मुण्डमालिनीम्  ॥

त्रिनेत्रां रक्तवसनां पीनोन्नतघटस्तनीम् ।
पुस्तकं चाक्षमालां च वरं चाभयकं क्रमात्  ॥

दधतीं संस्मरेन्नित्यमुत्तराम्नायमानिताम् ।
अथवा
या चण्डी मधुकैटभादिदैत्यदलनी या माहिषोन्मूलिनी
या धूम्रेक्षणचण्डमुण्डमथनी या रक्तबीजाशनी ।
शक्तिः शुम्भनिशुम्भदैत्यदलनी या सिद्धिदात्री परा
सा देवी नवकोटिमूर्तिसहिता मां पातु विश्वेश्वरी  ॥

          अथ अर्गलास्तोत्रम्
ॐ अस्य श्रीअर्गलास्तोत्रमन्त्रस्य विष्णुरृषिः, अनुष्टुप् छन्दः,
श्रीमहालक्ष्मीर्देवता, श्रीजगदम्बाप्रीतये सप्तशतिपाठाङ्गत्वेन
जपे विनियोगः ।
          ॐ नमश्चण्डिकायै
मार्कण्डेय उवाच ।
ॐ जय त्वं देवि चामुण्डे जय भूतापहारिणि ।
जय सर्वगते देवि कालरात्रि नमोऽस्तु ते  ॥ १॥

जयन्ती मङ्गला काली भद्रकाली कपालिनी ।
दुर्गा शिवा क्षमा धात्री स्वाहा स्वधा नमोऽस्तु ते  ॥ २॥

मधुकैटभविध्वंसि विधातृवरदे नमः ।
रूपं देहि जयं देहि यशो देहि द्विषो जहि  ॥ ३॥

महिषासुरनिर्नाशि भक्तानां सुखदे नमः ।
रूपं देहि जयं देहि यशो देहि द्विषो जहि  ॥ ४॥

धूम्रनेत्रवधे देवि धर्मकामार्थदायिनि ।
रूपं देहि जयं देहि यशो देहि द्विषो जहि  ॥ ५॥

रक्तबीजवधे देवि चण्डमुण्डविनाशिनि ।
रूपं देहि जयं देहि यशो देहि द्विषो जहि  ॥ ६॥

निशुम्भशुम्भनिर्नाशि त्रिलोक्यशुभदे नमः ।
रूपं देहि जयं देहि यशो देहि द्विषो जहि  ॥ ७॥

वन्दिताङ्घ्रियुगे देवि सर्वसौभाग्यदायिनि ।
रूपं देहि जयं देहि यशो देहि द्विषो जहि  ॥ ८॥

अचिन्त्यरूपचरिते सर्वशत्रुविनाशिनि ।
रूपं देहि जयं देहि यशो देहि द्विषो जहि  ॥ ९॥

नतेभ्यः सर्वदा भक्त्या चापर्णे दुरितापहे ।
रूपं देहि जयं देहि यशो देहि द्विषो जहि  ॥ १०॥

स्तुवद्भ्यो भक्तिपूर्वं त्वां चण्डिके व्याधिनाशिनि ।
रूपं देहि जयं देहि यशो देहि द्विषो जहि  ॥ ११॥

चण्डिके सततं युद्धे जयन्ति पापनाशिनि ।
रूपं देहि जयं देहि यशो देहि द्विषो जहि  ॥ १२॥

देहि सौभाग्यमारोग्यं देहि देवि परं सुखम् ।
रूपं देहि जयं देहि यशो देहि द्विषो जहि  ॥ १३॥

विधेहि देवि कल्याणं विधेहि विपुलां श्रियम् ।
रूपं देहि जयं देहि यशो देहि द्विषो जहि  ॥ १४॥

विधेहि द्विषतां नाशं विधेहि बलमुच्चकैः ।
रूपं देहि जयं देहि यशो देहि द्विषो जहि  ॥ १५॥

सुरासुरशिरोरत्ननिघृष्टचरणेऽम्बिके ।
रूपं देहि जयं देहि यशो देहि द्विषो जहि  ॥ १६॥

विद्यावन्तं यशस्वन्तं लक्ष्मीवन्तञ्च मां कुरु ।
रूपं देहि जयं देहि यशो देहि द्विषो जहि  ॥ १७॥

देवि प्रचण्डदोर्दण्डदैत्यदर्पनिषूदिनि ।
रूपं देहि जयं देहि यशो देहि द्विषो जहि  ॥ १८॥

प्रचण्डदैत्यदर्पघ्ने चण्डिके प्रणताय मे ।
रूपं देहि जयं देहि यशो देहि द्विषो जहि  ॥ १९॥

चतुर्भुजे चतुर्वक्त्रसंस्तुते परमेश्वरि ।
रूपं देहि जयं देहि यशो देहि द्विषो जहि  ॥ २०॥

कृष्णेन संस्तुते देवि शश्वद्भक्त्या सदाम्बिके ।
रूपं देहि जयं देहि यशो देहि द्विषो जहि  ॥ २१॥

हिमाचलसुतानाथसंस्तुते परमेश्वरि ।
रूपं देहि जयं देहि यशो देहि द्विषो जहि  ॥ २२॥

इन्द्राणीपतिसद्भावपूजिते परमेश्वरि ।
रूपं देहि जयं देहि यशो देहि द्विषो जहि  ॥ २३॥

देवि भक्तजनोद्दामदत्तानन्दोदयेऽम्बिके ।
रूपं देहि जयं देहि यशो देहि द्विषो जहि  ॥ २४॥

भार्यां मनोरमां देहि मनोवृत्तानुसारिणीम् ।
रूपं देहि जयं देहि यशो देहि द्विषो जहि  ॥ २५॥

तारिणि दुर्गसंसारसागरस्याचलोद्भवे ।
रूपं देहि जयं देहि यशो देहि द्विषो जहि  ॥ २६॥

इदं स्तोत्रं पठित्वा तु महास्तोत्रं पठेन्नरः ।
सप्तशतीं समाराध्य वरमाप्नोति दुर्लभम्  ॥ २७॥

॥ इति श्रीमार्कण्डेयपुराणे अर्गलास्तोत्रं समाप्तम् ॥

श्रीअन्नपूर्णाष्टोत्तरशतनामस्तोत्रम्

 

 श्रीअन्नपूर्णाष्टोत्तरशतनामस्तोत्रम् 


॥ श्रीगणेशाय नमः ॥

॥ श्रीअन्नपूर्णाविश्वनाथाभ्यां नमः ॥

अस्य श्रीअन्नपूर्णाष्टोत्तरशतनामस्तोत्रमन्त्रस्य
भगवान् श्रीब्रह्मा ऋषिः ।
अनुष्टुप्छन्दः । श्रीअन्नपूर्णेश्वरी देवता ।
स्वधा बीजम् । स्वाहा शक्तिः । ॐ कीलकम् ।
मम सर्वाभीष्टप्रसादसिद्धयर्थे पाठे विनियोगः ।
ॐ अन्नपूर्णा शिवा देवी भीमा पुष्टिस्सरस्वती ।
सर्वज्ञा पार्वती दुर्गा शर्वाणी शिववल्लभा ॥ १॥

वेदवेद्या महाविद्या विद्यादात्री विशारदा ।
कुमारी त्रिपुरा बाला लक्ष्मीश्श्रीर्भयहारिणी ॥ २॥

भवानी विष्णुजननी ब्रह्मादिजननी तथा ।
गणेशजननी शक्तिः कुमारजननी शुभा ॥ ३॥

भोगप्रदा भगवती भत्ताभीष्टप्रदायिनी ।
भवरोगहरा भव्या शुभ्रा परममङ्गला ॥ ४॥

भवान्नी चञ्चला गौरी चारुचन्द्रकलाधरा ।
विशालाक्षी विश्वमाता विश्ववन्द्या विलासिनी ॥ ५॥

आर्या कल्याणनिलया रुद्राणी कमलासना ।
शुभप्रदा शुभावर्ता वृत्तपीनपयोधरा ॥ ६॥

अम्बा संहारमथनी मृडानी सर्वमङ्गला ।
विष्णुसंसेविता सिद्धा ब्रह्माणी सुरसेविता ॥ ७॥

परमानन्ददा शान्तिः परमानन्दरूपिणी ।
परमानन्दजननी परानन्दप्रदायिनी ॥ ८॥

परोपकारनिरता परमा भक्तवत्सला ।
पूर्णचन्द्राभवदना पूर्णचन्द्रनिभांशुका ॥ ९॥

शुभलक्षणसम्पन्ना शुभानन्दगुणार्णवा ।
शुभसौभाग्यनिलया शुभदा च रतिप्रिया ॥ १०॥

चण्डिका चण्डमथनी चण्डदर्पनिवारिणी ।
मार्ताण्डनयना साध्वी चन्द्राग्निनयना सती ॥ ११॥

पुण्डरीकहरा पूर्णा पुण्यदा पुण्यरूपिणी ।
मायातीता श्रेष्ठमाया श्रेष्ठधर्मात्मवन्दिता ॥ १२॥

असृष्टिस्सङ्गरहिता सृष्टिहेतुः कपर्दिनी ।
वृषारूढा शूलहस्ता स्थितिसंहारकारिणी ॥ १३॥

मन्दस्मिता स्कन्दमाता शुद्धचित्ता मुनिस्तुता ।
महाभगवती दक्षा दक्षाध्वरविनाशिनी ॥ १४॥

सर्वार्थदात्री सावित्री सदाशिवकुटुम्बिनी ।
नित्यसुन्दरसर्वाङ्गी सञ्चिदानन्दलक्षणा  ॥ १५॥

नाम्नामष्टोत्तरशतम्बायाः पुण्यकारणम् ।
सर्वसौभाग्यसिद्ध्यर्थं जपनीयं प्रयत्नतः ॥ १६॥

एतानि दिव्यनामानि श्रुत्वा ध्यात्वा निरन्तरम् ।
स्तुत्वा देवीञ्च सततं सर्वान्कामानवाप्नुयात् ॥ १७॥

॥ इति श्रीब्रह्मोत्तरखण्डे आगमप्रख्यातिशिवरहस्ये
श्रीअन्नपूर्णाष्टोत्तरशतनामस्तोत्रं सम्पूर्णम् ॥

अन्नपूर्णास्तोत्रम् २

 

 अन्नपूर्णास्तोत्रम् २ 

श्रीब्रह्मभैरव उवाच -
साधनानि च सर्वाणि श्रुतानि तव सुव्रत ।
इदानीं वद देवेश स्तोत्राणि कवचानि च ॥ १॥

श्रीशिव उवाच -
कथयामि तव स्नेहात् स्तोत्राणि कवचानि च ।
अन्नपूर्णाप्रीतिदानि सावधानोऽवधारय ॥ २॥

ह्रींकारं प्रथमं नमो भगवति स्वाहावसानां ध्रुवं
     मन्त्रं सप्तदशाक्षरं जपति ते माहेश्वरि प्रोक्षितम् ।
ध्यायेऽम्बे तरुणारुणं तव वपुर्नित्यान्नपूर्णे शिवे
     गेहे तस्य विराजते सरभसं दिव्यान्नराशिर्ध्रुवम् ॥ ३॥

ह्रींकारमुर्तिं कमनीयवक्त्रां चन्द्राङ्करेखान्वितभालभागाम् ।
ईशान्कान्तां प्रणमामि नित्यां लक्ष्मीविलासास्पदपादपीठाम् ॥ ४॥

नमोऽस्तु तुभ्यं गिरिराजकन्ये नमोऽस्तु कामान्तकवल्लभायै ।
नमोऽस्तु पङ्के रुहलोचनायै नमः शिवायै शशिभूषणायै ॥ ५॥

वामे करेऽमृतमयं कलशञ्च दक्षे
     स्वर्णाङ्कितां ननु पल्लान्नमयीञ्च दर्वीम् ।
चित्रां सुवर्णवसनां गिरिशस्य कान्तां
     सत्पद्मपत्रनयनां मनसाहमीडे ॥ ६॥

वामे माणिक्यपात्रं मधुरसभरितं बिभ्रतीं पाणिपद्मे
     दिव्यैरत्नैः प्रपूर्णां मणिमयवलये दक्षिणे रत्नदर्वीम् ।
रक्ताङ्गी पीनतुङ्गस्तनभरविलसंस्तारहारां त्रिनेत्रां
     वन्दे पूर्णेन्दुबिम्बप्रतिनिधिवदनामम्बिकामन्नपूर्णाम् ॥ ७॥

भगवति भवरोगात् पीडितं दुष्कृतोत्थात्
     सुतदुहितृकलत्रोपद्रवेणानुजातम् ।
विलसदमृतदृष्ट्या वीक्ष्य विभ्रान्तचित्तम्
     सकलभुवनमातस्त्राहि मामन्नपूर्णे ॥ ८॥

माहेश्वरीमाश्रितकल्पवल्लीमहं भवच्छेदकरीं भवानीम् ।
क्षुधार्तजायातनयाभ्युपेतस्त्वामन्नपूर्णां शरणं प्रपद्ये ॥ ९॥

दारिद्र्यदावानलदह्यमानं नमोऽन्नपूर्णे गिरिराजकन्ये ।
कृपाम्बुवर्षैरभिषिञ्च त्वं मां त्वत्पादपद्मार्पितचित्तवृत्तिम् ॥ १०॥

इत्यन्नपूर्णास्तवरत्नमेतच्छ्लोकाष्टकं यः पठतीह भक्त्या ।
तस्मै ददात्यन्नसमृद्धिराशिं श्रियञ्च विद्याञ्च परत्र मुक्तिम् ॥ ११॥

इत्यन्नदाकल्पे षोडशपटले अन्नपूर्णास्तोत्रं समाप्तम् ।

श्रीअन्नपूर्णासहस्रनामस्तोत्रम्

 

 श्रीअन्नपूर्णासहस्रनामस्तोत्रम् 

श्रीरुद्रयामले

कैलासशिखरासीनं देवदेवं महेश्वरम् ।
प्रणम्य दण्डवद्भूमौ पार्वती परिपृच्छति ॥ १॥

श्रीपार्वत्युवाच ।
अन्नपूर्णा महादेवी त्रैलोक्ये जीवधारिणी ।
नाम्नां सहस्रं तस्यास्तु कथयस्व महाप्रभो ॥ २॥

श्रीशिव उवाच ।
श‍ृणु देवि वरारोहे जगत्कारणि कौलिनि ।
आराधनीया सर्वेषां सर्वेषां परिपृच्छसि ॥ ३॥

सहस्रैर्नामभिर्दिव्यैस्त्रैलोक्यप्राणिपूजितैः ।
अन्नदायास्स्तवं  दिव्यं यत्सुरैरपि वाञ्छितम् ॥ ४॥

कथयामि तव स्नेहात्सावधानाऽवधारय ।
गोपनीयं प्रयत्नेन स्तवराजमिदं शुभम् ॥ ५॥

न प्रकाश्यं त्वया भद्रे दुर्जनेभ्यो निःशेषतः ।
न देयं परशिष्येभ्यो भक्तिहीनाय पार्वति ॥ ६॥

देयं शिष्याय शान्ताय गुरुदेवरताय च ।
अन्नपूर्णास्तवं देयं कौलिकाय कुलेश्वरी ॥ ७॥

ॐ अस्य श्रीमदन्नपूर्णासहस्रनामस्तोत्रमालामन्त्रस्य,
श्रीभगवान् ऋषिः, अनुष्टुप्छन्दः,
प्रकटगुप्तगुप्ततर सम्पदाय कुलोत्तीर्ण निगर्भरहस्याति
रहस्यपरापरातिरहस्यातिपूर्वाचिन्त्यप्रभावा भगवती
श्रीमदन्नपूर्णादेवता, हलो बीजं, स्वराश्शक्तिः, जीवो बीजं,
बुद्धिश्शक्तिः, उदानो बीजं, सुषुम्ना नाडी, सरस्वती शक्तिः,
धर्मार्थकाममोक्षार्थे पाठे विनियोगः ॥

ध्यानम् ।
अर्कोन्मुक्तशशाङ्ककोटिवदनामापीनतुङ्गस्तनीं
चन्द्रार्धाङ्कितमस्तकां मधुमदामालोलनेत्रत्रयीम् ।
बिभ्राणामनिशं वरं जपपटीं शूलं कपालं करैः
आद्यां यौवनगर्वितां लिपितनुं वागीश्वरीमाश्रये ॥

अथ अन्नपूर्णासहस्रनामस्तोत्रम् ।

॥ ॐ अन्नपूर्णायै नमः ॥

अन्नपूर्णा अन्नदात्री अन्नराशिकृतालया ।
अन्नदा अन्नरूपा च अन्नदानरतोत्सवा ॥ १॥

अनन्ता च अनन्ताक्षी अनन्तगुणशालिनी ।
अच्युता अच्युतप्राणा अच्युतानन्दकारिणी ॥ २॥

अव्यक्ताऽनन्तमहिमा अनन्तस्य कुलेश्वरी ।
अब्धिस्था अब्धिशयना अब्धिजा अब्धिनन्दिनी ॥ ३॥

अब्जस्था अब्जनिलया अब्जजा अब्जभूषणा ।
अब्जाभा अब्जहस्ता च अब्जपत्रशुभेक्षणा ॥ ४॥

अब्जानना अनन्तात्मा अग्रिस्था अग्निरूपिणी ।
अग्निजाया अग्निमुखी अग्निकुण्डकृतालया ॥ ५॥

अकारा अग्निमाता च अजयाऽदितिनन्दिनी ।
आद्या आदित्यसङ्काशा आत्मज्ञा आत्मगोचरा ॥ ६॥

आत्मसूरात्मदयिता आधारा आत्मरूपिणी ।
आशा आकाशपद्मस्था अवकाशस्वरूपिणी ॥ ७॥

आशापूरी अगाधा च अणिमादिसुसेविता ।
अम्बिका अबला अम्बा अनाद्या च अयोनिजा ॥ ८॥

अनीशा ईशिका ईशा ईशानी ईश्वरप्रीया ।
ईश्वरी ईश्वरप्राणा ईश्वरानन्ददायिनी ॥ ९॥

इन्द्राणी इन्द्रदयिता इन्द्रसूरिन्द्रपालिनी ।
इन्दिरा इन्द्रभगिनी इन्द्रिया इन्दुभूषणा ॥ १०॥

इन्दुमाता इन्दुमुखी इन्द्रियाणां वशङ्करी ।
उमा उमापतेः प्राणा ओड्याणपीठवासिनी ॥ ११॥

उत्तरज्ञा उत्तराख्या उकारा उत्तरात्मिका ।
ऋमाता ऋभवा ऋस्था ॠलॄकारस्वरूपिणी ॥ १२॥

ऋकारा च लृकारा च लॄतकप्रीतिदायिनी ।
एका च एकवीरा च एकारैकाररूपिणी ॥ १३॥

ओकारी ओघरूपा च ओघत्रयसुपूजिता ।
ओघस्था ओघसम्भूता ओघधात्री च ओघसूः ॥ १४॥

षोडशस्वरसम्भूता षोडशस्वररूपिणी ।
वर्णात्मा वर्णनिलया शूलिनी वर्णमालिनी ॥ १५॥

कालरात्रिर्महारात्रिर्मोहरात्रिः सुलोचना ।
काली कपालिनी कृत्या कालिका सिंहगामिनी ॥ १६॥

कात्यायनी कलाधारा कालदैत्यनिकृन्तनी ।
कामिनी कामवन्द्या च कमनीया विनोदिनी ॥ १७॥

कामसूः कामवनिता कामधुक् कमलावती ।
कामदात्री कराली च कामकेलिविनोदिनी ॥ १८॥

कामना कामदा काम्या कमला कमलार्चिता ।
काश्मीरलिप्तवक्षोजा काश्मीरद्रवचर्चिता ॥ १९॥

कनका कनकप्राणा कनकाचलवासिनी ।
कनकाभा काननस्था कामाख्या कनकप्रदा ॥ २०॥

कामपीठस्थिता नित्या कामधामनिवासिनी ।
कम्बुकण्ठी करालाक्षी किशोरी च कलापिनी ॥ २१॥

कला काष्ठा निमेषा च कालस्था कालरूपिणी ।
कालज्ञा कालमाता च कालधात्री कलावती ॥ २२॥

कालदा कालहा कुल्या कुरुकुल्ला कुलाङ्गना ।
कीर्तिदा कीर्तिहा कीर्तिः कीर्तिस्था कीर्तिवर्धनी ॥ २३॥

कीर्तिज्ञा कीर्तितपदा कृत्तिका केशवप्रिया ।
केशिहा केलीकारी च केशवानन्दकारिणी ॥ २४॥

कुमुदाभा कुमारी च कर्मदा कमलेक्षणा ।
कौमुदी कुमुदानन्दा कौलिनी च कुमुद्वती ॥ २५॥

कोदण्डधारिणी क्रोधा कूटस्था कोटराश्रया ।
कालकण्ठी करालाङ्गी कालाङ्गी कालभूषणा ॥ २६॥

कङ्काली कामदामा च कङ्कालकृतभूषणा ।
कपालकर्त्रिककरा करवीरस्वरूपिणी ॥ २७॥

कपर्दिनी कोमलाङ्गी कृपासिन्धुः कृपामयी ।
कुशावती कुण्डसंस्था कौबेरी कौशिकी तथा ॥ २८॥

काश्यपी कद्रुतनया कलिकल्मषनाशिनी ।
कञ्जस्था कञ्जवदना कञ्जकिञ्जल्कचर्चिता ॥ २९॥

कञ्जाभा कञ्जमध्यस्था कञ्जनेत्रा कचोद्भवा ।
कामरूपा च ह्रींकारी कश्यपान्वयवर्धिनी ॥ ३०॥

खर्वा च खञ्जनद्वन्द्वलोचना खर्ववाहिनी ।
खड्गिनी खड्गहस्ता च खेचरी खड्गरूपिणी ॥ ३१॥

खगस्था खगरूपा च खगगा खगसम्भवा ।
खगधात्री खगानन्दा खगयोनिस्वरूपिणी ॥ ३२॥

खगेशी खेटककरा खगानन्दविवर्धिनी ।
खगमान्या खगाधारा खगगर्वविमोचिनी ॥ ३३॥

गङ्गा गोदावरी गीतिर्गायत्री गगनालया ।
गीर्वाणसुन्दरी गौश्च गाधा गीर्वाणपूजिता ॥ ३४॥

गीर्वाणचर्चितपदा गान्धारी गोमती तथा ।
गर्विणी गर्वहन्त्री च गर्भस्था गर्भधारिणी ॥ ३५॥

गर्भदा गर्भहन्त्री च गन्धर्वकुलपूजिता ।
गया गौरी च गिरिजा गिरिस्था गिरिसम्भवा ॥ ३६॥

गिरिगह्वरमध्यस्था कुञ्जरेश्वरगामिनी ।
किरीटिनी च गदिनी गुञ्जाहारविभूषणा ॥ ३७॥

गणपा गणका गण्या गणकानन्दकारिणी ।
गणपूज्या च गीर्वाणी गणपाननन्दकारिणी ॥ ३८॥

गुरुमाता गुरुरता गुरुभक्तिपरायणा ।
गोत्रा गौः कृष्णभगिनी कृष्णसूः कृष्णनन्दिनी ॥ ३९॥

गोवर्धनी गोत्रधरा गोवर्धनकृतालया ।
गोवर्धनधरा गोदा गौराङ्गी गौतमात्मजा ॥ ४०॥

घर्घरा घोररूपा च घोरा घर्घरनादिनी ।
श्यामा घनरवाऽघोरा घना घोरार्तिनाशिनी ॥ ४१॥

घनस्था च घनानन्दा दारिद्र्यघननाशिनी ।
चित्तज्ञा चिन्तितपदा चित्तस्था चित्तरूपिणी ॥ ४२॥

चक्रिणी चारुचम्पाभा चारुचम्पकमालिनी ।
चन्द्रिका चन्द्रकान्तिश्च चापिनी चन्द्रशेखरा ॥ ४३॥

चण्डिका चण्डदैत्यघ्नी चन्द्रशेखरवल्लभा ।
चाण्डालिनी च चामुण्डा चण्डमुण्डवधोद्यता ॥ ४४॥

चैतन्यभैरवी चण्डा चैतन्यघनगेहिनी ।
चित्स्वरूपा चिदाधारा चण्डवेगा चिदालया ॥ ४५॥

चन्द्रमण्डलमध्यस्था चन्द्रकोटिसुशीतला ।
चपला चन्द्रभगिनी चन्द्रकोटिनिभानना ॥ ४६॥

चिन्तामणिगुणाधारा चिन्तामणिविभूषणा ।
भक्तचिन्तामणिलता चिन्तामणिकृतालया ॥ ४७॥

चारुचन्दनलिप्ताङ्गी चतुरा च चतुर्मुखी ।
चैतन्यदा चिदानन्दा चारुचामरवीजिता ॥ ४८॥

छत्रदा छत्रधारी च छलच्छद्मविनाशिनी ।
छत्रहा छत्ररूपा च छत्रच्छायाकृतालया ॥ ४९॥

जगज्जीवा जगद्धात्री जगदानन्दकारिणी ।
यज्ञप्रिया यज्ञरता जपयज्ञपरायणा ॥ ५०॥

जननी जानकी यज्वा यज्ञहा यज्ञनन्दिनी ।
यज्ञदा यज्ञफलदा यज्ञस्थानकृतालया ॥ ५१॥

यज्ञभोक्त्री यज्ञरूपा यज्ञविघ्नविनाशिनी ।
जपाकुसुमसङ्काशा जपाकुसुमशोभिता ॥ ५२॥

जालन्धरी जया जैत्री जीमूतचयभाषिणी ।
जयदा जयरूपा च जयस्था जयकारिणी ॥ ५३॥

जगदीशप्रिया जीवा जलस्था जलजेक्षणा ।
जलरूपा जह्नुकन्या यमुना जलजोदरी ॥ ५४॥

जलजास्या जाह्नवी च जलजाभा जलोदरी ।
यदुवंशोद्भवा जीवा यादवानन्दकारिणी ॥ ५५॥

यशोदा यशसां राशिर्यशोदानन्दकारिणी ।
ज्वलिनी ज्वालिनी ज्वाला ज्वलत्पावकसन्निभा ॥ ५६॥

ज्वालामुखी जगन्माता यमलार्जुनभञ्जनी ।
जन्मदा जन्महा जन्या जन्मभूर्जनकात्मजा ॥ ५७॥

जनानन्दा जाम्बवती जम्बूद्वीपकृतालया ।
जाम्बूनदसमानाभा जाम्बूनदविभूषणा ॥ ५८॥

जम्भहा जातिदा जातिर्ज्ञानदा ज्ञानगोचरा ।
ज्ञानरूपाऽज्ञानहा च ज्ञानविज्ञानशालिनी ॥ ५९॥

जिनजैत्री जिनाधारा जिनमाता जिनेश्वरी ।
जितेन्द्रिया जनाधारा अजिनाम्बरधारिणी ॥ ६०॥

शम्भुकोटिदुराधर्षा विष्णुकोटिविमर्दिनी ।
समुद्रकोटिगम्भीरा वायुकोटिमहाबला ॥ ६१॥

सूर्यकोटिप्रतीकाशा यमकोटिदुरापहा ।
कामधुक्कोटिफलदा शक्रकोटिसुराज्यदा ॥ ६२॥

कन्दर्पकोटिलावण्या पद्मकोटिनिभानना ।
पृथ्वीकोटिजनाधारा अग्निकोटिभयङ्करी ॥ ६३॥

अणिमा महिमा प्राप्तिर्गरिमा लघिमा तथा ।
प्राकाम्यदा वशकरी ईशिका सिद्धिदा तथा ॥ ६४॥

महिमादिगुणोपेता अणिमाद्यष्टसिद्धिदा ।
जवनध्नी जनाधीना जामिनी च जरापहा ॥ ६५॥

तारिणी तारिका तारा तोतला तुलसीप्रिया ।
तन्त्रिणी तन्त्ररूपा च तन्त्रज्ञा तन्त्रधारिणी ॥ ६६॥

तारहारा च तुलजा डाकिनीतन्त्रगोचरा ।
त्रिपुरा त्रिदशा त्रिस्था त्रिपुरासुरघातिनी ॥ ६७॥

त्रिगुणा च त्रिकोणस्था त्रिमात्रा त्रितनुस्थिता ।
त्रैविद्या च त्रयी त्रिघ्नी तुरीया त्रिपुरेश्वरी ॥ ६८॥

त्रिकोदरस्था त्रिविधा त्रैलोक्या त्रिपुरात्मिका ।
त्रिधाम्नी त्रिदशाराध्या त्र्यक्षा त्रिपुरवासिनी ॥ ६९॥

त्रिवर्णी त्रिपदी तारा त्रिमूर्तिजननी त्वरा ।
त्रिदिवा त्रिदिवेशाऽऽदिर्देवी त्रैलोक्यधारिणी ॥ ७०॥

त्रिमूर्तिश्च त्रिजननी त्रीभूस्त्रीपुरसुन्दरी ।
तपस्विनी तपोनिष्ठा तरुणी ताररूपिणी ॥ ७१॥

तामसी तापसी चैव तापघ्नी च तमोपहा ।
तरुणार्कप्रतीकाशा तप्तकाञ्चनसन्निभा ॥ ७२॥

उन्मादिनी तन्तुरूपा त्रैलोक्यव्यापिनीश्वरी ।
तार्किकी तर्किकी विद्या तापत्रयविनाशिनी ॥ ७३॥

त्रिपुष्करा त्रिकालज्ञा त्रिसन्ध्या च त्रिलोचना ।
त्रिवर्गा च त्रिवर्गस्था तपसस्सिद्धिदायिनी ॥ ७४॥

अधोक्षजा अयोध्या च अपर्णा च अवन्तिका ।
कारिका तीर्थरूपा च तीरा तीर्थकरी तथा ॥ ७५॥

दारिद्र्यदुःखदलिनी अदीना दीनवत्सला ।
दीनानाथप्रिया दीर्घा दयापूर्णा दयात्मिका ॥ ७६॥

देवदानवसम्पूज्या देवानां प्रियकारिणी ।
दक्षपुत्री दक्षमाता दक्षयज्ञविनाशिनी ॥ ७७॥

देवसूर्दक्षीणा दक्षा दुर्गा दुर्गतिनाशिनी ।
देवकीगर्भसम्भूता दुर्गदैत्यविनाशिनी ॥ ७८॥

अट्टाऽट्टहासिनी दोला दोलाकर्माभिनन्दिनी ।
देवकी देविका देवी दुरितघ्नी तटित्तथा ॥ ७९॥

गण्डकी गल्लकी क्षिप्रा द्वारा द्वारवती तथा ।
आनन्दोदधिमध्यस्था कटिसूत्रैरलङ्कृता ॥ ८०॥

घोराग्निदाहदमनी दुःखदुस्स्वप्ननाशिनी ।
श्रीमयी श्रीमती श्रेष्ठा श्रीकरी श्रीविभाविनी ॥ ८१॥

श्रीदा श्रीशा श्रीनिवासा श्रीमती श्रीर्मतिर्गतिः ।
धनदा दामिनी दान्ता धमदो धनशालिनी ॥ ८२॥

दाडिमीपुष्पसङ्काशा धनागारा धनञ्जया ।
धूम्राभा धूम्रदैत्त्रघ्नी धवला धवलप्रिया ॥ ८३॥

धूम्रवक्त्रा धूम्रनेत्रा धूम्रकेशी च धूसरा ।
धरणी धरिणी धैर्या धरा धात्री च धैर्यदा ॥ ८४॥

दमिनी धर्मिणी धूश्च दया दोग्ध्री दुरासदा ।
नारायणी नारसिंही नृसिंहहृदयालया ॥ ८५॥

नागिनी नागकन्या च नागसूर्नागनायिका ।
नानारत्नविचित्राङ्गी नानाभरणमण्डिता ॥ ८६॥

दुर्गस्था दुर्गरूपा च दुःखदुष्कृतनाशिनी ।
हीङ्कारी चैव श्रीङ्कारी हुङ्कारी क्लेशनाशिनी ॥ ८७॥

नगात्मजा नागरी च नवीना नूतनप्रिया ।
नीरजास्या नीरदाभा नवलावण्यसुन्दरी ॥ ८८॥

नीतिज्ञा नीतिदा नीतिर्निमनाभिर्नगेश्वरी ।
निष्ठा नित्या निरातङ्का नागयज्ञोपवीतिनी ॥ ८९॥

निधिदा निधिरूपाच निर्गुणा नरवाहिनी ।
नरमांसरता नारी नरमुण्डविभूषणा ॥ ९०॥

निराधारा निर्विकारा नुतिर्निर्वाणसुन्दरी ।
नरासृक्पानमत्ता च निर्वैरा नागगामिनी ॥ ९१॥

परमा प्रमिता प्राज्ञा पार्वती पर्वतात्मजा ।
पर्वप्रिया पर्वरता पर्वपावनपावनी ॥ ९२॥

परात्परतरा पूर्वा पश्चिमा पापनाशिनी ।
पशूनां पतिपत्नी च पतिभक्तिपरायणा ॥ ९३॥

परेशी पारगा पारा परञ्ज्योतिस्वरूपिणी ।
निष्ठुरा क्रूरहृदया परासिद्धिः परागतिः ॥ ९४॥

पशुघ्नी पशुरूपा च पशुहा पशुवाहिनी ।
पिता माता च यन्त्री च पशुपाशविनाशिनी ॥ ९५॥

पद्मिनी पद्महस्ता च पद्मकिञ्जल्कवासिनी ।
पद्मवक्त्रा च पद्माक्षी पद्मस्था पद्मसम्भवा ॥ ९६॥

पद्मास्या पञ्चमी पूर्णा  पूर्णपीठनिवासिनी ।
पद्मरागप्रतीकाशा पाञ्चाली पञ्चमप्रिया ॥ ९७॥

परब्रह्मस्वरूपा च परब्रह्मनिवासिनी ।
परमानन्दमुदिता परचक्रनिवासिनी ॥ ९८॥

परेशी परमा पृथ्वी पीनतुङ्गपयोधरा ।
परापरा पराविद्या परमानन्ददायिनी ॥ ९९॥

पूज्या प्रज्ञावती पुष्टिः पिनाकिपरिकीर्तिता ।
प्राणघ्नी प्राणरूपा च प्राणदा च प्रियंवदा ॥ १००॥

फणिभूषा फणावेशी फकारकण्ठमालिनी ।
फणिराड्वृतसर्वाङ्गी फलभागनिवासिनी ॥ १०१॥

बलभद्रस्य भगिनी बाला बालप्रदायिनी ।
फल्गुरुपा प्रलम्बध्नी फल्गूत्सव विनोदिनी ॥ १०२॥

भवानी भवपत्नी च भवभीतिहरा भवा ।
भवेश्वरी भवाराध्या भवेशी भवनायिका ॥ १०३॥

भवमाता भवागम्या भवकण्टकनाशिनी ।
भवप्रिया भवानन्दा भव्या च भवमोचनी ॥ १०४॥

भावनीया भगवती भवभारविनाशिनी ।
भूतधात्री च भूतेशी भूतस्था भूतरूपिणी ॥ १०५॥

भूतमाता च भूतघ्नी भूतपञ्चकवासिनी ।
भोगोपचारकुशला भिस्साधात्री च भूचरी ॥ १०६॥

भीतिघ्नी भक्तिगम्या च भक्तानामार्तिनाशिनी ।
भक्तानुकम्पिनी भीमा भगिनी भगनायिका ॥ १०७॥

भगविद्या भगक्लिन्ना भगयोनिर्भगप्रदा ।
भगेशी भगरूपा च भगगुह्या भगापहा ॥ १०८॥

भगोदरी भगानन्दा भगाद्या भगमालिनी ।
भोगप्रदा भोगवासा भोगमूला च भोगिनी ॥ १०९॥

भेरुण्डा भेदिनी भीमा भद्रकाली भिदोज्झिता ।
भैरवी भुवनेशानी भुवना भुवनेश्वरी ॥ ११०॥

भीमाक्षी भारती चैव भैरवाष्टकसेविता ।
भास्वरा भास्वती भीतिर्भास्वदुत्तानशायिनी ॥ १११॥

भागीरथी भोगवती भवघ्नी भुवनात्मिका ।
भूतिदा भूतिरूपा च भूतस्था भूतवर्धिनी ॥ ११२॥

माहेश्वरी महामाया महातेजा महासुरी ।
महाजिह्वा महालोला महादंष्ट्रा महाभुजा ॥ ११३॥

महामोहान्धकारघ्नी महामोक्षप्रदायिनी ।
महादारिद्र्यशमनी महाशत्रुविमर्दिनी ॥ ११४॥

महाशक्तिर्महाज्योतिर्महासुरविमर्दिनी ।
महाकाया महावीर्या महापातकनाशिनी ॥ ११५॥

महारवा मन्त्रमयी मणिपूरनिवासिनी ।
मानसी मानदा मान्या मनश्चक्षुरगोचरा ॥ ११६॥

माहेन्द्री मधुरा माया महिषासुरमर्दिनी ।
महाकुण्डलिनी शक्तिर्महाविभववर्धिनी ॥ ११७॥

मानसी माधवी मेधा मतिदा मतिधारिणी ।
मेनकागर्भसम्भूता मेनकाभगिनी मतिः ॥ ११८॥

महोदरी मुक्तकेशी मुक्तिकाम्यार्थसिद्धिदा ।
माहेशी महिषारूढा मधुदैत्यविमर्दिनी ॥ ११९॥

महाव्रता महामूर्धा महाभयविनाशिनी ।
मातङ्गी मत्तमातङ्गी मातङ्गकुलमण्डिता ॥ १२०॥

महाघोरा माननीया मत्तमातङ्गगामिनी ।
मुक्ताहारलतोपेता मदधूर्णितलोचना ॥ १२१॥

महापराधराशिघ्री महाचोरभयापहा ।
महाचिन्त्यस्वरूपा च मणीमन्त्रमहौषधी ॥ १२२॥

मणिमण्डपमध्यस्था मणिमालाविराजिता ।
मन्त्रात्मिका मन्त्रगम्या मन्त्रमाता सुमन्त्रिणी ॥ १२३॥

मेरुमन्दिरमध्यस्था मकराकृतिकुण्डला ।
मन्थरा च महासूक्ष्मा महादूती महेश्वरी ॥ १२४॥

मालिनी मानवी माध्वी मदरूपा मदोत्कटा ।
मदिरा मधुरा चैव मोदिनी च महोद्धता ॥ १२५॥

मङ्गलाङ्गी मधुमयी मधुपानपरायणा ।
मनोरमा रमामाता राजराजेश्वरी रमा ॥ १२६॥

राजमान्या राजपूज्या रक्तोत्पलविभूषणा ।
राजीवलोचना रामा राधिका रामवल्लभा ॥ १२७॥

शाकिनी डाकिनी चैव लावण्याम्बुधिवीचिका ।
रुद्राणी रुद्ररूपा च रौद्रा रुद्रार्तिनाशिनी ॥ १२८॥

रक्तप्रिया रक्तवस्त्रा रक्ताक्षी रक्तलोचना ।
रक्तकेशी रक्तदंष्ट्रा रक्तचन्दनचर्चिता ॥ १२९॥

रक्ताङ्गी रक्तभूषा च रक्तबीजनिपातिनी ।
रागादिदोषरहिता रतिजा रतिदायिनी ॥ १३०॥

विश्वेश्वरी विशालाक्षी विन्ध्यपीठनिवासिनी ।
विश्वभूर्वीरविद्या च वीरसूर्वीरनन्दिनी ॥ १३१॥

वीरेश्वरी विशालाक्षी विष्णुमाया विमोहिनी ।
विद्यावती विष्णुरूपा विशालनयनोज्ज्वला ॥ १३२॥

विष्णुमाता च विश्वात्मा विष्णुजायास्वरूपिणी ।
वाराही वरदा वन्द्या विख्याता विलसल्कचा ॥ १३३॥

ब्रह्मेशी ब्रह्मदा ब्राह्मी ब्रह्माणी ब्रह्मरूपिणी ।
द्वारका विश्ववन्द्या च विश्वपाशविमोचनी ।
विश्वासकारिणी विश्वा विश्वशक्तिर्विचक्षणा ॥ १३४॥

बाणचापधरा वीरा बिन्दुस्था बिन्दुमालिनी ।
षट्चक्रभेदिनी षोढा षोडशारनिवासिनी ॥ १३५॥

शितिकण्ठप्रिया शान्ता शाकिनी वातरूपिणी ।
शाश्वती शम्भुवनिता शाम्भवी शिवरूपिणी ॥ १३६॥

शिवमाता च शिवदा शिवा शिवहृदासना ।
शुक्लाम्बरा शीतला च शीला शीलप्रदायिनी ॥ १३७॥

शिशुप्रिया वैद्यविद्या सालग्रामशिला शुचिः ।
हरिप्रिया हरमूर्तिर्हरिनेत्रकृतालया ॥ १३८॥

हरिवक्त्रोद्भवा हाला हरिवक्षःस्थलस्थिता ।
क्षेमङ्करी क्षितिः क्षेत्रा क्षुधितस्य प्रपूरणी ॥ १३९॥

वैश्या च क्षत्रिया शूद्री क्षत्रियाणां कुलेश्वरी ।
हरपत्नी हराराध्या हरसूर्हररूपिणी ॥ १४०॥

सर्वानन्दमयी सिद्धिस्सर्वरक्षास्वरूपिणी ।
सर्वदुष्टप्रशमनी सर्वेप्सितफलप्रदा ॥ १४१॥

सर्वसिद्धेश्वराराध्या सर्वमङ्गलमङ्गला ।

फलश्रुतिः ।
पुण्यं सहस्रनामेदं तव प्रीत्या प्रकाशितम् ॥ १४२॥

गोपनीयं प्रयत्नेन पठनीयं प्रयत्नतः ।
नातः परतरं पुण्यं नातः परतरं तपः ॥ १४३॥

नातः परतरं स्तोत्रं नातः परतरा गतिः ।
स्तोत्रं नामसहस्राख्यं मम वक्त्राद्विनिर्गतम् ॥ १४४॥

यः पठेत्परया भक्त्या श‍ृणुयाद्वा समाहितः ।
मोक्षार्थी लभते मोक्षं स्वर्गार्थी स्वर्गमाप्नुयात् ॥ १४५॥

कामार्थी लभते कामं धनार्थी लभते धनम् ।
विद्यार्थी लभते विद्यां यशोऽर्थी लभते यशः ॥ १४६॥

कन्यार्थी लभते कन्यां सुतार्थी लभते सुतान् ।
मूर्खोऽपि लभते शास्त्रं चोरोऽपि लभते गतिम् ॥ १४७॥

गुर्विणी जनयेत्पुत्रं कन्यां विन्दति सत्पतिम् ।
संक्रान्त्यां च चतुर्दश्यामष्टम्यां च विशेषतः ॥ १४८॥

पौर्णमास्याममावास्यां नवम्यां भौमवासरे ।
पठेद्वा पाठयेद्वापि पूजयेद्वापि पुस्तकम् ॥ १४९॥

स मुक्तस्सर्वपापेभ्यः कामेश्वरसमो भवेत् ।
लक्ष्मीवान् सुतवांश्चैव वल्लभस्सर्वयोषिताम् ॥ १५०॥

तस्य वश्यं भवेदाशु त्रैलोक्यं सचराचरम् ।
विद्यानां पारगो विप्रः क्षत्रियो विजयी रणे ॥ १५१॥

वैश्यो धनसमृद्धस्स्याच्छूद्रस्सुखमवाप्नुयात् ।
क्षेत्रे च बहुसस्यं स्याद्गावश्च बहुदुग्धदाः ॥ १५२॥

नाशुभं नापदस्तस्य न भयं नृपशत्रुतः ।
जायते नाशुभा बुद्धिर्लभते कुलपूज्यताम् ॥ १५३॥

न बाधन्ते ग्रहास्तस्य न रक्षांसि न पन्नगाः ।
न पिशाचा न डाकिन्यो भूतभेतालडम्भकाः ॥ १५४॥

बालग्रहाभिभूतानां बालानां शान्तिकारकम् ।
द्वन्द्वानां प्रतिभेदे च मैत्रीकरणमुत्तमम् ॥ १५५॥

लोहपाशैदृढैर्बद्धो बन्दी वेश्मनि दुर्गमे ।
तिष्ठञ्छृण्वन्पतन्मर्त्यो मुच्यते नात्र संशयः ॥ १५६॥

पश्यन्ति नहि ते शोकं वियोगं चिरजीविनः ।
श‍ृण्वती बद्धगर्भा च सुखं चैव प्रसूयते ॥ १५७॥

एकदा पठनादेव सर्वपापक्षयो भवेत् ।
नश्यन्ति च महारोगा दशधावर्तनेन च ॥ १५८॥

शतधावर्तने चैव वाचां सिद्धिः प्रजायते ।
नवरात्रे जिताहारो दृढबुद्धिर्जितेन्द्रियः ॥ १५९॥

अम्बिकायतने विद्वान् शुचिष्मान् मूर्तिसन्निधौ  ।
एकाकी च दशावर्तं पठन्धीरश्च निर्भयः ॥ १६०॥

साक्षात्त्वगवती तस्मै प्रयच्छेदीप्सितं फलम् ।
सिद्धपीठे गिरौ रम्ये सिद्धक्षेत्रे सुरालये ॥ १६१॥

पठनात्साधकस्याशु सिद्धिर्भवति वाञ्छिता ।
दशावर्तं पठेन्नित्यं भूमीशायी नरश्शुचिः ॥ १६२॥

स्वप्ने मूर्तिमयां देवीं वरदां सोऽपि पश्यति ।
आवर्तनसहस्रैर्ये जपन्ति पुरुषोत्तमाः ॥ १६३॥

ते सिद्धा सिद्धिदा लोके शापानुग्रहणक्षमाः ।
प्रयच्छन्तश्च सर्वस्वं सेवन्ते तान्महीश्वराः ॥ १६४॥

भूर्जपत्रेऽष्टगन्धेन लिखित्वा तु शुभे दिने ।
धारयेद्यन्त्रितं शीर्षे पूजयित्वा कुमारिकाम् ॥ १६५॥

ब्राह्मणान् वरनारीश्च धूपैः कुसुमचन्दनैः ।
क्षीरखण्डादिभोज्यांश्च भोजयित्वा सुभक्तितः ॥ १६६॥

बध्नन्ति ये महारक्षां बालानां च विशेषतः ।
रुद्रं दृष्ट्वा यथा देवं विष्णुं दृष्ट्वा च दानवाः ॥ १६७॥

पन्नगा गरुडं दृष्ट्वा सिंहं दृष्ट्वा यथा गजाः ।
मण्डूका भोगिनं दृष्ट्वा मार्जारं मूषिकास्तथा ॥ १६८॥

विघ्नभूताः पलायन्ते तस्य वक्त्रविलोकनात् ।
अग्निचोरभयं तस्य कदाचिन्नैव सम्भवेत् ॥ १६९॥

पातकान्विविधान्सोऽपि मेरुमन्दरसन्निभान् ।
भस्मितान्कुरुते क्षिप्रं तृणं वह्निहुतं यथा ॥ १७०॥

नृपाश्च वश्यतां यान्ति नृपपूज्याश्च ते नराः ।
महार्णवे महानद्यां पोतस्थे च न भीः कचित् ॥ १७१॥

रणे द्यूते विवादे च विजयं प्राप्नुवन्ति ते ।
सर्वत्र पूजितो लोकैर्बहुमानपुरस्सरैः ॥ १७२॥

रतिरागविवृद्धाश्च विह्वलाः कामपीडिताः ।
यौवनाक्रान्तदेहास्तान् श्रयन्ते वामलोचनाः ॥ १७३॥

सहस्रं जपते यस्तु खेचरी जायते नरः ।
सहस्रदशकं देवि यः पठेद्भक्तिमान्नरः ॥ १७४॥

सा तस्य जगतां धात्री प्रत्यक्षा भवति ध्रुवम् ।
लक्षं पूर्णं यदा देवि स्तोत्रराजं जपेत्सुधीः ॥ १७५॥

भवपाशविनिर्मुक्तो मम तुल्यो न संशयः ।
सर्वतीर्थेषु यत्पुण्यं सर्वतीर्थेषु यत्फलम् ॥ १७६॥

सर्वधर्मेषु यज्ञेषु सर्वदानेषु यत्फलम् ।
सर्ववेदेषु प्रोक्तेषु यत्फलं परिकीर्तितम् ॥ १७७॥

तत्पुण्यं कोटिगुणितं सकृज्जप्त्वा लभेन्नरः ।
देहान्ते परमं स्थानं यत्सुरैरपि दुर्लभम् ।
स यास्यति न सन्देहस्स्तवराजस्य कीर्तनात् ॥ १७८॥

॥ इति रुद्रयामले श्रीअन्नपूर्णासहस्रनामस्तोत्रं सम्पूर्णम् ॥

श्री अणु राघवेन्द्रस्तोत्रम्

 

 श्री अणु राघवेन्द्रस्तोत्रम् 

पूज्याय राघवेन्द्राय सत्यधर्मरताय च ।
भजतां कल्पवृक्षाय नमतां कामधेनवे ॥ १॥

दुर्वादिध्वान्तरवये वैष्णवेन्दीवरेन्दवे ।
श्रीराघवेन्द्रगुरवे नमोऽत्यन्तदयालवे ॥ २॥

श्रीसुधीन्द्राब्धिसम्भूतान् राघवेन्द्रकलानिधीन् ।
सेवे सज्ज्ञानसौख्यार्थं सन्तापत्रयशान्तये ॥ ३॥

अघं द्रावयते यस्माद्वेङ्कारो वाञ्छितप्रदः ।
राघवेन्द्रयतिस्तस्माल्लोके ख्यातो भविष्यति ॥ ४॥

व्यासेन व्युप्तबीजः श्रुतिभुवि भगवत्पादलब्धाङ्कुरश्रीः
ब्रध्नैरीषत्प्रभिन्नोऽजनि जयमुनिना सम्यगुद्भिन्नशाखः ।
मौनीशव्यासराजादुदितकिसलयःपुष्पितोऽयं जयीन्द्रा-
दद्य श्रीराघवेन्द्राद्विलसति फलितो मध्वसिद्धान्तशाखी ॥ ५॥

मूकोऽपि यत्प्रसादेन मुकुन्दशयनायते ।
राजराजायते रिक्तो राघवेन्द्रं तमाश्रये ॥ ६॥

इति श्री अणुराघवेन्द्रस्तोत्रं सम्पूर्णम् ।

अञ्जनशैलनाथस्तोत्रम्

 

 अञ्जनशैलनाथस्तोत्रम् 


पुलकिनि भुजमध्ये पूजयन्तं पुरन्ध्रीं
भुवननयनपुण्यं पूरिताशेषकामम् ।
पुनरपि वृषशैले फुल्लनीलोत्पलाभं
पुरुषमनुभवेयं पुण्डरीकायताक्षम् ॥ १॥

आजानसौहृदमपारकृपामृताब्धिं
अव्याजवत्सलमवेलसुशीलमाद्यम् ।
आनन्दराशिमनुरागमयावरोधं
आराधयामि हरिमञ्जनशैलनाथम् ॥ २॥

आताम्रपादमवदातसुवर्णचेलं
आपीनबाहुशिखरोज्ज्वलशङ्खचक्रम् ।
आविस्स्मिताननममन्ददयाकटाक्षं
आराधयामि हरिमञ्जनशैलनाथम् ॥ ३॥

अप्राकृतावयवसंहितसंनिवेशं
आरूढयौवनमहीनकुमारभावम् ।
अम्लानकान्तिमतिवाङ्मनसानुभावं
आराधयामि हरिमञ्जनशैलनाथम् ॥ ४॥

आशावकाशसमुदित्वरसर्वगन्धं
आस्वादयत्सुगमसर्वरसस्वभावम् ।
आश्लेषगम्यसुखसंस्पृशनातिरेकं
आराधयामि हरिमञ्जनशैलनाथम् ॥ ५॥

आदर्शयन्तमतिसंकुचिताक्षिशक्तिं
आश्रावयन्तमखिलान् बधिरान् प्रकृत्या ।
आभाषयन्तमभितो नतमूकवर्गं
आराधयामि हरिमञ्जनशैलनाथम् ॥ ६॥

आधावयन्तमतिमारुतमेव पङ्गून्
आजानुलम्बिभुजयन्तमहो कुबाहून् ।
अन्यांश्च कृतशिरसः प्रतिजीवयन्तं
आराधयामि हरिमञ्जनशैलनाथम् ॥ ७॥

आजन्मनिर्धनजनानलकेशयन्तं
अज्ञानपि त्रिदशदेशिकदेश्ययन्तम् ।
अह्नाय वन्ध्यमपि मर्त्यमवन्ध्ययन्तं
आराधयामि हरिमञ्जनशैलनाथम् ॥ ८॥

आबद्धकङ्कणमशेषशरण्यतायां
आपत्सहायमपराधसहं नतानाम् ।
आसन्नसामगसुखालससूरिवर्गं
आराधयामि हरिमञ्जनशैलनाथम् ॥ ९॥

अध्यासितासनसरोजसनूपुराङ् घ्रिं
आमुक्तवीरकटकायतवृत्तजङ्घम् ।
आश्चर्यजानुयुगमप्रतिमोरुकाण्डं
आराधयामि हरिमञ्जनशैलनाथम् ॥ १०॥

आवर्तिनिम्ननिखिलाण्डनिदाननाभिं
आयामिदोर्विवरकेलिगृहावरोधम् ।
आबद्धरत्नमयभूषभुजाचतुष्कं
आराधयामि हरिमञ्जनशैलनाथम् ॥ ११॥

अंसावलम्बिमणिकुण्डलकान्तगण्डं
आविस्स्मितांशुमधुराधरबन्धुजीवम् ।
आस्याब्जसौरभसमुत्सुकदीर्घनासं
आराधयामि हरिमञ्जनशैलनाथम् ॥ १२॥

अर्धेन्दुभास्वदलिकोल्लसदूर्ध्वपुण्ड्रं
आलोलनीलकुटिलालकचारुवक्त्रम् ।
आविर्मयूखमणिचूडमहाकिरीटं
आराधयामि हरिमञ्जनशैलनाथम् ॥ १३॥

वादिभीतिकरार्येण रचिता भावबन्ध तः
शोभते वेङ्कटाद्रीशविषया स्तुतिरद्भुता ॥ 
 ॥ इति अञ्जनशैलनाथस्तोत्रं संपूर्णम् ॥

अङ्गारकस्तोत्रम्

 

 अङ्गारकस्तोत्रम् 


अस्य श्री अङ्गारकस्तोत्रस्य ।
विरूपाङ्गिरस ऋषिः ।
अग्निर्देवता ।
गायत्री छन्दः ।
भौमप्रीत्यर्थं जपे विनियोगः ।
अङ्गारकः शक्तिधरो लोहिताङ्गो धरासुतः ।
कुमारो मङ्गलो भौमो महाकायो धनप्रदः ॥ १॥

ऋणहर्ता दृष्टिकर्ता रोगकृद्रोगनाशनः ।
विद्युत्प्रभो व्रणकरः कामदो धनहृत् कुजः ॥ २॥

सामगानप्रियो रक्तवस्त्रो रक्तायतेक्षणः ।
लोहितो रक्तवर्णश्च सर्वकर्मावबोधकः ॥ ३॥

रक्तमाल्यधरो हेमकुण्डली ग्रहनायकः ।
नामान्येतानि भौमस्य यः पठेत्सततं नरः ॥ ४॥

ऋणं तस्य च दौर्भाग्यं दारिद्र्यं च विनश्यति ।
धनं प्राप्नोति विपुलं स्त्रियं चैव मनोरमाम् ॥ ५॥

वंशोद्द्योतकरं पुत्रं लभते नात्र संशयः ।
योऽर्चयेदह्नि भौमस्य मङ्गलं बहुपुष्पकैः ॥ ६॥

सर्वा नश्यति पीडा च तस्य ग्रहकृता ध्रुवम् ॥ ७॥

॥ इति श्रीस्कन्दपुराणे अङ्गारकस्तोत्रं संपूर्णम् ॥

श्रीअङ्गारकाष्टोत्तरशतनामस्तोत्रम्

 

 श्रीअङ्गारकाष्टोत्तरशतनामस्तोत्रम् 


मङ्गल बीज मन्त्र - ॐ क्राँ क्रीं क्रौं सः भौमाय नमः ॥

महीसुतो महाभागो मंगळो मंगळप्रदः ।
महावीरो महाशूरो महाबलपराक्रमः ॥ १॥

महारौद्रो महाभद्रो माननीयो दयाकरः ।
मानजोऽमर्षणः क्रूरः तापपापविवर्जितः ॥ २॥

सुप्रतीपः सुताम्राक्षः सुब्रह्मण्यः सुखप्रदः ।
वक्रस्तम्भादिगमनो वरेण्यो वरदः सुखी ॥ ३॥

वीरभद्रो विरूपाक्षो विदूरस्थो विभावसुः ।
नक्षत्रचक्रसञ्चारी क्षत्रपः क्षात्रवर्जितः ॥ ४॥

क्षयवृद्धिविनिर्मुक्तः क्षमायुक्तो विचक्षणः ।
अक्षीणफलदः चक्षुर्गोचरष्षुभलक्षणः ॥ ५॥

वीतरागो वीतभयो विज्वरो विश्वकारणः ।
नक्षत्रराशिसञ्चारो नानाभयनिकृन्तनः ॥ ६॥

कमनीयो दयासारः कनत्कनकभूषणः ।
भयघ्नो भव्यफलदो भक्ताभयवरप्रदः ॥ ७॥

शत्रुहन्ता शमोपेतः शरणागतपोषकः ।
साहसः सद्गुणाध्यक्षः साधुः समरदुर्जयः ॥ ८॥

दुष्टदूरः शिष्टपूज्यः सर्वकष्टनिवारकः  ।
दुश्चेष्टवारको दुःखभञ्जनो दुर्धरो हरिः ॥ ९॥

दुःस्वप्नहन्ता दुर्धर्षो दुष्टगर्वविमोचकः ।
भरद्वाजकुलोद्भूतो भूसुतो भव्यभूषणः ॥ १०॥

रक्ताम्बरो रक्तवपुर्भक्तपालनतत्परः ।
चतुर्भुजो गदाधारी मेषवाहो मिताशनः ॥ ११॥

शक्तिशूलधरश्शक्तः शस्त्रविद्याविशारदः ।
तार्किकः तामसाधारः तपस्वी ताम्रलोचनः ॥ १२॥

तप्तकाञ्चनसंकाशो रक्तकिञ्जल्कसन्निभः ।
गोत्राधिदेवो गोमध्यचरो गुणविभूषणः ॥ १३॥

असृजंगारकोऽवन्तीदेशाधीशो जनार्दनः ।
सूर्ययाम्यप्रदेशस्थो यावनो याम्यदिऽग्मुखः ॥ १४॥

त्रिकोणमण्डलगतो त्रिदशाधिपसन्नुतः ।
शुचिः शुचिकरः शूरो शुचिवश्यः शुभावहः ॥ १५॥

मेषवृश्चिकराशीशो मेधावी मितभाषणः ।
सुखप्रदः सुरूपाक्षः सर्वाभीष्टफलप्रदः ॥ १६॥

॥ इति मङ्गल एवं अङ्गारकाष्टोत्तरशतनामस्तोत्रम् सम्पूर्णम् ॥

अघनाशकगायत्रीस्तोत्रम्

 

 अघनाशकगायत्रीस्तोत्रम् 


नारद उवाच -
भक्तानुकम्पिन्सर्वज्ञ हृदयं पापनाशनम् ।
गायत्र्याः कथितं तस्माद्गायत्र्याः स्तोत्रमीरय ॥ १॥

आदिशक्ते जगन्मातर्भक्तानुग्रहकारिणि ।
सर्वत्र व्यापिकेऽनन्ते श्रीसन्ध्ये ते नमोऽस्तु ते ॥ २॥

त्वमेव सन्ध्या गायत्री सावित्री च सरस्वती ।
ब्राह्मी च वैष्णवी रौद्री रक्ता श्वेता सितेतरा । ३॥।

प्रातर्बाला च मध्याह्ने यौवनस्था भवेत्पुनः ।
ब्रह्मा सायं भगवती चिन्त्यते मुनिभिः सदा ॥ ४॥ वृद्धा सायं

हंसस्था गरुडारूढा तथा वृषभवाहिनी ।
ऋग्वेदाध्यायिनी भूमौ दृश्यते या तपस्विभिः ॥ ५॥

यजुर्वेदं पठन्ती च अन्तरिक्षे विराजते ।
सा सामगापि सर्वेषु भ्राम्यमाणा तथा भुवि ॥ ६॥

रुद्रलोकं गता त्वं हि विष्णुलोकनिवासिनी ।
त्वमेव ब्रह्मणो लोकेऽमर्त्यानुग्रहकारिणी ॥ ७॥

सप्तर्षिप्रीतिजननी माया बहुवरप्रदा ।
शिवयोः करनेत्रोत्था ह्यश्रुस्वेदसमुद्भवा ॥ ८॥

आनन्दजननी दुर्गा दशधा परिपठ्यते ।
वरेण्या वरदा चैव वरिष्ठा वरवर्णिनी ॥ ९॥

गरिष्ठा च वरार्हा च वरारोहा च सप्तमी ।
नीलगङ्गा तथा सन्ध्या सर्वदा भोगमोक्षदा ॥ १०॥

भागीरथी मर्त्यलोके पाताले भोगवत्यपि ।
त्रिलोकवाहिनी देवी स्थानत्रयनिवासिनी ॥ ११॥

भूर्लोकस्था त्वमेवासि धरित्री लोकधारिणी ।
भुवो लोके वायुशक्तिः स्वर्लोके तेजसां निधिः ॥ १२॥

महर्लोके महासिद्धिर्जनलोके जनेत्यपि ।
तपस्विनी तपोलोके सत्यलोके तु सत्यवाक् ॥ १३॥

कमला विष्णुलोके च गायत्री ब्रह्मलोकगा । ब्रह्मलोकदा
रुद्रलोके स्थिता गौरी हरार्धाङ्गनिवासिनी ॥ १४॥

अहमो महतश्चैव प्रकृतिस्त्वं हि गीयसे ।
साम्यावस्थात्मिका त्वं हि शबलब्रह्मरूपिणी ॥ १५॥

ततः परापरा शक्तिः परमा त्वं हि गीयसे ।
इच्छाशक्तिः क्रियाशक्तिर्ज्ञानशक्तिस्त्रिशक्तिदा ॥ १६॥

गङ्गा च यमुना चैव विपाशा च सरस्वती ।
सरयूर्देविका सिन्धुर्नर्मदेरावती तथा ॥ १७॥

गोदावरी शतद्रुश्च कावेरी देवलोकगा ।
कौशिकी चन्द्रभागा च वितस्ता च सरस्वती ॥ १८॥

गण्डकी तापिनी तोया गोमती वेत्रवत्यपि ।
इडा च पिङ्गला चैव सुषुम्णा च तृतीयका ॥ १९॥

गान्धारी हस्तिजिह्वा च पूषापूषा तथैव च ।
अलम्बुषा कुहूश्चैव शङ्खिनी प्राणवाहिनी ॥ २०॥

नाडी च त्वं शरीरस्था गीयसे प्राक्तनैर्बुधैः ।
हृतपद्मस्था प्राणशक्तिः कण्ठस्था स्वप्ननायिका ॥ २१॥

तालुस्था त्वं सदाधारा बिन्दुस्था बिन्दुमालिनी ।
मूले तु कुण्डली शक्तिर्व्यापिनी केशमूलगा ॥ २२॥

शिखामध्यासना त्वं हि शिखाग्रे तु मनोन्मनी ।
किमन्यद् बहुनोक्तेन यत्किञ्चिज्जगतीत्रये ॥ २३॥

तत्सर्वं त्वं महादेवि श्रिये सन्ध्ये नमोऽस्तु ते ।
इतीदं कीर्तितं स्तोत्रं सन्ध्यायां बहुपुण्यदम् ॥ २४॥

महापापप्रशमनं महासिद्धिविधायकम् ।
य इदं कीर्तयेत् स्तोत्रं सन्ध्याकाले समाहितः ॥ २५॥

अपुत्रः प्राप्नुयात् पुत्रं धनार्थी धनमाप्नुयात् ।
सर्वतीर्थतपोदानयज्ञयोगफलं लभेत् ॥ २६॥

भोगान् भुक्त्वा चिरं कालमन्ते मोक्षमवाप्नुयात् ।
तपस्विभिः कृतं स्तोत्रं स्नानकाले तु यः पठेत् ॥ २७॥

यत्र कुत्र जले मग्नः सन्ध्यामज्जनजं फलम् ।
लभते नात्र सन्देहः सत्यं च नारद ॥ २८॥

श‍ृणुयाद्योऽपि तद्भक्त्या स तु पापात् प्रमुच्यते ।
पीयूषसदृशं वाक्यं सन्ध्योक्तं नारदेरितम् ॥ २९॥

॥ इति श्रीदेवीभागवते महापुराणे द्वादशस्कन्धे
पञ्चमोऽध्याये श्रीअघनाशकगायत्रीस्तोत्रं सम्पूर्णम् ॥

ऋग्वेदान्तर्गता अग्नेः अष्टोत्तरशतनामावलिः

 

 ऋग्वेदान्तर्गता अग्नेः अष्टोत्तरशतनामावलिः 

१.  ॐ अजाय नमः । (अथ. ४-१४-६)
२.  ॐ अजराय नमः । (१-५८-२)
३.  ॐ अजिराय नमः । (७-११-२)
४.  ॐ अजुर्याय नमः । (१-६७-१)
५.  ॐ अतन्द्राय नमः । (१-७२-७)
६.  ॐ अग्नये नमः । (१-१-१)
७.  ॐ अद्भुतक्रतवे नमः । (८-२३-८)
८.  ॐ अङ्कूयते नमः । (६-१५-२७)
९.  ॐ अङ्गिरसे नमः । (१-३१-१७)
१०. ॐ अर्वते नमः । (६-१२-६)
११. ॐ सप्तहोतृभिरञ्जानाय नमः । (३-१०-४)
१२. ॐ आश‍ृण्वते नमः । (४-३-३)
१३. ॐ आशुहेमाय नमः । (२-३५-१)
१४. ॐ अप्याय नमः । (१-१४५-५)
१५. ॐ आसते नमः । (६-७-१)
१६. ॐ असुराय नमः । (४-२-५)
१७. ॐ आहुताय नमः । (२-८-२)
१८. ॐ आदित्याय नमः । (४-१-२)
१९. ॐ आपये नमः । (१-३१-१६)
२०. ॐ आबाधाय नमः । (८-२३-३)
२१. ॐ आकूतते नमः । (अथ. १९-४-२)
२२. ॐ आघृणीवसवे नमः । (८-६०-२०)
२३. ॐ इधानाय नमः । (१-७९-५)
२४. ॐ इद्धाय नमः । (१-६६-९)
२५. ॐ इन्धानाय नमः । (१-१४३-७)
२६. ॐ इषः सहस्रिणीर्दधते नमः । (१-१८८-२)
२७. ॐ ईड्याय नमः । (१-१-२)
२८. ॐ ईळेन्याय नमः । (१-७९-५)
२९. ॐ ईशानाय नमः । (७-१५-११)
३०. ॐ ईषयते नमः । (६-१-२)
३१. ॐ इळाय नमः । (१-१३-४)
३२. ॐ ईळिताय नमः । (१-१३९-७)
३३. ॐ उक्थ्याय नमः । (१-७२-२)
३४. ॐ उक्षते नमः । (१-१२२-४)
३५. ॐ उक्षमाणाय नमः । (२-२-४)
३६. ॐ उक्षान्नाय नमः । (८-४३-११)
३७. ॐ दिवमुत्पतते नमः । (अथ. १९-६५-१)
३८. ॐ ऊर्जःपुत्राय नमः । (१-९६-३)
३९. ॐ ऊर्जसनाय नमः । (६-४-४)
४०. ॐ ऊर्ध्वाय नमः । (१०-७०-१)
४१. ॐ ऊर्जोनपादे नमः । (१-५८-८)
४२. ॐ ऊशते नमः । (२-३६-४)
४३. ॐ पृथिवीमुतद्यामृजूयमानाय नमः । (१०-८८-९)
४४. ॐ ऋताय नमः । (१-६५-३)
४५. ॐ ऋत्वियाय नमः । (३-२९-१०)
४६. ॐ ऋतप्रवीताय नमः । (१-७०-७)
४७. ॐ ऋतचिदे नमः । (१-१४५-५)
४८. ॐ ऋतावते नमः । (४-१-२)
४९. ॐ ऋन्धाय नमः । (१०-११०-२)
५०. ॐ ऋग्मियाय नमः । (८-२३-३)
५१. ॐ ऋषूणां पुत्राय नमः । (५-२५-१)
५२. ॐ ऋषिकृते नमः । (१-३१-१६)
५३. ॐ ऋतवृधे नमः । (३-२-१)
५४. ॐ ऋतुपे नमः । (३-२०-४)
५५. ॐ ऋभवे नमः । (३-५-६)
५६. ॐ ऋषीणां पुत्राय नमः । (अथ. ४-३९-९)
५७. ॐ ऋषभाय नमः । (वा. य. २१-३८)
५८. ॐ ऋभ्वने नमः । (१०-२०-५)
५९. ॐ ऋतुपतये नमः । (१०-२-१)
६०. ॐ ऋषये नमः । (३-३१-३)
६१. ॐ ओषधीनां गर्भाय नमः । (३-१-१३)
६२. ॐ एकाय नमः । (१०-१-५)
६३. ॐ चर्षणीसदामोजिष्ठाय नमः । (वा. य. २८-१)
६४. ॐ ककुदे नमः । (८-४४-१६)
६५. ॐ ककुद्मते नमः । (१०-८-२)
६६. ॐ क्रतुविदे नमः । (१०-२-५)
६७. ॐ कृष्णयामाय नमः । (६-६-१)
६८. ॐ कनिक्रदते नमः । (१-१२८-३)
६९. ॐ कण्वतमाय नमः । (१०-११५-५)
७०. ॐ कण्वसखाय नमः । (१०-११५-५)
७१. ॐ केवलाय नमः । (१-१३-१०)
७२. ॐ कृष्णवर्तनये नमः । (अथ. ८-२३-१९)
७३. ॐ कपये नमः । (अथ. ६-४९-१)
७४. ॐ कवये नमः । (१-१२-६)
७५. ॐ कवितमाय नमः । (३-१४-१)
७६. ॐ कविशस्ताय नमः । (३-११-४)
७७. ॐ कविक्रतवे नमः । (१-१-२)
७८. ॐ कविप्रशस्ताय नमः । (५-१-८)
७९. ॐ कृष्णाध्वने नमः । (२-४-६)
८०. ॐ क्रव्यादाय नमः । (१०-१६९-१०)
८१. ॐ क्रव्यवाहनाय नमः । (१०-१६-११)
८२. ॐ क्षत्राणि धारयते नमः । (अथ. ७-७८-२)
८३. ॐ क्षत्राय नमः । (वा. य. २८-३४)
८४. ॐ क्षपावते नमः । (१-७०-५)
८५. ॐ क्षत्रभृते नमः । (अथ. ७-८४-१)
८६. ॐ क्षयाय नमः । (३-२-१३)
८७. ॐ गणश्रिये नमः । (८-२३-४)
८८. ॐ चरथां गर्भाय नमः । (१-७०-३)
८९. ॐ अपां गर्भाय नमः । (१-७०-३)
९०. ॐ गातुवित्तमाय नमः । (८-१०३।१)
९१. ॐ बह्वीनामपसां गर्भाय नमः । (१-९५-४)
९२. ॐ स्थातां गर्भाय नमः । (१-७०-३)
९३. ॐ गुहाहिताय नमः । (४-७-६)
९४. ॐ गृत्साय नमः । (३-१-२)
९५. ॐ गृहपतये नमः । (१-१२-६)
९६. ॐ गृध्नवे नमः । (१-७०-११)
९७. ॐ गोपे नमः । (२-९-६)
९८. ॐ घोराय नमः । (४-६-६)
९९. ॐ चनोहिताय नमः । (३-११-२)
१००. ॐ जातवेदसे नमः । (१-४४-१)
१०१. ॐ तपुर्मूर्ध्ने नमः । (७-३-१)
१०२. ॐ दीर्घतन्तवे नमः । (१०-६९-७)
१०३. ॐ धृतव्रताय नमः । (८-६४-२५)
१०४. ॐ बृहद्भानवे नमः । (१-२७-१२)
१०५. ॐ मधुवचसे नमः । (४-६-५)
१०६. ॐ यज्ञाय नमः । (७-१६-२)
१०७. ॐ रण्वाय नमः । (१-६५-५)
१०८. ॐ वनस्पतये नमः । (१-१३-११) १०८

॥ इति ऋग्वेदान्तर्गता अग्नेः अष्टोत्तरशतनामावलिः समाप्ता ॥

अग्नेः अष्टोत्तरशतनामस्तोत्रम्

 

 अग्नेः अष्टोत्तरशतनामस्तोत्रम् 

ॐ श्रीगणेशाय नमः ।

अथ अग्नेः अष्टोत्तरशतनामस्तोत्रम् ।
           अकारदिक्रमेण
अजोऽजरोऽजिरोऽजुर्योऽतन्द्रोऽग्निरद्भुतक्रतुः ।
अङ्कूयन्नङ्गिरा अर्वन्नुञ्जानः सप्तहोतृभिः ॥ १॥

आश‍ृण्वन्नाशुहेमोऽप्य आसन्नासुर आहुतः ।
आदित्य आपिराबाध आकूतिराघृणीवसुः ॥ २॥

इधान इद्ध इन्धानो दधत्सहस्रिणीरिषः ।
ईड्य ईळेन्य ईशान ईषयन्निळ ईळितः ॥ ३॥

उक्थ्य उक्षन्नुक्षमाण उक्षान्नो दिवमुत्पतन् ।
ऊर्जःपुत्र ऊर्जसन ऊर्ध्व ऊर्जोनपादूशन् ॥ ४॥

ऋजूयमानः पृथिवीमुतद्यामृत ऋत्वियः ।
ऋतप्रवीत ऋतचिदृतावदृन्ध ऋग्मियः ॥ ५॥

ऋषूणां पुत्र ऋषिकृदृतवृधृतुपा ऋभुः ।
ऋषीणां पुत्र ऋषभ ऋभ्व ऋतुपतिरृषिः ॥ ६॥ ऋतुपाति

ओषधीनां गर्भ एक ओजिष्ठश्चर्षणीसदाम् ।
ककुत्ककुद्मान्क्रतुवित् कृष्णयामः कनिक्रदत् ॥ ७॥

कण्वतमः कण्वसखः केवलः कृष्णवर्तनिः ।
कपिः कविः कवितमः कविशस्तः कविक्रतुः ॥ ८॥

कविप्रशस्तः कृष्णाध्वा क्रव्यादः क्रव्यवाहनः ।
क्षत्राणि धारयन् क्षत्रः क्षपावान् क्षत्रभृत् क्षयः ॥ ९॥

गणश्रीश्चरथां गर्भोऽपां गर्भो गातुवित्तमः ।
बह्वीनामपसां गर्भस्थातां गर्भो गुहाहितः ॥ १०॥

गृत्सो गृहपतिर्गृध्नुर्गोपा घोरश्चनोहितः ।
जातवेदास्तपुर्मूर्धा दीर्घतन्तुर्धृतव्रतः ॥ ११॥

बृहद्भानुर्मधुवचा यज्ञो रण्वो वनस्पतिः ।
देवानामवगम्याग्नेः नाम्नामष्टोत्तरं शतम् ॥ १२॥

॥ अग्नेः अष्टोत्तरशतनामस्तोत्रं सम्पूर्णम् ॥

अग्निस्तोत्रम्

अग्निस्तोत्रम्

ॐ नमः सर्वभूतानां साधनाय महात्मने ।
एकद्विपञ्चधिष्ण्याय राजसूये षडात्मने ॥ १॥

नमः समस्तदेवानां वृत्तिदाय सुवर्चसे ।
शुक्ररूपाय जगतामशेषाणां स्थितिप्रदः ॥ २॥

त्वं मुखं सर्वदेवानां त्वयात्तं भगवन्हविः ।
प्रीणयस्यखिलान्देवांस्त्वत्प्राणाः सर्वदेवताः ॥ ३॥

हुतं हविस्त्वय्यनल मेधत्वमुपगच्छति ।
ततश्च जलरूपेण परिणाममुपैति यत् ॥ ४॥

तेनाखिलौषधीजन्म भवत्यनिलसारथे ।
औषधीभिरशेषाभिः सुखं जीवन्ति जन्तवः ॥ ५॥

वितन्वते नरा यज्ञांस्त्वत्सृष्टास्वोषधीषु च ।
यज्ञैर्देवास्तथा दैत्यास्तद्वद्रक्षांसि पावक ॥ ६॥

आप्याय्यन्ते च ते यज्ञास्त्वदाधारा हुताशन ।
अतः सर्वस्य योनिस्त्वं वह्ने सर्वमयस्तथा ॥ ७॥

देवता दानवा यक्षा दैत्या गन्धर्वराक्षसाः ।
मानुषाः पशवो वृक्षा मृगपक्षिसरीसृपाः ॥ ८॥

आप्याय्यन्ते त्वया सर्वे संवर्ध्यन्ते च पावक ।
त्वत्त एवोद्भवं यान्ति त्वय्यन्ते च तथा लयम् ॥ ९॥

अपः सृजसि देवत्वं त्वमत्सि पुनरेव ताः ।
पच्यमानास्त्वया ताश्च प्राणिनां पुष्टिकारणम् ॥ १०॥

देवेषु तेजोरूपेण कान्त्या सिद्धेष्ववस्थितः ।
विषरूपेण नागेषु वायुरूपः पतत्त्रिषु ॥ ११॥

मनुजेषु भवान्क्रोधो मोहः पक्षिमृगादिषु ।
अवष्टम्भोसि तरुषु काठिन्यं त्वं महीं प्रति ॥ १२॥

जले द्रवस्त्वं भगवाञ्जवरूपी तथाऽनिले ।
व्यापित्वेन तथैवाग्ने नभसि त्वं व्यवस्थितः ॥ १३॥

त्वमग्ने सर्वभूतानामन्तश्चरसि पालयन् ।
त्वामेकमाहुः कवयस्त्वामाहुस्त्रिविधः पुनः ॥ १४॥

त्वामष्टधा कल्पयित्वा यज्ञवाहमकल्पयन् ।
त्वया सृष्टमिदं विश्वं वदन्ति परमर्षयः ॥ १५॥  var  स्पष्टमिदं

त्वामृते हि जगत्सर्वं सद्यो नश्येद्धुताशन ।
तुभ्यं कृत्वा द्विजः पूजां स्वकर्मविहितां गतिम् ॥ १६॥

प्रयान्ति हव्यकव्याद्यैः स्वधास्वाहाभ्युदीरणात् ।
परिणामात्मवीर्याणि प्राणिनाममरार्चित ॥ १७॥

दहन्ति सर्वभूतानि ततो निष्क्रम्य हेतयः ।
जातवेदस्त्वयैवेदं विश्वं सृष्टं महाद्युते ॥ १८॥

तवैव वैदिकं कर्म सर्वभूतात्मकं जगत् ।
नमस्तेऽनल पिङ्गाक्ष नमस्तेऽस्तु हुताशन! ॥ १९॥

पावकाद्य नमस्तेऽस्तु नमस्ते हव्यवाहन ।
त्वमेव सर्वभूतानां पावनाद्विश्वपावनः ॥ २०॥

त्वमेव भुक्तपीतानां पाचनाद्विश्वपाचकः ।
सस्यानां पाककर्ता त्वं पोष्टा त्वं जगतस्तथा ॥ २१॥

त्वमेव मेघस्त्वं वायुस्त्वं बीजं सस्यहेतुकम् ।
पोषाय सर्वभूतानां भूतभव्यभवो ह्यसि ॥ २२॥

त्वं ज्योतिः सर्वभूतेषु त्वमादित्यो विभावसुः ।
त्वमहस्त्वं तथा रात्रिरुभे सन्ध्ये तथा भवान् ॥ २३॥

हिरण्यरेतास्त्वं वह्ने हिरण्योद्भवकारणम् ।
हिरण्यगर्भश्च भवान्हिरण्यसदृशप्रभः ॥ २४॥

त्वं मुहूर्तं क्षणश्च त्वं, त्वं त्रुटिस्त्वं तथा लवः ।
कलाकाष्ठानिमेषादिरूपेणासि जगत्प्रभो! ॥ २५॥

त्वमेतदखिलं कालः परिणामात्मको भवान् ।
या जिह्वा भवतः काली कालनिष्टाकरी प्रभो ।
तया नः पाहि पापेभ्यः ऐहिकाच्च महाभयात् ॥ २६॥

करालीनाम या जिह्वा महाप्रलयकारणम् ।
तया नः पाहि पापेभ्यः ऐहिकाच्च महाभयात् ॥ २७॥

मनोजवा च या जिह्वा लघिमागुणलक्षणा ।
तया नः पाहि पापेभ्यः ऐहिकाच्च महाभयात् ॥ २८॥

करोति कामं भूतेभ्यो या ते जिह्वा सुलोहिता ।
तया नः पाहि पापेभ्यः ऐहिकाच्च महाभयात् ॥ २९॥

सुधूम्रवर्णा या जिह्वा प्राणिनां रोगदायिका ।
तया नः पाहि पापेभ्यः ऐहिकाच्च महाभयात् ॥ ३०॥

स्फुलिङ्गिनी च या जिह्वा यतः सकलपुद्गलाः ।
तया नः पाहि पापेभ्यः ऐहिकाच्च महाभयात् ॥ ३१॥

याते विश्वसृजा जिह्वा प्राणिनां शर्मदायिनी ।
तया नः पाहि पापेभ्यः ऐहिकाच्च महाभयात् ॥ ३२॥

पिङ्गाक्ष लोहितग्रीव कृष्णवर्त्म हुताशन ।
त्राहिमां सर्वदोषेभ्यः संसारादुद्धरेह माम् ॥ ३३॥

प्रसीद वह्ने सप्तार्चिः कृशानो हव्य वाहन ।
अग्निपावक शुक्रादि नामाष्टाभिरुदीरितः ॥ ३४॥

अग्नेऽग्रे सर्वभूतानां समुत्पत्तिरिभावसो ।
प्रसीद हव्यवाहाख्य, अभिष्टुत मयाव्यय ॥ ३५॥

त्वमक्षयो वह्निरचिन्त्य रूपः समृद्धिमन्दुष्प्रसहाऽतितीव्रः ।
तवाव्ययं भीममशेषलोक संवर्धकं हन्त्यधवातिवीर्यम् ॥ ३६॥

त्वमुत्तमं तत्त्वमशेष सत्व हृत्पुण्डरीकस्थमनन्तमीड्यम् ।
त्वया ततं विश्वमिदं चराचरं हुताशनैको बहुधा त्वमत्र! ॥ ३७॥

त्वमक्षयः सगिरिवना वसुन्धरा नभः ससोमार्कमहर्दिवाखिलं! ।
महोदधेर्जठर गतश्च बाडबो भवान्विभुः पिबति पयांसि पावक ॥ ३८॥

हुताशनस्त्वमिति सदाभि पूज्यसे महाक्रतौ नियमपरैर्महर्षिभिः ।
अभिष्टुतः पिसिसि च सोममध्वरे वषट्कृतान्यपि च हवीषि भूतये ॥ ३९॥

त्वं विप्रैः सततमिहेज्यसे फलार्थं वेदाङ्गेष्वथ सकलेषु गीय से त्वं ।
त्वद्धेतोर्यजन परायणा द्विजेन्द्रा वेदाङ्गान्यधिगमयन्ति सर्वकाले ॥ ४०॥

त्वं ब्रह्मा यजनपरस्तथैव विष्णुः भूतेशः सुरपतिरर्यमा जलेशः ।
सूर्येन्दू सकल सुरासुराश्च हव्यैः सन्तोष्याऽभिमतफलान्यथाप्नुवन्ति ॥ ४१॥

अर्चिभिः परममहोपघातदुष्टं संस्पृष्टं तव शुचि जायते समस्तम् ।
स्नानानां परममतीव भस्मना सत्सन्ध्यायां मुनिभिरतीव सेव्यसे तत् ॥ ४२॥

तत्कृत्वा त्रिदिवमवाप्नुवन्ति लोकाः सद्भक्त्या सुखनियताः समूहगतिम् ।
प्रसीदवह्ने शुचिनामधेय प्रसीद वायो विमलातिदीप्ते ॥ ४३॥

प्रसीद मे पावक वैद्युताभ प्रसीद हव्याशन पाहि मां त्वम् ।
यत्तेवह्ने शिवं रूपं ये च ते सप्त हेतयः ।
तैः पाहि न स्तुतोदेव पिता पुत्रमिवात्मजम् ॥ ४४॥

इति श्रीमार्कण्डेयपुराणे भौत्यमन्वन्तरेऽग्निस्तोत्रं सम्पूर्णम् ।
षण्ण्वतितमोऽध्यायः ।

ॐ अग्निसहस्रनामावलिः ऋचासहिता

 

 ॐ अग्निसहस्रनामावलिः ऋचासहिता 

१.  ॐ अग्नये नमः । (१-१-१)
२.  ॐ वसुपतये नमः । (२-१-११)
३.  ॐ होत्रे नमः । (१-१-८)
४.  ॐ दीदिवये नमः । (१-१-८)
५.  ॐ रत्नधातमाय नमः । (१-१-१)
६.  ॐ आध्रस्यचित्पित्रे नमः । (१-३१-१४)
७.  ॐ शीर्षतो जाताय नमः । (१०-८८-१६)
८.  ॐ सुक्रतवे नमः । (१-१२८-४)
९.  ॐ यूने नमः । (१-१२-६)
१०. ॐ भासाकेतवे नमः । (१०-२०-३)
११. ॐ बृहत्केतवे नमः । (५-८-२)
१२. ॐ बृहदर्चसे नमः । (५-२५-७)
१३. ॐ कविक्रतवे नमः । (१-१-२)
१४. ॐ सत्याय नमः । (१-१-५)
१५. ॐ सत्ययजाय नमः । (६-१६-४६)
१६. ॐ दूताय नमः । (१-२१-१)
१७. ॐ विश्ववेदसे नमः । (१-१२-१)
१८. ॐ अपस्तमाय नमः । (१०-११५-२)
१९. ॐ स्वेदमेवर्धमानाय नमः । (१-१-८)
२०. ॐ अर्हते नमः । (१-९४-२)
२१. ॐ तनूकृते नमः । (१-३१-१)
२२. ॐ मृळयत्तमाय नमः । (१-९४-१४)
२३. ॐ क्षेमाय नमः । (१०-२०-६)
२४. ॐ गुहाचरते नमः । (३-१-१)
२५. ॐ पृथिव्या नाभये नमः । (१-५९-२)
२६. ॐ सप्तमानुषाय नमः । (८-३९-८)
२७. ॐ अद्रेः सूनवे नमः । (१०-२०-७)
२८. ॐ नराशंसाय नमः । (१-१३-३)
२९. ॐ बर्हिषे नमः । (१-१३-५)
३०. ॐ स्वर्णराय नमः । (६-१५-४)
३१. ॐ ईळिताय नमः । (१-१३९-७)
३२. ॐ पावकाय नमः । (१-२२-१०)
३३. ॐ क्षामारेरिहते नमः । (१०-४५-४)
३४. ॐ घृतपृष्ठाय नमः । (५-४-३)
३५. ॐ वनस्पतये नमः । (१-१३-११)
३६. ॐ सुजिह्वाय नमः । (१-१०-८)
३७. ॐ यज्ञन्ये नमः । (१-१५-१२)
३८. ॐ उक्षते नमः । (१-१२२-४)
३९. ॐ सत्यमन्मने नमः । (१-७३-२)
४०. ॐ सुमद्रथाय नमः । (८-५६-५)
४१. ॐ समुद्राय नमः । (४-५८-१)
४२. ॐ सुत्यजाय नमः । (८-६०-१६)
४३. ॐ मित्राय नमः । (३-५-३)
४४. ॐ मियेध्याय नमः । (१-२६-१)
४५. ॐ नृमणे नमः । (१०-४५-१)
४६. ॐ अर्यम्णे नमः । (५-३-२)
४७. ॐ पूव्ययि नमः । (१-२६-५)
४८. ॐ चित्ररथाय नमः । (१०-१-५)
४९. ॐ स्पार्हाय नमः । (४-१-१२)
५०. ॐ सुप्रथसे नमः । (२-२-१)
५१. ॐ सहसोयह्णे नमः । (१-२६-१०)
५२. ॐ यज्वने नमः । (३-१४-१)
५३. ॐ रजसा विमानाय नमः । (३-२६-७)
५४. ॐ रक्षोघ्ने नमः । (४-४-१)
५५. ॐ अथर्यवे नमः । (७-१-१)
५६. ॐ अध्रिगवे नमः । (३-२१-४)
५७. ॐ सहन्त्याय नमः । (१-२७-८)
५८. ॐ यज्ञियाय नमः । (३-१-२१)
५९. ॐ धूमकेतवे नमः । (१-२७-११)
६०. ॐ वाजाय नमः । (२-१-१२)
६१. ॐ अङ्गिरस्तमाय नमः । (१-३१-२)
६२. ॐ पुरुचंद्राय नमः । (१-२७-११)
६३. ॐ वपुषे नमः । (१-१४१-२)
६४. ॐ रेवते नमः । (३-२३-२)
६५. ॐ अनिमानाय नमः । (१-२७-११)
६६. ॐ विचर्षणये नमः । (१-३१-६)
६७. ॐ द्विमात्रे नमः । (१-३१-२)
६८. ॐ मेधिराय नमः । (११-३१-२)
६९. ॐ देवानां देवाय नमः । (१-३१-१)
७०. ॐ शंतमाय नमः । (१-१२८-७)
७१. ॐ वसवे नमः । (१-३१-३)
७२. ॐ चोदिष्ठाय नमः । (८-१०२-३)
७३. ॐ वृषभाय नमः । (१-३१-५)
७४. ॐ चारवे नमः । (१-१४-१३)
७५. ॐ पुरोगे नमः । (१०-१२४-१)
७६. ॐ पुष्टिवर्धनाय नमः । (१-३१-५)
७७. ॐ रायोधर्त्रे नमः । (५-१५-१)
७८. ॐ मन्द्रजिह्वाय नमः । (४-११-५)
७९. ॐ कल्याणाय नमः । (१-३१-९)
८०. ॐ वसुवित्तमाय नमः । (१-४५-७)
८१. ॐ जामये नमः । (१-७५-४)
८२. ॐ पूष्णे नमः । (२-१-६)
८३. ॐ वावशानाय नमः । (१०-५-५)
८४. ॐ व्रतपे नमः । (१-३१-१०)
८५. ॐ अस्तृताय नमः । (६-१६-२०)
८६. ॐ अन्तराय नमः । (१०-५३-१)
८७. ॐ सम्मिश्लाय नमः । (१०-६-४)
८८. ॐ अंगिरसां ज्येष्ठाय नमः । (१-१२७-२)
८९. ॐ गवां त्रात्रे नमः । (१-३१-१२)
९०. ॐ महिव्रताय नमः । (१-४५-३)
९१. ॐ विशांदूताय नमः । (१-३६-५)
९२. ॐ तपुर्मूर्ध्ने नमः । (७-३-१)
९३. ॐ स्वध्वराय नमः । (१-१२७-१)
९४. ॐ देववीतमाय नमः । (१-३६-९)
९५. ॐ प्रत्नाय नमः । (३-९-८)
९६. ॐ धनस्पृते नमः । (१-३६-१०)
९७. ॐ अवित्रे नमः । (३-१९-५)
९८. ॐ तपुर्जंभाय नमः । (१-५८-५)
९९. ॐ महागयाय नमः । (१-६६-२०)
१००. ॐ अरुषाय नमः । (३-७-५)
१०१. ॐ अतिथये नमः । (१-४४-४)
१०२. ॐ अस्यद्मसद्वने नमः । (६-४-४)
१०३. ॐ दक्षपतये नमः । (१-९५-६)
१०४. ॐ सहाय नमः । (१-३६-१८)
१०५. ॐ तुविष्मते नमः । (४-५-३)
१०६. ॐ शवसासूनवे नमः । (१-२७-२)
१०७. ॐ स्वधान्वे नमः । (१-१४४-७)
१०८. ॐ ज्योतिषे नमः । (४-१०-३)
१०९. ॐ अप्सुजे नमः । (८-४३-२८)
११०. ॐ अध्वराणां रथ्ये नमः । (१-४४-२)
१११. ॐ श्रेष्ठाय नमः । (१-४४-४)
११२. ॐ स्वाहुताय नमः । (१-४४-४)
११३. ॐ वातचोदिताय नमः । (१-५८-५)
११४. ॐ धर्णसये नमः । (५-८-४)
११५. ॐ भोजनाय नमः । (१-४४-५)
११६. ॐ त्रात्रे नमः । (१-४४-५)
११७. ॐ मधुजिह्वाय नमः । (१-४४-६)
११८. ॐ मनुर्हिताय नमः । (८-१९-२१)
११९. ॐ नमस्याय नमः । (१-७२-५)
१२०. ॐ ऋग्मियाय नमः । (४-२३-३)
१२१. ॐ जीराय नमः । (१-४४-४)
१२२. ॐ प्रचेतसे नमः । (१-४४-११)
१२३. ॐ प्रभवे नमः । (८-४३-२१)
१२४. ॐ आश्रिताय नमः । (४-७-६)
१२५. ॐ रोहिदश्वाय नमः । (४-१-८)
१२६. ॐ सुप्रणीतये नमः । (१-७३-१)
१२७. ॐ स्वराजे नमः । (१-३६-७)
१२८. ॐ गृत्साय नमः । (३-१-२)
१२९. ॐ सुदीदिताय नमः । (३-८-१)
१३०. ॐ दक्षाय नमः । (३-१४-७)
१३१. ॐ विवस्वतो दूताय नमः । (४-७-४)
१३२. ॐ बृहद्भासे नमः । (१-४५-८)
१३३. ॐ रयिवते नमः । (६-५-७)
१३४. ॐ रयये नमः । (२-१-१२)
१३५. ॐ अध्वराणां पतये नमः । (१-४४-९)
१३६. ॐ सभ्राजे नमः । (८-१९-३२)
१३७. ॐ घृष्वये नमः । (४-२-१३)
१३८. ॐ दास्वते नमः । (१-१२७-१)
१३९. ॐ विशां प्रियाय नमः । (५-१-९)
१४०. ॐ घृतस्नवे नमः । (५-२६-२)
१४१. ॐ अदितये नमः । (१-९४-१५)
१४२. ॐ स्वर्वते नमः । (१-५९-४)
१४३. ॐ श्रुत्कर्णाय नमः । (१-४४-१३)
१४४. ॐ नृतमाय नमः । (१-७७-४)
१४५. ॐ यमाय नमः । (१-६६-८)
१४६. ॐ अंगिरसे नमः । (१-३१-१७)
१४७. ॐ सहसः सूनवे नमः । (१-५८-८)
१४८. ॐ वसूनामरतये नमः । (१०-५८-७)
१४९. ॐ क्रतवे नमः । (१-६७-२)
१५०. ॐ सप्तहोत्रे नमः । (३-२१-१४)
१५१. ॐ केवलाय नमः । (१-१३-१०)
१५२. ॐ अप्याय नमः । (१-१४५-५)
१५३. ॐ विभाव्ने नमः । (१-५८-९)
१५४. ॐ मघोने नमः । (१-५८-९)
१५५. ॐ धुनये नमः । (१-७९-१)
१५६. ॐ समिधानाय नमः । (१-१४३-२)
१५७. ॐ प्रतरणाय नमः । (२-१-१२)
१५८. ॐ पृक्षाय नमः । (१-१४१-२)
१५९. ॐ तमसि तस्थुषे नमः । (६-९-७)
१६०. ॐ वैश्वानराय नमः । (१-५९-१)
१६१. ॐ दिवोमूर्ध्ने नमः । (८-४४-१६)
१६२. ॐ रोदस्योररतये नमः । (१-५९-२)
१६३. ॐ प्रियाय नमः । (१-२६-७)
१६४. ॐ यज्ञानां नाभये नमः । (६-७-२)
१६५. ॐ अत्रये नमः । (२-८-५)
१६६. ॐ सदे नमः । (८-४३-१४)
१६७. ॐ सिन्धूनाञ्जामये नमः । (१-६५-७)
१६८. ॐ आहुताय नमः । (२-८-२)
१६९. ॐ मातरिश्वने नमः । (३-२६-२)
१७०. ॐ वसुधितये नमः । (१-१२८-८)
१७१. ॐ वेधसे नमः । (१-६५-१०)
१७२. ॐ ऊर्ध्वयि नमः । (१०-७०-१)
१७३. ॐ तक्से नमः । (३-१-२)
१७४. ॐ हिताय नमः । (१-१२८-७)
१७५. ॐ अश्विने नमः । (७-१-१२)
१७६. ॐ भूर्णये नमः । (१-६६-२)
१७७. ॐ इनाय नमः । (१०-३-१)
१७८. ॐ वामाय नमः । (१०-१५२-१)
१७९. ॐ जनीनां पतये नमः । (१-६६-८)
१८०. ॐ अन्तमाय नमः । (५-२४-१)
१८१. ॐ पायवे नमः । (६-१५-८)
१८२. ॐ मर्तेषु मित्राय नमः । (१-६७-१)
१८३. ॐ अर्याय नमः । (४-१-७)
१८४. ॐ श्रुष्टये नमः । (१-६७-१)
१८५. ॐ साधवे नमः । (१-६७-२)
१८६. ॐ अहये नमः । (१-७९-१)
१८७. ॐ ऋभवे नमः । (३-५-६)
१८८. ॐ भद्राय नमः । (१-६७-२)
१८९. ॐ अपुर्याय नमः । (१-६७-१)
१९०. ॐ हव्यदातये नमः । (३-२-८)
१९१. ॐ चिकित्वते नमः । (१-६८-६)
१९२. ॐ विश्वशुचे नमः । (७-१३-१)
१९३. ॐ पृणते नमः । (१०-१२२-४)
१९४. ॐ शंसाय नमः । (४-६-११)
१९५. ॐ संज्ञातरूपाय नमः । (१-६९-९)
१९६. ॐ अपां गर्भाय नमः । (७-९-३)
१९७. ॐ तुविश्रवस्तमाय नमः । (३-११-६)
१९८. ॐ गृघ्नवे नमः । (१-७०-११)
१९९. ॐ शूराय नमः । (१-७०-११)
२००. ॐ सुचन्द्राय नमः । (१-७४-६)
२०१. ॐ अश्वाय नमः । (१०-१८८-१)
२०२. ॐ अदब्धाय नमः । (१-७६-२)
२०३. ॐ वेधस्तमाय नमः । (१-७५-२)
२०४. ॐ शिशवे नमः । (१०-१-२)
२०५. ॐ वाजश्रवसे नमः । (३-२६-५)
२०६. ॐ हर्यमाणाय नमः । (३-६-४)
२०७. ॐ ईशानाय नमः । (१-१५-११)
२०८. ॐ विश्वचर्षणये नमः । (१-२७-९)
२०९. ॐ पुरुषशस्ताय नमः । (१-७३-२)
२१०. ॐ वाध्र्यश्वाय नमः । (१०-६९-१२)
२११. ॐ अनूनवर्चसे नमः । (१०-१४६-२)
२१२. ॐ कनिक्रदते नमः । (१-१२८-३)
२१३. ॐ हरिकेशाय नमः । (३-२-१३)
२१४. ॐ रथ्ये नमः । (३-२-८)
२१५. ॐ मर्याय नमः । (१-७७-३)
२१६. ॐ स्वश्वाय नमः । (४-२-४)
२१७. ॐ राजते नमः । (१-१-८)
२१८. ॐ तुविष्वणये नमः । (१-५८-४)
२१९. ॐ तिग्मजम्भाय नमः । (१-७९-६)
२२०. ॐ सहस्राक्षाय नमः । (१-७९-१२)
२२१. ॐ तिग्मशोचिषे नमः । (१-२९-१०)
२२२. ॐ द्रुहन्तराय नमः । (१-१२५-३)
२२३. ॐ ककुदे नमः । (८-४६-२)
२२४. ॐ उक्थ्याय नमः । (१-७९-१२)
२२५. ॐ विशा गोपे नमः । (१-९४-५)
२२६. ॐ महिष्ठाय नमः । (८-१०३-८)
२२७. ॐ भारताय नमः । (२-७-१)
२२८. ॐ मृगाय नमः । (१-१४५-५)
२२९. ॐ शतात्मने नमः । (१-१४९-३)
२३०. ॐ उरुज्रयसे नमः । (१-१२७-१०)
२३१. ॐ वीराय नमः । (८-२३-१४)
२३२. ॐ चेकितानाय नमः । (३-२९-७)
२३३. ॐ धृतव्रताय नमः । (८-६४-२५)
२३४. ॐ तनूरुचे नमः । (२-१-९)
२३५. ॐ चेतनाय नमः । (२-५-१)
२३६. ॐ अपूर्व्याय नमः । (३-१३-५)
२३७. ॐ व्यध्वने नमः । (१-१४१-७)
२३८. ॐ चक्रये नमः । (३-१६-४)
२३९. ॐ धियावसवे नमः । (१-५८-९)
२४०. ॐ विश्वेषु सिन्धुषु श्रिताय नमः । (८-३९-८)
२४१. ॐ अनेहसे नमः । (३-९-१)
२४२. ॐ ज्येष्ठाय नमः । (८-७४-४)
२४३. ॐ चनोहिताय नमः । (३-११-२)
२४४. ॐ अदाभ्याय नमः । (१-३१-१०)
२४५. ॐ चुदाय नमः । (१-१४३-६)
२४६. ॐ ऋतुपे नमः । (३-२०-४)
२४७. ॐ अमृक्ताय नमः । (३-११-६)
२४८. ॐ शवसस्पतये नमः । (१-१४५-१)
२४९. ॐ गुहासते नमः । (१-१४१-३)
२५०. ॐ वीरुधां गर्भाय नमः । (२-१-१४)
२५१. ॐ सुमेधसे नमः । (३-१५-५)
२५२. ॐ शुष्मिणस्पतये नमः । (१-१४५-१)
२५३. ॐ सृप्रदानवे नमः । (१-९६-३)
२५४. ॐ कवितमाय नमः । (३-१४-१)
२५५. ॐ श्वितानाय नमः । (६-६-२)
२५६. ॐ यज्ञसाधनाय नमः । (१-१४५-३)
२५७. ॐ तुविद्युम्नाय नमः । (३-१६-३)
२५८. ॐ अरुणस्तूपाय नमः । (३-२९-३)
२५९. ॐ विश्वविदे नमः । (३-२९-७)
२६०. ॐ गौतुवित्तमाय नमः । (८-१०३-१)
२६१. ॐ श्रुष्टीवते नमः । (३-२७-२)
२६२. ॐ श्रेणिदते नमः । (१०-२०-३)
२६३. ॐ दात्रे नमः । (३-१३-३)
२६४. ॐ पृथुपाजसे नमः । (३-५-१)
२६५. ॐ सहस्कृताय नमः । (१-४५-९)
२६६. ॐ अभिश्रिये नमः । (१-९८-१)
२६७. ॐ सत्यवाचे नमः । (७-२-३)
२६८. ॐ त्वेषाय नमः । (१-६६-१६)
२६९. ॐ मात्रोः पुत्राय नमः । (३-२-२)
२७०. ॐ महिन्तमाय नमः । (१०-११४-६)
२७१. ॐ घृतयोनये नमः । (५-८-६)
२७२. ॐ दिदृक्षेयाय नमः । (३-१-१२)
२७३. ॐ विश्वदेव्याय नमः । (१-१४८-१)
२७४. ॐ हिरण्ययाय नमः । (४-५८-५)
२७५. ॐ अनुषत्याय नमः । (३-२६-१)
२७६. ॐ कृष्णजंहसे नमः । (१-१४१-७)
२७७. ॐ शतनीथाय नमः । (१०-६९-७)
२७८. ॐ अप्रतिष्कुताय नमः । (३-२३-३)
२७९. ॐ इळायास्पुत्राय नमः । (३-२९-३)
२८०. ॐ ईळेन्याय नमः । (१-६९-५)
२८१. ॐ विचेतसे नमः । (२-१०-१)
२८२. ॐ वाघतामुशिजे नमः । (३-३-८)
२८३. ॐ वीताय नमः । (४-७-६)
२८४. ॐ अर्काय नमः । (३-२६-७)
२८५. ॐ मानुषाय नमः । (१-४४-१०)
२८६. ॐ अजस्राय नमः । (१०-६-२)
२८७. ॐ विप्राय नमः । (१-१२७-१)
२८८. ॐ श्रोत्रे नमः । (३-२६-२)
२८९. ॐ उविये नमः । (२-३५-८)
२९०. ॐ वृषाय नमः । (३-२७-१४)
२९१. ॐ आयोयुवानाय नमः । (४-१-११)
२९२. ॐ आबाधाय नमः । (८-२३-३)
२९३. ॐ वीळुजम्भाय नमः । (३-८९-१३)
२९४. ॐ हरिव्रताय नमः । (३-३-५)
२९५. ॐ दिवःकेतवे नमः । (३-२-१४)
२९६. ॐ भुवोमूर्ध्ने नमः । (१०-८८-६)
२९७. ॐ सरण्यते नमः । (३-१-१९)
२९८. ॐ दुर्दभाय नमः । (४-९-२)
२९९. ॐ सुरुचे नमः । (१-१२२-१)
३००. ॐ दिव्येनशोचिषाराजते नमः । (३-२-४)
३०१. ॐ सुदीतये नमः । (३-२७-१)
३०२. ॐ इषिराय नमः । (३-२-१४)
३०३. ॐ बृहते नमः । (१-४५-८)
३०४. ॐ सुदृशीकाय नमः । (५-४-२)
३०५. ॐ विशां केतवे नमः । (१०-१५६-५)
३०६. ॐ पुरुहूताय नमः । (१-४४-७)
३०७. ॐ उपस्थसदे नमः । (१०-१५६-५)
३०८. ॐ पुरोयाव्णे नमः । (८-८४-८)
३०९. ॐ पुर्वणीकाय नमः । (६-१०-२)
३१०. ॐ अनिवृताये नमः । (३-२९-६)
३११. ॐ सत्पतये नमः । (२-१-४)
३१२. ॐ द्युमते या नमः । (२-२-६)
३१३. ॐ यज्ञस्य विदुषे नमः । (१०-५३-१)
३१४. ॐ अव्यथ्याय नमः । (२-३५-५)
३१५. ॐ दुर्वर्तवे नमः । (६-६-५)
३१६. ॐ भूर्जयते नमः । (१०-४६-६)
३१७. ॐ अपदे नमः । (४-१-१)
३१८. ॐ अमृताय नमः । (१-२६-१)
३१९. ॐ सौभगस्येशाय नमः । (३-१६-१)
३२०. ॐ स्वराज्याय नमः । (२-८-५)
३२१. ॐ देवहूतमाय नमः । (३-१३-६)
३२२. ॐ कीलालपे नमः । (१०-९१-१४)
३२३. ॐ वीतिहोत्राय नमः । (३-२४-२)
३२४. ॐ धृतनिर्णिजे नमः । (३-२७-५)
३२५. ॐ सनश्रुताय नमः । (३-११-४)
३२६. ॐ शुचिवर्णाय नमः । (५-२-३)
३२७. ॐ तुविग्रीवाय नमः । (५-२-१२)
३२८. ॐ भारत्यै नमः । (१-१४२-९)
३२९. ॐ शोचिषस्पतये नमः । (५-६-६)
३३०. ॐ सोमपृष्ठाय नमः । (८-४३-११)
३३१. ॐ हिरिश्मश्रवाय नमः । (५-७-७)
३३२. ॐ भद्रशोचिषे नमः । (५-४-७)
३३३. ॐ जुगुर्वपाये नमः । (१-१४२-८)
३३४. ॐ ऋत्विजे नमः । (१-१-१)
३३५. ॐ पूर्वेभिरृषिभिरीड्याय नमः । (१-१-२)
३३६. ॐ चित्तश्रवस्तमाया नमः । (१-१-५)
३३७. ॐ भीमाय नमः । (१-७०-११)
३३८. ॐ स्तियानां वृषभाय नमः । (७-५-२)
३३९. ॐ नूतनैरीड्याय नमः । (१-१-२)
३४०. ॐ आसुराय नमः । (३-२८-११)
३४१. ॐ स्तभूयमानाय नमः । (३-७-४)
३४२. ॐ अध्वराणां गोपे नमः । (१-१-८)
३४३. ॐ विश्पतये नमः । (१-२२-२)
३४४. ॐ अस्मयवे नमः । (६-४८-२)
३४५. ॐ ऋतस्य गोपे नमः । (१०-११८-७)
३४६. ॐ जीराश्वाय नमः । (१-१४१-१२)
३४७. ॐ जोह्हूत्राय नमः । (२-१०-१)
३४८. ॐ दम्पतये नमः । (१-१२७-८)
३४९. ॐ कवये नमः । (१-१२-६)
३५०. ॐ ऋतजाताय नमः । (१-३६-१९)
३५१. ॐ द्युक्षवचसे नमः । (६-१५-४)
३५२. ॐ जुह्वास्याय नमः । (१-१२-६)
३५३. ॐ अमीवचातनाय नमः । (१-१२-७)
३५४. ॐ सोमगोपे नमः । (१०-४५-५)
३५५. ॐ शुक्रशोचिषे नमः । (२-२-३)
३५६. ॐ घृताहवनाय नमः । (१-१२-५)
३५७. ॐ आयजये नमः । (८-२३-१७)
३५८. ॐ असन्दिताय नमः । (४-४-२)
३५९. ॐ सत्यधर्मणे नमः । (१-१२-७)
३६०. ॐ शशमानाय  १०-१४२-६
३६१. ॐ शुशुनयी नमः । (८-२३-५)
३६२. ॐ वातजूताय नमः । (१-५८-४)
३६३. ॐ विश्वरूपाय नमः । (१-१३-१०)
३६४. ॐ त्वष्ट्रे नमः । (२-१-५)
३६५. ॐ चारुतमाया नमः । (५-१-९)
३६६. ॐ महते नमः । (१-२७-११)
३६७. ॐ इळायै नमः । (१-१४२-९)
३६८. ॐ सरस्वत्यै नमः । (२-१-११)
३६९. ॐ हर्षते नमः । (१-१२७-६)
३७०. ॐ तिसृभ्यो देवीभ्यः नमः । (१-१३-९)
३७१. ॐ मयोभूभ्यः नमः । (१-१३-९)
३७२. ॐ अर्वते नमः । (६-१२-६)
३७३. ॐ सुपेशोभ्यां नमः । (१-१३-७)
३७४. ॐ दैवीभ्यां होतृभ्यां नमः । (१-१३-८)
३७५. ॐ स्वर्पतये नमः । (८-४४-१८)
३७६. ॐ सुभासे नमः । (८-२३-२०)
३७७. ॐ दैवीभ्यो द्वार्भ्यः नमः । (१-१३-६)
३७८. ॐ जराबोधाय नमः । (१-२७-१०)
३७९. ॐ हूयमानाय नमः । (१०-१२२-५)
३८०. ॐ विभावसवे नमः । (१-४४-१०)
३८१. ॐ सहसावते नमः । (१-१८६-५)
३८२. ॐ मर्मृजेन्याय नमः । (२-१०-१)
३८३. ॐ हिंस्राय नमः । (१०-८७-३)
३८४. ॐ अमृतस्य रक्षित्रे नमः । (६-७-७)
३८५. ॐ द्रविणोदसे नमः । (२-१-७)
३८६. ॐ भ्राजमानाय नमः । (९-५-१०)
३८७. ॐ धृष्णवे नमः । (३-१६-२२)
३८८. ॐ ऊर्जां पतये नमः । (१-२६-१)
३८९. ॐ पित्रे नमः । (१-३१-१०)
३९०. ॐ सदायविष्ठाय नमः । (१-२६-२)
३९१. ॐ वरुणाय नमः । (२-१-४)
३९२. ॐ वरेण्याय नमः । (१-२६-२)
३९३. ॐ भाजयवे नमः । (२-१-४)
३९४. ॐ पृथवे नमः । (२-१०-४)
३९५. ॐ वन्द्याय नमः । (१-३१-१२)
३९६. ॐ अध्वराणां सम्राजते नमः । (१-२७-१)
३९७. ॐ सुशेवाय नमः । (१-२७-२)
३९८. ॐ धियै नमः । (१-९५-८)
३९९. ॐ ऋषये नमः । (३-२१-३)
४००. ॐ शिवाय नमः । (१-३१-१)
४०१. ॐ पृथुप्रगाम्णे नमः । (१-२७-२)
४०२. ॐ विश्वायवे नमः । (१-२७-३)
४०३. ॐ मीढुषे नमः । (१-२७-२)
४०४. ॐ थन्त्रे नमः । (१०-४६-१)
४०५. ॐ शुचते नमः । (६-३-३)
४०६. ॐ सख्ये नमः । (१-३१-१)
४०७. ॐ अनवद्याय नमः । (१-३१-९)
४०८. ॐ पप्रथानाय नमः । (५-१५-४)
४०९. ॐ स्तवमानाय नमः । (१-१४७-५)
४१०. ॐ विभवे नमः । (१-३१-२)
४११. ॐ रायवे नमः । (१-३१-२)
४१२. ॐ श्वैत्रेयाय नमः । (५-१९-३)
४१३. ॐ प्रथमाय नमः । (१-३१-२)
४१४. ॐ द्युसाय नमः । (२-२-१)
४१५. ॐ बृहदुक्ष्णे नमः । (१०-६९-७)
४१६. ॐ सुकृत्तराय नमः । (१-३१-४)
४१७. ॐ वयस्कृते नमः । (१०-७-७)
४१८. ॐ अग्निदे नमः । (२-१-२)
४१९. ॐ तोकस्यत्रात्रे नमः । (१-३१-१२)
४२०. ॐ प्रीताय नमः । (१-६६-४)
४२१. ॐ विदुष्टराय नमः । (४-७-८)
४२२. ॐ तिग्माग्नीकाय नमः । (१-९५-२)
४२३. ॐ होत्रवाहाय नमः । (५-२६-७)
४२४. ॐ विगाहाय नमः । (२-३-५)
४२५. ॐ स्वतवते नमः । (४-२-६)
४२६. ॐ भृमये नमः । (१-३१-१६)
४२७. ॐ जुजुषाणाय नमः । (१०-१५०-२)
४२८. ॐ सप्तरश्मये नमः । (१-१४६-१)
४२९. ॐ ऋषिकृते नमः । (१-३१-१६)
४३०. ॐ तुर्वणये नमः । (१-१२८-३)
४३१. ॐ शुचये नमः । (१-३१-१७)
४३२. ॐ भूरिजन्मने नमः । (१०-५-१)
४३३. ॐ समनगे नमः । (७-९-४)
४३४. ॐ प्रशस्ताय नमः । (१-३६-९)
४३५. ॐ विश्वतस्पृथवे नमः । (२-१-१२)
४३६. ॐ वाजस्य राज्ञे नमः । (१-३६-१२)
४३७. ॐ श्रुत्यस्य राज्ञे नमः । (१-३६-१२)
४३८. ॐ विश्वभरसे नमः । (४-१-१९)
४३९. ॐ वृष्णे नमः । (१-३६-८)
४४०. ॐ सत्यतातये नमः । (४-४-१४)
४४१. ॐ जातवेदसे नमः । (१-४४-१)
४४२. ॐ त्वाष्ट्राय नमः । (३-७-४)
४४३. ॐ अमर्त्याय नमः । (१-४४-१)
४४४. ॐ वसुश्रवसे नमः । (५-२४-२)
४४५. ॐ सत्यशुष्माय नमः । (१-५९-४)
४४६. ॐ भाऋजीकाय नमः । (१-४४-३)
४४७. ॐ अध्वश्रिये नमः । (१-४४-३)
४४८. ॐ सप्रथस्तमाय नमः । (१-४५-७)
४४९. ॐ पुरुरूपाय नमः । (५-८२-५)
४५०. ॐ बृहद्भानवे नमः । (१-२७-१२ ।)
४५१. ॐ विश्वदेवाय नमः । (१-१४१-१२)
४५२. ॐ मरुत्सखाय नमः । (८-१०३-१४)
४५३. ॐ रुशदूर्मये नमः । (१-५८-४)
४५४. ॐ जेहमानाय नमः । (१०-३-६)
४५५. ॐ भृगवते नमः । (४-७-४)
४५६. ॐ वृत्रघ्ने नमः । (२-१-११)
४५७. ॐ क्षयाय नमः । (३-२-१३)
४५८. ॐ वामस्यरातये नमः । (१०-१४०-५)
४५९. ॐ कृष्टीनां राज्ञे नमः । (१-५९-५)
४६०. ॐ रुद्राय नमः । (८-७२-३)
४६१. ॐ शचीवसवे नमः । (८-६०-१२)
४६२. ॐ दक्षैः सुदक्षाय नमः । (१०-१९-३)
४६३. ॐ इन्धानाय नमः । (१-१४३-७)
४६४. ॐ विश्वकृष्टये नमः । (१-५९-७)
४६५. ॐ बृहस्पतये नमः । (३-२६-२)
४६६. ॐ अपांसधस्थाय नमः । (१०-४६-२)
४६७. ॐ वसुविदे नमः । (८-२३-१६)
४६८. ॐ रण्वाय नमः । (१-६५-५)
४६९. ॐ भुज्मने नमः । (१-६६-५)
४७०. ॐ विशांपतये नमः । (१-१२७-८)
४७१. ॐ सहस्रवल्शाय नमः । (९-५-१०)
४७२. ॐ धरुणाय नमः । (५-१५-१)
४७३. ॐ वह्वसे नमः । (१-६०-१)
४७४. ॐ शम्भवे नमः । (१-६५-५)
४७५. ॐ सहन्तमाय नमः । (१-१२७-९)
४७६. ॐ अच्छिद्रोतये नमः । (१-१४५-३)
४७७. ॐ चित्रशीचिषे नमः । (५-१७-२)
४७८. ॐ हृषीवते नमः । (१-१२७-६)
४७९. ॐ विशामतिथये नमः । (३-२६-२)
४८०. ॐ दुर्धरीतवे नमः । (१०-२०-२)
४८१. ॐ सपर्येण्याय नमः । (६-१-६)
४८२. ॐ वेदिषदे नमः । (१-१४०-१)
४८३. ॐ चित्राय नमः । (१-९४-५)
४८४. ॐ आतनये नमः । (२-१-१०)
४८५. ॐ दैव्यः केतवे नमः । (१-२७-१२)
४८६. ॐ तिग्महेतये नमः । (४-४-४)
४८७. ॐ कनीनाञ्जारय नमः । (१-६६-८)
४८८. ॐ आनवाय नमः । (८-७४-४)
४८९. ॐ ऊर्जाहुतये नमः । (८-३९-४)
४९०. ॐ ऋताय नमः । (१-६५-३)
४९१. ॐ चेत्याव नमः । (६-१-५)
४९२. ॐ प्रजानते नमः । (३-२९-१८)
४९३. ॐ सर्पिरासुतये नमः । (२-७-६)
४९४. ॐ गुहाचतते नमः । (१-६५-१)
४९५. ॐ चित्रमहसे नमः । (१०-१२२-१)
४९६. ॐ द्व्रन्नाय नमः । (६-१२-४)
४९७. ॐ सूराय नमः । (८-५६-५)
४९८. ॐ नितोशनाय नमः । (६-१-८)
४९९. ॐ क्रत्वा चेतिष्ठाय नमः । (१-६५-९)
५००. ॐ ऋतचिदे नमः । (१-१४५-५)
५०१. ॐ त्रिवरूथाय नमः । (६-१५-९)
५०२. ॐ सहस्रजिते नमः । (५-२६-६)
५०३. ॐ संदृशे नमः । (१-६६-१)
५०४. ॐ जूर्णये नमः । (८-७२-९)
५०५. ॐ क्षोदसे नमः । (१-६५-६)
५०६. ॐ आयवे नमः । (१०-२०-७)
५०७. ॐ उषर्बुधे नमः । (१-६५-९)
५०८. ॐ वाजसातमाय नमः । (१-७८-३)
५०९. ॐ नित्याय नमः । (१-६६-१)
५१०. ॐ सूनवे नमः । (६-४-४)
५११. ॐ जन्याय नमः । (१०-९१-२)
५१२. ॐ ऋतप्रजाताय नमः । (१-६५-१०)
५१३. ॐ वृत्रहन्तमाय नमः । (१-७८-४)
५१४. ॐ वर्षिष्ठाय नमः । (५-७-१)
५१५. ॐ स्पृहयद्वर्णाय नमः । (२-११-५)
५१६. ॐ घृणये नमः । (६-१६-३८)
५१७. ॐ जाताय नमः । (१-६६-८)
५१८. ॐ यरास्तमाय नमः । (२-८-१)
५१९. ॐ वनेषु जायवे नमः । (१-६७-१)
५२०. ॐ पुत्रः सन्पित्रे नमः । (१-६९-२)
५२१. ॐ शुक्राय नमः । (१-६९-२)
५२२. ॐ दुरोणयवे नमः । (८-६०-१९)
५२३. ॐ आशहेमाय नमः । (२-३५-१)
५२४. ॐ क्षयते नमः । (३-२५-३)
५२५. ॐ घोराय नमः । (४-६-६)
५२६. ॐ देवावां केतेवे नमः । (३-१-१७)
५२७. ॐ अह्नवाय नमः । (८-६०-१६)
५२८. ॐ दुरोकशोचिषे नमः । (१-६६-५)
५२९. ॐ पलिताय नमः । (१०-४-५)
५३०. ॐ सुवर्चसे नमः । (१-१५-१)
५३१. ॐ बहुलाय नमः । (२-१-१२)
५३२. ॐ अभ्दुताय नमः । (२-७-६?)
५३३. ॐ रपीणां राज्ञे नमः । (८-१९-८)
५३४. ॐ निषत्ताय नमः । (१-५८-३)
५३५. ॐ धूर्षदे नमः । (१-४३-७)
५३६. ॐ रूक्षाय नमः । (६-३-७)
५३७. ॐ ध्रुवाय नमः । (६-१५-७)
५३८. ॐ हरये नमः । (७-१०-१)
५३९. ॐ धर्माय नमः । (३-१७-१)
५४०. ॐ द्विजन्मने नमः । (१-६०-१)
५४१. ॐ सुतुकाय नमः । (१०-३-१)
५४२. ॐ शुशुक्वते नमः । (१-६९-१)
५४३. ॐ जाराय नमः । (१-६९-१)
५४४. ॐ उक्षिताय नमः । (१-३६-१९)
५४५. ॐ नाद्याय नमः । (२-६५-१)
५४६. ॐ सिष्णवे नमः । (८-१९-३१)
५४७. ॐ दधये नमः । (१०-४६-१)
५४८. ॐ सिंहाय नमः । (१-९५-५)
५४९. ॐ ऊर्ध्वरोचिषे नमः । (६-१५-२)
५५०. ॐ अनानताय नमः । (७-६-४)
५५१. ॐ शेवाय नमः । (१-५८-६)
५५२. ॐ पितूनांस्वाद्मने नमः । (१-६९-३)
५५३. ॐ आहावाय नमः । (६-७-२)
५५४. ॐ अप्सुसिंह इवश्रिताय नमः । (३-९-४)
५५५. ॐ वनानां गर्भाय नमः । (१-७०-३)
५५६. ॐ चरथां गर्भाय नमः । (१-७०-३)
५५७. ॐ यज्ञाय नमः । (७-१६-२)
५५८. ॐ पुरूवसवे नमः । (२-१-५)
५५९. ॐ क्षपावते नमः । (१-७०-५)
५६०. ॐ नृपतये नमः । (२-१-७)
५६१. ॐ मेध्याय नमः । (५-१-१२)
५६२. ॐ विश्वस्मै नमः । (१-१२८-६)
५६३. ॐ श्वेताय नमः । (३-१-४)
५६४. ॐ अपरीवृताय नमः । (२-१०-३)
५६५. ॐ स्थातां गर्भाय नमः । (१-७०-३)
५६६. ॐ शुक्रवर्चसे नमः । (१०-१४०-२)
५६७. ॐ परमे पदे तस्थुषे नमः । (१-७२-४)
५६८. ॐ देवानां मतींश्च जन्मविदुषे नमः । (१-७०-६)
५६९. ॐ श्येताय नमः । (१-७१-४)
५७०. ॐ शुचिव्रताय नमः । (८-४३-१६)
५७१. ॐ ऋतप्रवीताय नमः । (१-७०-७)
५७२. ॐ सुब्रह्मणे नमः । (७-१६-२)
५७३. ॐ सवित्रे नमः । (४-१३-२)
५७४. ॐ चित्तये नमः । (१-६७-१०)
५७५. ॐ अप्सुषदे नमः । (३-३-४)
५७६. ॐ चन्द्राय नमः । (५-१०-४)
५७७. ॐ पुराय नमः । (१०-८७-२२)
५७८. ॐ तूर्णितमाय नमः । (४-४-३)
५७९. ॐ स्पन्द्राय नमः । (६-१२-५आ)
५८०. ॐ देवेषु जागृवये नमः । (१-३१-९)
५८१. ॐ पुरएत्रे नमः । (१-७६-२)
५८२. ॐ सत्यतराय नमः । (१-७६-५)
५८३. ॐ ऋताव्ने नमः । (१-७७-१)
५८४. ॐ देववाहनाय नमः । (३-१७-१४)
५८५. ॐ अतन्द्राय नमः । (१-६२-६)
५८६. ॐ इन्द्राय नमः । (२-१-३)
५८७. ॐ ऋतुविदे नमः । (१०-२-५)
५८८. ॐ शोचिष्ठाय नमः । (५-२४-४)
५८९. ॐ शुचिदत्ते नमः । (५-७-७)
५९०. ॐ शिताय नमः । (८-२३-१३)
५९१. ॐ हिरण्यकेशाय नमः । (१-७९-१)
५९२. ॐ सुप्रीताय नमः । (६-१५-२)
५९३. ॐ वसूनां जनित्रे नमः । (१-७६-४)
५९४. ॐ असुराय नमः । (४-२-५)
५९५. ॐ ऋभ्वने नमः । (१०-२०-५)
५९६. ॐ सुशर्मणे नमः । (३-१५-१)
५९७. ॐ देवाव्ये नमः । (३-२९-८)
५९८. ॐ दाशुषे रत्नानि दधते नमः । (४-१५-३)
५९९. ॐ पूर्वय नमः । (७-६-३)
६००. ॐ दधृपो नमः । (१०-१६-७)
६०१. ॐ दिवस्पायवे नमः । (८-६०-१९)
६०२. ॐ पोत्रे नमः । (१-९४-६)
६०३. ॐ धीराय नमः । (१-९४-६)
६०४. ॐ सहस्रसासे नमः । (१-१८८-३)
६०५. ॐ सुमृळीकाय नमः । (४-१-२०)
६०६. ॐ देवकामाय नमः । (२-३-९)
६०७. ॐ नवजाताय नमः । (५-१५-३)
६०८. ॐ धनञ्जयाय नमः । (१-७४-३)
६०९. ॐ शश्वत्तमाय नमः । (१०-७०-३)
६१०. ॐ नीलपृष्ठाय नमः । (३-७-३)
६११. ॐ ऋष्वाय नमः । (१-१४६-२)
६१२. ॐ मन्द्रतराय नमः । (३-७-९)
६१३. ॐ अग्रियाय नमः । (६-१६-४८)
६१४. ॐ स्वर्चिषे नमः । (२-३-२)
६१५. ॐ अंशाय नमः । (२-१-४)
६१६. ॐ दारबे  ७-६-१
६१७. ॐ अस्रिधे नमः । (१-१३-९)
६१८. ॐ शितिपृष्ठाय नमः । (३-७-१)
६१९. ॐ नमोवरते नमः । (१-६५-१)
६२०. ॐ प्रविदुषे नमः । (५-२६-१)
६२१. ॐ तरुणाय नमः । (७-४-२)
६२२. ॐ चर्षणीनां सभ्राजे नमः । (३-१०-१)
६२३. ॐ विचक्षणाय नमः । (३-३-१०)
६२४. ॐ स्वंगाय नमः । (१०-१-१)
६२५. ॐ सुवीराय नमः । (१-३१-१०)
६२६. ॐ कृष्णाध्वने नमः । (२-४-६)
६२७. ॐ सुप्रतूर्तये नमः । (३-९-१)
६२८. ॐ इळाय नमः । (१-१३-४)
६२९. ॐ मह्यै नमः । (१-१४२-६)
६३०. ॐ यविष्ठ्याय नमः । (१-३६-६)
६३१. ॐ दक्षुषे नमः । (१-१४१-७)
६३२. ॐ अवृकाय नमः । (६-१५-३)
६३३. ॐ वाशीमते नमः । (१०-२०-६)
६३४. ॐ अवनाय नमः । (८-७२-१०)
६३५. ॐ घृताय नमः । (४-५८-१)
६३६. ॐ ईवते नमः । (४-१५-५)
६३७. ॐ अस्त्रे नमः । (४-४-१)
६३८. ॐ विश्ववाराय नमः । (३-१७-१)
६३९. ॐ चित्रभानवे नमः । (१-२७-६)
६४०. ॐ अपांनपदे नमः । (१-१४३-१)
६४१. ॐ नृचक्षसे नमः । (३-१५-३)
६४२. ॐ ऊर्जयते नमः । (२-३५-७)
६४३. ॐ शीरीया नमः । (३-९-८)
६४४. ॐ सहोजसे नमः । (१-५८-१)
६४५. ॐ अद्भुतक्रतवे नमः । (८-२३-८)
६४६. ॐ बहूनामवमाय नमः । (२-३५-१२)
६४७. ॐ अभिद्यवे नमः । (८-७५-६)
६४८. ॐ भानवे नमः । (३-२२-२)
६४९. ॐ मित्रमहाय नमः । (१-४४-१२)
६५०. ॐ भगाय नमः । (२-१-७)
६५१. ॐ वृश्चद्वनाय नमः । (६-६-१)
६५२. ॐ रोरुचानाय नमः । (४-१-७)
६५३. ॐ पृथिव्याः पतये नमः । (८-४४-१६)
६५४. ॐ आघृणाय नमः । (२-१-७)
६५५. ॐ दिवः सूनवे नमः । (३-२५-१)
६५६. ॐ दस्मवर्चसे नमः । (६-१३-२)
६५७. ॐ यन्तुराय नमः । (३-२७-११)
६५८. ॐ दुष्टराय नमः । (३-२४-१)
६५९. ॐ जयते नमः । (१०-४६-५)
६६०. ॐ स्वर्विदे नमः । (३-३-५)
६६१. ॐ गणश्रिये नमः । (८-२३-४)
६६२. ॐ रथिराय नमः । (७-७-४)
६६३. ॐ नाकाय नमः । (५-१७-२)
६६४. ॐ शुभ्राय नमः । (१०-४६-५)
६६५. ॐ अप्तुराया नमः । (३-२७-११)
६६६. ॐ ससाय नमः । (३-५-६)
६६७. ॐ हिरिशिप्राय नमः । (२-२-५)
६६८. ॐ विश्वमिन्वाय नमः । (३-२०-३)
६६९. ॐ भृगूणां रातये नमः । (३-२-४)
६७०. ॐ अद्वयते नमः । (३-२९-५)
६७१. ॐ सुहोत्रे नमः । (८-१०३-१२)
६७२. ॐ सुरणाय नमः । (३-२९-१४)
६७३. ॐ सुदिवे नमः । (१०-३-५)
६७४. ॐ मन्धात्रे नमः । (१०-२-२)
६७५. ॐ स्ववसाय नमः । (५-८-२)
६७६. ॐ पुंसे नमः । (४-३-१०)
६७७. ॐ अश्वदान्वे नमः । (५-१८-३)
६७८. ॐ श्रेष्ठशोचिष नमः । (८-१९-४)
६७९. ॐ यजीयसे नमः । (२-९-४)
६८०. ॐ हयताय नमः । (८-४४-५)
६८१. ॐ अर्णवाय नमः । (३-२२-२)
६८२. ॐ सुप्रतीकाय नमः । (१-१४३-३)
६८३. ॐ चित्रयामाय नमः । (३-२-१३)
६८४. ॐ स्वभिष्टये नमः । (८-१९-३२)
६८५. ॐ चक्षणये नमः । (६-४-२)
६८६. ॐ रुशते नमः । (४-७-९)
६८७. ॐ बृहत्सूराय नमः । (८-५०-५)
६८८. ॐ पृष्ठबन्धवे नमः । (३-२०-३)
६८९. ॐ शचीवते नमः । (३-२१-४)
६९०. ॐ संयताय नमः । (२-२-२)
६९१. ॐ चिकिदे नमः । (१०-३-१)
६९२. ॐ विशामीड्याय नमः । (८-२३-२०)
६९३. ॐ अहिंस्यमानाय नमः । (१-१४१-५)
६९४. ॐ वयोधसे नमः । (१-७३-१)
६९५. ॐ गिर्वणसे नमः । (२-६-२)
६९६. ॐ तपुषे नमः । (२-४-६)
६९७. ॐ वशान्नाय नमः । (८-४३-११)
६९८. ॐ उग्राय नमः । (१-१२७-११)
६९९. ॐ अद्वयाविने नमः । (३-२-१५)
७००. ॐ त्रिधातवे नमः । (८-२२-९)
७०१. ॐ तरणये नमः । (३-२९-१३)
७०२. ॐ स्वयवे नमः । (२-४-७)
७०३. ॐ त्रययाय्याय नमः । (६-२-७)
७०४. ॐ चर्षणीनां होत्रे नमः । (१-२७-२)
७०५. ॐ वीळवे नमः । (८-४४-२७)
७०६. ॐ प्रजापतये नमः । (९-५-९)
७०७. ॐ गुहमानाय नमः । (४-१-११)
७०८. ॐ निर्मथिताय नमः । (३-२३-१)
७०९. ॐ सुदानवे नमः । (३-२९-७)
७१०. ॐ इषिताय नमः । (१०-११०-३)
७११. ॐ यजते नमः । (५-८-१)
७१२. ॐ मेधाकाराय नमः । (१०-९१-८)
७१३. ॐ विप्रवीराय नमः । (१०-१८८-२)
७१४. ॐ क्षितीनां वृषभाय नमः । (१०-१८७-१)
७१५. ॐ अरतये नमः । (१-१२८-६)
७१६. ॐ वाजिन्तमाय नमः । (१०-११५-६)
७१७. ॐ कण्वतमाय नमः । (१०-११५-५)
७१८. ॐ जरित्रे नमः । (३-१५-५)
७१९. ॐ मित्रियाय नमः । (८-१९-४)
७२०. ॐ अजराय नमः । (१-५८-२)
७२१. ॐ रायस्पतये नमः । (१-१४९-१)
७२२. ॐ कूचिदर्थिने नमः । (४-७-६)
७२३. ॐ कृष्णयामाय नमः । (६-६-१)
७२४. ॐ दिविक्षयाय नमः । (३-२-१३)
७२५. ॐ घृतप्रतीकाय नमः । (१-१४३-७)
७२६. ॐ चेतिष्ठाय नमः । (१-६५-९)
७२७. ॐ पुरुक्षवे नमः । (१-६८-१०)
७२८. ॐ सत्वनाय नमः । (१०-११५-४)
७२९. ॐ अक्षिताय नमः । (८-१२-१०)
७३०. ॐ नित्यहोत्रे नमः । (१०-७-४)
७३१. ॐ पूतदक्षाय नमः । (३-१-३)
७३२. ॐ ककुद्मते नमः । (१०-८-२)
७३३. ॐ क्रव्यवाहनाय नमः । (१०-१६-११)
७३४. ॐ दिधिषाय्याय नमः । (१-७३-२)
७३५. ॐ दिद्युतानाय नमः । (३-२-४)
७३६. ॐ सुद्योत्मने नमः । (१-१४१-१२)
७३७. ॐ दस्युहंतमाय नमः । (६-१६-१५)
७३८. ॐ पुरुवाराय नमः । (२-२-२)
७३९. ॐ पुरुतमाय नमः । (६-६-२)
७४०. ॐ जर्हृषाणाय नमः । (१०-१६-७)
७४१. ॐ पुरोहिताय नमः । (१-१-१)
७४२. ॐ शुचिजिह्वाय नमः । (२-९-१)
७४३. ॐ जर्भुराणाय नमः । (२-१०-५)
७४४. ॐ रेजमानाय नमः । (१०-६-५)
७४५. ॐ तनूनपदे नमः । (३-२९-११)
७४६. ॐ आदितेयाय नमः । (१०-८८-११)
७४७. ॐ देवतमाय नमः । (१०-३-६)
७४८. ॐ दीर्घतन्तवे नमः । (१०-६९-७)
७४९. ॐ पुरन्दराय नमः । (६-१६-१४)
७५०. ॐ दिवियोनये  १०-८८-७
७५१. ॐ दर्शतश्रिये नमः । (१०-९१-२)
७५२. ॐ जरमाणाय नमः । (१०-१८८-५)
७५३. ॐ पुरुप्रियाय नमः । (१-१२-२)
७५४. ॐ ज्रयसानाय नमः । (१०-११५-४)
७५५. ॐ पुरुप्रैषाय नमः । (१-१४७-३६)
७५६. ॐ विश्वतूर्तये नमः । (२-३-८)
७५७. ॐ पितुष्पित्रे नमः । (६-१६-३५)
७९८. ॐ सहसानाय नमः । (१-१८९-८)
७५९. ॐ सञ्चिकितुषे नमः । (४-७-८)
७६०. ॐ दैवोदासाय नमः । (८-१०३-२)
७६१. ॐ सहोवृधाय नमः । (१-३६-२)
७६२. ॐ शोचिष्केशाय  १-४५-६
७६३. ॐ धृषाद्वर्णाय नमः । (१०-८७-२२)
७६४. ॐ सुजाताय नमः । (२-१-१५)
७६५. ॐ पुरुचेतनाय नमः । (६-१६-१९)
७६६. ॐ विश्वश्रुष्टये नमः । (१-१२८-१)
७६७. ॐ विश्ववार्याय नमः । (८-११-११)
७६८. ॐ आयजिष्ठाय नमः । (२-९-६)
७६९. ॐ सदानवाय नमः । (३-११-९)
७७०. ॐ दैवीनां क्षितीनां नेत्रे नमः । (३-२०-४)
७७१. ॐ विश्वादाय नमः । (८-४४-२६)
७७२. ॐ पुरुशोभनाय नमः । (५-२-४)
७७३. ॐ यज्ञवन्यवे नमः । (४-१-९)
७७४. ॐ वह्नितमाय नमः । (४-१-४)
७७५. ॐ रंसुजिह्वाय नमः । (४-१-८)
७७६. ॐ गुहाहिताय नमः । (४-७-६)
७७७. ॐ त्रिषधस्थाय नमः । (५-४-८)
७७८. ॐ विश्वधायसे नमः । (१-७३-३)
७७९. ॐ होत्राविदे नमः । (५-८-३)
७८०. ॐ विश्वदर्शताय नमः । (१-४४-१०)
७८१. ॐ चित्रराधसे नमः । (८-११-९)
७८२. ॐ सूनृतावते नमः । (१-५९-७)
७८३. ॐ सद्योजाताय नमः । (१०-११०-११)
७८४. ॐ परिष्कृताय नमः । (८-३९-९)
७८५. ॐ चित्रक्षत्राय नमः । (६-६-७)
७८६. ॐ वृद्धशोचिषे नमः । (५-१६-३)
७८७. ॐ वनिष्ठाय नमः । (७-१०-२)
७८८. ॐ ब्रह्मणस्पत्ये नमः । (२-१-३?)
७८९. ॐ वभ्रये नमः । (३-१-१२)
७९०. ॐ परस्पे नमः । (२-९-२)
७९१. ॐ उषसामिधानाय नमः । (१०-४५-५)
७९२. ॐ सासहये नमः । (३-१६-४)
७९३. ॐ सदृशे नमः । (८-११-८)
७९४. ॐ वाजिने नमः । (२-१०-१)
७९५. ॐ प्रशंस्याय नमः । (२-२-३)
७९६. ॐ मधुपृचे नमः । (२-१०-६)
७९७. ॐ चिकित्राय नमः । (१०-९१-४)
७९८. ॐ नक्ष्याय नमः । (७-१५-७)
७९९. ॐ सुदक्षाय नमः । (२-९-१)
८००. ॐ अदृपिताय नमः । (४-३-३)
८०१. ॐ वसिष्ठाय नमः । (२-९-१)
८०२. ॐ दिव्याय नमः । (६-६-१)
८०३. ॐ जुषाणाय नमः । (१०-१२२-२)
८०४. ॐ रघुयते नमः । (४-५-९)
८०५. ॐ प्रयज्यवे नमः । (३-६-२)
८०६. ॐ दुर्याय नमः । (७-१-११)
८०७. ॐ सुराघसे नमः । (४-२-४)
८०८. ॐ प्रयताय नमः । (४-५-१०)
८०९. ॐ अप्रमृष्याय नमः । (२-३५-६)
८१०. ॐ वातोपधूताय नमः । (१०-९१-७)
८११. ॐ महिनादृशेन्याय नमः । (१०-८८-७)
८१२. ॐ श्रीणामुदाराय नमः । (१०-४५-५)
८१३. ॐ रयीणां धरुणाय नमः । (१०-४५-५)
८१४. ॐ दीद्यते नमः । (१-४३-७)
८१५. ॐ रुरुक्वते नमः । (१-१४९-३)
८१६. ॐ द्रविणस्यवे नमः । (२-६-३)
८१७. ॐ अत्याय नमः । (३-७-९)
८१८. ॐ श्रियंवसानाय नमः । (२-१०-१)
८१९. ॐ प्रवपते नमः । (१०-११५-३)
८२०. ॐ यजिष्ठाय नमः । (१-३६-१०)
८२१. ॐ वस्याय नमः । (१-१४१-१२)
८२२. ॐ विदानाय नमः । (२-९-१)
८२३. ॐ दिविजे नमः । (८-४३-२८)
८२४. ॐ पनिष्ठाय नमः । (३-१-१३)
८२५. ॐ दम्याय नमः । (८-२३-२४)
८२६. ॐ परिज्मने नमः । (६-२-८)
८२७. ॐ सुहवाय नमः । (३-१५-१)
८२८. ॐ विरूपाय नमः । (३-१-१३)
८२९. ॐ जनानां जामये नमः । (१-७५-४)
८३०. ॐ विषिताय नमः । (६-१२-५)
८३१. ॐ वपुष्याय नमः । (४-१-८)
८३२. ॐ शुक्तेभिरंगैरज आततन्वते नमः । (३-१-५)
८३३. ॐ अद्रुहे नमः । (३-२२-४)
८३४. ॐ वरूथ्याय नमः । (५-२४-१)
८३५. ॐ सुद्रशीकरूपाय नमः । (४-५-१५)
८३६. ॐ ब्रह्मणे नमः । (२-१-२८)
८३७. ॐ विविदुषे नमः । (४-५-३)
८३८. ॐ चिकितवे नमः । (८-५६-५)
८३९. ॐ विभानवे नमः । (८-१०२-२)
८४०. ॐ धर्णये नमः । (१-१२७-७)
८४१. ॐ विधर्त्रे नमः । (२-१-३)
८४२. ॐ विविचये नमः । (५-८-३)
८४३. ॐ स्वनीकाय नमः । (२-१-८)
८४४. ॐ यह्वाय नमः । (१-३६-१)
८४५. ॐ प्रकेताय नमः । (१-९४-५)
८४६. ॐ वृषणाय नमः । (३-२९-३)
८४७. ॐ चकानाय नमः । (५-३-१०)
८४८. ॐ जुष्टाय नमः । (५-४-५)
८४९. ॐ मनोत्रे नमः । (२-९-४)
८५०. ॐ प्रमतये नमः । (१-३१-१०)
८५१. ॐ विहायसे नमः । (१-१२८-६)
८५२. ॐ जेन्याय नमः । (१-७१-४)
८५३. ॐ हविष्कृते नमः । (१-१३-३)
८५४. ॐ पितुमते नमः । (१-१४१-२)
८५५. ॐ शविष्ठाय नमः । (१-१२७-११)
८५६. ॐ मतये नमः । (१-९१-८)
८५७. ॐ सुपित्र्याय नमः । (१०-११५-६)
८५८. ॐ सहसिने नमः । (४-४-१)
८५९. ॐ दृशानाय नमः । (१०-४५-८)
८६०. ॐ शुचिप्रतीकाय नमः । (१-१४३-६)
८६१. ॐ विषुणवे नमः । (४-६-६)
८६२. ॐ मितद्रवे नमः । (४-६-५)
८६३. ॐ दविद्युतते नमः । (७-१०-१)
८६४. ॐ वाजपतये नमः । (४-१५-३)
८६५. ॐ विजावते नमः । (१-६९-३)
८६६. ॐ विश्वस्पनाभये नमः । (१०-५-३)
८६७. ॐ सनृजाय नमः । (१-१५-१२)
८६८. ॐ सुवृक्वये नमः । (२-४-१)
८६९. ॐ तिग्माय नमः । (४-६-८)
८७०. ॐ सुदंससे नमः । (२-२-३)
८७१. ॐ हरिताय नमः । (९-५-१०)
८७२. ॐ तमोघ्ने नमः । (१-१४०-१)
८७३. ॐ जनानां जेत्रे नमः । (१-६६-३)
८७४. ॐ ततुरये नमः । (१-१४५-३)
८७५. ॐ वनर्गवे नमः । (१-१४५-५)
८७६. ॐ प्रेष्ठाय नमः । (८-८४-१)
८७७. ॐ धनर्चाय नमः । (१०-४९-५)
८७८. ॐ सुषखाय नमः । (१०-९१-१)
८७९. ॐ धियंधये नमः । (७-१३-१)
८८०. ॐ मन्यवे नमः । (१०-८७-१३)
८८१. ॐ पयस्वते नमः । (१-२३-२३)
८८२. ॐ महिषाय नमः । (१०-१४०-६)
८८३. ॐ समानाय नमः । (४-५-७)
८८४. ॐ सूर्याय नमः । (३-१४-४)
८८५. ॐ घृणीवते नमः । (१०-१७६-३)
८८६. ॐ रथयवे नमः । (१०-७-५)
८८७. ॐ घृतश्रिये नमः । (१-१२८-४)
८८८. ॐ भ्रात्रे नमः । (८-४३-१६)
८८९. ॐ शिमीबते नमः । (१०-८-२)
८९०. ॐ भुवनस्य गर्भाय नमः । (१०-४५-१)
८९१. ॐ सहस्ररेतसे नमः । (४-५-३)
८९२. ॐ नृषदे नमः । (६-१५-३)
८९३. ॐ अप्रयुच्छते नमः । (१-१४३-८)
८९४. ॐ वेनाय नमः । (४-५८-४)
८९५. ॐ वपावते नमः । (६-१-३)
८९६. ॐ सुषुमते नमः । (१०-३-१)
८९७. ॐ शिशानाय नमः । (१०-८७-१)
८९८. ॐ मधुप्रतीकाय नमः । (१०-११८-४)
८९९. ॐ स्वयशसे नमः । (१-९५-२)
९००. ॐ सहीयसे नमः । (१०-१७६-४)
९०१. ॐ नव्याय नमः । (१-१४१-१०)
९०२. ॐ मुहुर्गिरे नमः । (१-१२८-३)
९०३. ॐ सुभगाय नमः । (१-३६-६)
९०४. ॐ रभस्वते नमः । (१०-३-७)
९०५. ॐ यज्ञस्य केतवे नमः । (१-१२७-६)
९०६. ॐ सुमनस्य मानाय नमः । (१०-५१-५)
९०७. ॐ देवाय नमः । (१-१-१)
९०८. ॐ श्रवस्याय नमः । (२-१०-१)
९०९. ॐ वयुनानिविदुषे नमः । (१-७२-७)
९१०. ॐ दिवस्पृथिव्योररतये नमः । (२-२-३)
९११. ॐ तनूपे नमः । (८-७१-१३)
९१२. ॐ विष्णवे नमः । (१०-१-३)
९१३. ॐ रथाय नमः । (३-११-५)
९१४. ॐ सुष्टुताय नमः । (५-१३-५)
९१५. ॐ ऋञ्जसानाय नमः । (१-९६-३)
९१६. ॐ विश्वस्य केतवे नमः । (१०-४५-६)
९१७. ॐ च्यवनाय नमः । (१०-६९-५)
९१८. ॐ सहस्याय नमः । (१-१४७-२)
९१९. ॐ हिरण्यरूपाय नमः । (२-३५-१०)
९२०. ॐ प्रमहसे नमः । (५-२८-४)
९२१. ॐ सुजंभाय नमः । (८-६०-१३)
९२२. ॐ रुशद्वसानाय नमः । (४-५-१५)
९२३. ॐ कृपनीळाय नमः । (१०-२०-३)
९२४. ॐ ऋंधते नमः । (१०-११०-२)
९२५. ॐ कृत्व्याय नमः । (६-२-८)
९२६. ॐ घृतान्नाय नमः । (७-३-१)
९२७. ॐ पुरुधप्रतीकाय नमः । (३-७-३)
९२८. ॐ सहस्रमुष्काय नमः । (८-१९-३२)
९२९. ॐ सुशम्ये नमः । (७-१६-२)
९३०. ॐ त्रिमूध्ने नमः । (१-१४६-१)
९३१. ॐ मन्द्राय नमः । (१-२६-७)
९३२. ॐ सहस्वते नमः । (१-१२७-१०)
९३३. ॐ इषयते नमः । (६-१-२)
९३४. ॐ तरुत्राय नमः । (६-१-१२)
९३५. ॐ तृषुच्युताय नमः । (१-१४०-३)
९३६. ॐ चंद्ररथाय नमः । (१-४१-१२)
९३७. ॐ भुरण्यवे नमः । (१-६८-९)
९३८. ॐ धासये नमः । (३-७-१)
९३९. ॐ सुवेदाय नमः । (४-७-६)
९४०. ॐ समिधासमिद्धाय नमः । (६-१५-७)
९४१. ॐ हिरण्यवर्णाय नमः । (२-३५-१०)
९४२. ॐ शमित्रे नमः । (२-३-१०)
९४३. ॐ सुदत्राय नमः । (७-८-३)
९४४. ॐ यज्ञस्य नेत्रे नमः । (२-५-२)
९४५. ॐ सुधिताय नमः । (३-२३-१)
९४६. ॐ सुशोकाय नमः । (१-७०-१)
९४७. ॐ कविप्रशस्ताय नमः । (५-१-८)
९४८. ॐ अमृतानां प्रथमाय नमः । (१-२४-२)
९४९. ॐ सहस्रश‍ृंगाय नमः । (५-१-८)
९५०. ॐ रयीणां रयिविदे नमः । (३-७-३)
९५१. ॐ ब्रध्नाय नमः । (३-७-५)
९५२. ॐ हृदिस्पृशे नमः । (४-१०-१)
९५३. ॐ प्रदिवाय नमः । (४-६-४)
९५४. ॐ दिविस्पृशे नमः । (१०-८८-१)
९५५. ॐ विश्वने नमः । (१०-३-६)
९५६. ॐ सुबन्धवे नमः । (३-१-३)
९५७. ॐ सुयजाय नमः । (५-८-३)
९५८. ॐ जरद्विषे नमः । (५-८-२)
९५९. ॐ अपाकचक्षसे नमः । (८-७५-७)
९६०. ॐ मधुहस्त्याय नमः । (५-५-२)
९६१. ॐ इद्धाय नमः । (१-६६-९)
९६२. ॐ घर्माय नमः । (१-११२-१)
९६३. ॐ त्रिपस्त्याय नमः । (८-३९-४)
९६४. ॐ द्रविणसे नमः । (३-७-१०)
९६५. ॐ प्रतिव्याय नमः । (८-२३-१)
९६६. ॐ पुरुष्टुताय नमः । (१-१४१-६)
९६७. ॐ कृष्णपवये नमः । (७-८-२)
९६८. ॐ सुशिप्राय नमः । (५-२२-४)
९६९. ॐ पिशंगरूपाय नमः । (२-३-९)
९७०. ॐ पुरुनिष्ठाय नमः । (५-१-६)
९७१. ॐ एकाय नमः । (१०-१-४)
९७२. ॐ हिरण्यदन्ताय नमः । (५-२-३)
९७३. ॐ सुमखाय नमः । (४-३-१४)
९७४. ॐ सुहव्याय नमः । (१-७४-५)
९७५. ॐ दस्माय नमः । (१-७७-३)
९७६. ॐ तपिष्ठाय नमः । (६-५-४)
९७७. ॐ सुसमिद्धाय नमः । (१-१३-१)
९७८. ॐ इर्याय नमः । (७-१३-३)
९७९. ॐ सुद्युते नमः । (१-१४०-१)
९८०. ॐ सुयज्ञाय नमः । (५-८-३)
९८१. ॐ सुमनसे नमः । (३-९-३)
९८२. ॐ सुरत्नाय नमः । (१०-७०-९)
९८३. ॐ सुश्रिये नमः । (३-३-५)
९८४. ॐ सुसंसदे नमः । (७-९-३)
९८५. ॐ सुरथाय नमः । (४-२-४)
९८६. ॐ सुसन्दृशे नमः । (१-१४३-३)
९८७. ॐ तन्वासुजाताय नमः । (३-१५-२)
९८८. ॐ वसुभिः सुजाताय नमः । (१०-७९-७)
९८९. ॐ सुदृशे नमः । (३-१७-४)
९९०. ॐ सुदेवाय नमः । (१-७४-५)
९९१. ॐ सुभराय नमः । (२-३-९)
९९२. ॐ सुबर्हिष्ये नमः । (४-१४-६)
९९३. ॐ ऊर्जोनपदे नमः । (१-५८-८)
९९४. ॐ रयिपतये नमः । (१-६०-४)
९९५. ॐ सुविदत्राय नमः । (२-९-६)
९९६. ॐ आपये नमः । (१-३१-१६)
९९७. ॐ अक्राय नमः । (१-१८९-७)
९९८. ॐ अजिराय नमः । (७-११-२)
९९९. ॐ गृहपतये नमः । (१-१२-६)
१०००. ॐ पुरुवारपुष्टये नमः । (१-९६-४)
१००१. ॐ विद्युदथाय नमः । (३-१४-१)
१००२. ॐ सुसवित्रे नमः । (३-१८-५)
१००३. ॐ चतुरक्षाय नमः । (१-३१-१३)
१००४. ॐ इष्टये नमः । (१-१४३-८)
१००५. ॐ दीद्यानाय नमः । (१-१२७-३)
१००६. ॐ इन्दवे नमः । (९-५-९)
१००७. ॐ उरुकृते नमः । (८-७५-११)
१००८. ॐ घृतकेशाय नमः । (८-६०-२)
१००९. ॐ आशवे नमः । (४-७-४)

॥ इति श्रीगोकर्णाभिजनस्य दीक्षितदामोदरसूनोः
साम्बदीक्षितस्य कृतौ अग्निसहस्रनामावलिः ॥