ॐ अब्याज करुणा मूर्तये नमः
श्री गणपति सहस्रनाम स्तोत्रम्
विनियोग:
ॐ अस्य श्री महागणपति सहस्रनाम स्तोत्र मंत्रस्य महागणपति ऋषि:,अनुष्टुप छन्द:, महागणपति देवतां, गं बीजम्, हुम् शक्ति:, स्वाहा कीलकम्, चतुर्विध पुरुषार्थ सिद्ध्यर्थे जपे विनियोग: |
ऋष्यादि अंगन्यासः
ॐ महागणपति ऋषये नमः,
ॐ अनुष्टुप चन्दसे नमः,
ॐ महागणपति देवतायै नमः,
ॐ गं बीजाय नमः,
ॐ हुं शक्तये नमः,
ॐ स्वाहा कीलकाय नमः,
ॐ विनियोगाय नमः,
ध्यान
गण्डपाली गलद्यान पूर लाल समानसान् |
द्विरेफान् कर्णतालाभ्यां वारयन्तं मुहुर्मुहः ||
कराग्रधूत माणिक्य कुम्भवक्त्र विनिर्गतैः |
रत्नवर्षेः प्रीणयन्तं साधकान् मदविह्वलम् |
माणिक्य मुक्तटोपितं सर्वाभरण भूतिषम् ||
सहस्रनाम स्तोत्र
ॐ गणेश्वरो गणक्रीडो गणनाथो गणाधिपः |
एक दंष्ट्रो वक्यतुण्डो गजवक्त्रो महोदरः ||1||
लम्बोदरो धूम्रवर्णो विकटो विध्ननाशकः |
सुमुखो दुर्मुखो बुद्धो विघ्नराजो गजाननः ||2||
भीमः प्रमोद आमोदः सुरानन्दो मदोत्कटः |
हेरम्बः शम्बरः शुम्भर्लम्बकर्णोँ महाबलः ||3||
नन्दनोsलम्पटोsभीरुमेधनादो गणंञ्जयः |
विनायको विरुपाक्षो धीर शूरो वरप्रदः ||4||
महागणपतिर्बुद्धि प्रियः क्षिप्रप्रसादनः |
रुद्रप्रियो गणाध्यक्षः उमापुत्रोsघनाशनः ||5||
कुमार गुरुरीशान पुत्रो मूषकवाहनः |
सिद्धिप्रियः सिद्दिपतिः सिद्धः सिद्धिविनायकः ||6||
अविघ्नस्तुम्बुरः सिँहवाहनोँ मोहिनीप्रियः |
कंकटो राजपुत्रः शालकः सम्मितोsमितः ||7||
कूष्माण्डसामसम्भूतिर्दुर्जयो धूर्जयो जयः |
भूपतिर्भुवनपतिर्भूतानां पतिरव्ययः ||8||
विश्वकर्ता विश्वमुखो विश्वरुपो निधिर्घृणिः |
कविः कवीनामृषभो ब्राह्मणस्पतिः ||9||
ज्येष्ठराजो निधिप्रियपति प्रियः |
हिरण्मय पुरान्तःस्थः सूर्यमण्डल मध्यमः ||10||
कराहतिध्वस्तसिन्धुसालिलः पूषदंतभित् |
उमांककेलिकुतुकी मुक्तिदः कुलपालनः ||11||
किरीटी कुण्डलीहारी वनमाली मनोमयः |
वैमुख्यहतदैत्यश्रीः पादहतजितक्षितिः ||12||
सद्योजातस्वर्णमुञ्जमेखली दुर्निमित्तहृत् |
दुःस्वप्नहृत प्रसहनो गुणी नादप्रतिष्ठितः ||13||
सुरुपः सर्वनेत्रधिवासी वीरासनाश्रयः |
पीताम्बरः खण्डरदः खण्डेन्दुकृतशेखरः ||14||
चित्रांकश्यामदशनो भालचन्द्रश्चतुर्भुजः |
योगाधिपस्तारकस्थः पुरुषो गजकर्णकः ||15||
गणाधिराजो विजयस्थिरो गजपतिध्वजी |
देवदेवः समरप्राणदीपको वायुकीलकः ||16||
विपरिश्चद्वरदो नादोनादभिन्नबलाहकः |
वराहरदनो मृत्युञ्जयो व्याघ्राजिनाम्बरः ||17||
इच्छाशक्तिधरो देवत्राता दैत्यविमर्दनः |
शम्भुवक्त्रोद् भवः शम्भुकोपहा शम्भुहास्यभूः ||18||
शम्भुतेजः शिवाशोकहारी गैरीसुखावहः |
अमांगमलजो गौरीतेजोभूः स्वर्धुनीभवः ||19||
यज्ञकायो महानादो गिरिवर्ष्मा शुभननः |
सर्वात्मा सर्वदेवात्मा ब्रह्ममूर्धा ककुप् श्रुतिः ||20||
ब्रह्माण्डकुम्भाचिद्वयोमभलः सत्यशिरोरुहः |
जगज्जन्मलयोन्मेषनिमेषोग्न्यर्कसोमदृक् ||21||
गिरिन्द्रैकरदो धर्माधर्मोष्ठः सामवृंहितः |
ग्रहर्क्षदशनो वाणीजिह्वो वासवनासिकः ||22||
कुलावंलासः सोमार्कघण्टो रुद्रशिरोधरः |
नदीनदभुजः सर्पाँगुलीकस्तारकानखः ||23||
भ्रूमध्यसंस्थितकरो ब्रह्मविद्यामदोत्कटः |
व्योमनाभिः श्रीहृदयो मेरुपृष्ठोsर्णवोदरः ||24||
कुक्षिस्थयक्षंगधर्वरक्षः किन्नरमानुषः |
पृथ्वीकटिः सृष्टिलिँग शैलोरुर्दस्त्रजानुकः ||25||
पातालजंघो मुनिपात्कालांगुष्ठस्त्रयी तनुः |
ज्योतिर्मण्डललांगूलो हृदयालाननिश्चलः ||26||
हृत्पद् मकर्णिकाशालिवियत्केलि सरोवरः |
सद् भक्त ध्यान निगडः पूजावारीनिवारितः ||27||
प्रतापी कश्यपसुतो गणपो विष्टपी बली |
यशस्वी धार्मिकः खोजा प्रथभः प्रथमेश्वरः ||28||
चिन्तामणिद्वीपपतिः कल्पद्रुमवनालयः |
रत्नमण्डपमध्यस्थो रत्नसिंहासनाश्रयः ||29||
तीव्रशिरोद् धृतपदो ज्वालिनी मैलिलातितः |
नन्दानन्दित पीठश्रीर्भोगदा भूषितासनः ||30||
सकामदायिनीपिठः स्फुरदुग्रासनाश्रयः |
तेजोवतीशिरोरत्नं सत्यानित्याळतंसितः ||31||
सविघ्ननाशिनीपीठः सर्वशक्त्यम्बुजाश्रयः |
लिपिपद् मासनाधारो वह्निधामत्रयाश्रयः ||32||
उन्नतप्रपदो गूढगुल्फः संवृतपार्ष्णिकः |
पीनजंघोश्लिष्टजानुः स्थूलोरु प्रोन्नमत्कटिः ||33||
निम्नाभिः स्थूलकुक्षिः पीनवक्षा बृहद् भुजः |
पीनस्कन्धः कम्बुकण्ठो लम्बोष्ठो लम्बनासिकः ||34||
भग्नवामरदस्तुंगसव्यदन्तो महाहनुः |
ह्रस्वनेत्रत्रयः शूर्पकर्णो निविडमस्तकः ||35||
स्तवकाकारकुम्भाग्रो रत्नमौलिनिरंकुशः |
सर्पाहारकटिसूत्रः सर्पयज्ञोपवीतवान् ||36||
सर्पकोटीरकटकः सर्पग्रैवेयकांगदः |
सर्पकक्ष्योदराबन्धः सर्पराजत्तरीयकः ||37||
रक्तो रक्ताम्बरधरो रक्तमाल्य विभूषणः |
रक्तेक्ष्णो रक्तकरो रक्तताल्वोष्ठ पल्लवः ||38||
श्वेतः श्वेताम्बरधरः श्वेतमाल्यविभूषणः |
श्वेतातपत्ररुचिरः श्वेत चामरवीजितः ||39||
सर्वावयव सम्पूर्ण सर्व लक्षण लक्षितः |
सर्वाभरणशोभाढ़्यः सर्वशोभासमन्वितः ||40||
सर्वमंगलमंगल्यः सर्वकारणकारणम् |
सर्वदैककरः शांर्गी बीजापुरी गदाधरः ||41||
इक्षुचापधरः शूली चक्रपाणि सरोजभृत् |
पाशी धृतोत्पलः शालीमञ्जरीस्वदन्तभृत् ||42||
कल्पवल्लीधरो विश्वाभयदैककरो वशी |
अक्षमालाधरो ज्ञानमुद्रावान् मुद्गरायुधः ||43||
पूर्णापात्री कम्बुधरो विधृतालिसमुद्गकः ||44 ||
पुष्करस्थलस्वर्णघटी पूर्णरत्नाभिवर्षकः |
भारती सुन्दरी नाथो विनायकरति प्रियः ||45||
महालक्ष्मीप्रियतमः सिद्ध लक्ष्मी मनोरमः |
रमालमेश पूर्वागो दक्षिणोमामहेश्वरः ||46||
महीवराहवामांगो रतिकन्दर्पपश्चिमः |
आमोदमोदजननः सप्रमोद प्रमोदनः ||47||
समेधितसमृद्धि श्री ऋद्धि सिद्धि प्रवर्तकः |
दत्तसौमुख्य सुमुखः कान्तिकन्दलिताश्रयः ||48||
मदनावत्याश्रिताङ् घ्रिः कृतवैमुख्यदुर्मुखः |
विघ्रसपल्लवः पद्माः सेवोन्निद्रमदद्रवः ||49||
विघ्नकृन्निघ्न चरणे द्राविणी शक्ति सत्कृतः |
तीव्रा प्रसन्न नयनो ज्वालिनीपालितैकदृक् ||50||
मोहिनी मोहनो भोगदायिनी कान्तिमण्डितः |
कामिनीकान्तवक्र श्रीराधिष्ठिततवसुन्धरः ||51||
वसुन्धरामदोन्नद्ध महाशंख निधि प्रभोः |
नमद्वसुमती मौलि महापद् निधि प्रभुः ||52||
सर्वसद्गुरुसंसेव्य सोचिष्ठकेशहृदाश्रयः |
ईशानमूर्धा देवेन्द्रशिखा पवननन्दनः ||53||
अग्रप्रत्यग्रनयनो दिव्यास्त्राणां प्रयोगवित् |
ऐरावतादिसर्वाशावरणा वरणप्रियः ||54||
वज्राद्यस्त्रपरीवारो गणचण्ढसमाश्रयः |
जयाजयापरीवारो विजयाविजयावहः ||55||
अजितार्चितपादाब्जो नित्यनित्यावतंशित |
विलासिनीकृतोल्लासः शौण्डी सौन्दर्यमण्डितः ||56||
अनन्तानन्तः सुखदः सुमंगलसुमंगलः |
इच्छाशक्ति ज्ञानशक्ति क्रियाशक्ति निषेवितः ||57||
सुभगासंश्रितपदो ललिता ललिताश्रयः |
कामिनी कामनः काममालिनी केलिलालितः ||58||
सरस्वत्याश्रयो गौरीनन्दनः श्री निकेतनः |
गुरुगुप्तपदो वाचासिद्धौ वागीश्वरीपतिः ||59||
नलिनी कामुको वामारामो ज्येष्टा मनोरमः |
रौद्रीमुद्रित पादाब्जो हुम्बीजस्तुंग शक्तिकः ||60||
विश्वादिजननत्राणः स्वाहा शक्ति सकीलकः |
अमृताब्धिकृतावासो मदधूर्णितलोचनः ||61||
अच्छिष्टगण उच्छिष्टगणेशो गणनायकः |
सार्वकालिक संसिद्धिं नित्यशैवो दिगम्बरः ||62||
अनपायोsनन्त दृष्टिरप्रमेयोsजरामरः |
अनाविलोsप्रतिरथो ह्यच्युतोsमृतमक्षयम् ||63||
अप्रतर्क्योsक्षयोsजय्योsनाधारोsनामयोsमलः |
अमोघसिद्धिरद्वैतमघोरोsप्रतिमाननः ||64||
अनाकारोsब्धिभूम्यग्निबलघ्नोsव्यक्त लक्षणः |
आधारपीठः आधारः आधाराधेयवर्जितः ||65||
आखुकेतनो आशापूरक आखुमहारथः |
इक्षु सागरमध्यस्थ इक्षुभक्षणलालसः ||66||
इक्षुचापातिरेक श्रीरिक्षुचाप निषेवितः |
इन्द्रगोपसमान श्रीरिन्द्रनील समद्युतिः ||67||
इन्दीवरदलश्याम इन्दुमण्डल निर्मलः |
इध्मप्रिय इडाभाग इराधामेन्दिरा प्रियः ||68||
इक्ष्वाकुविघ्नविध्वंसी इतिकर्तव्यतेप्सेतः |
ईशानमैलिरीशान ईशानसुत ईतिहा ||69||
ईषागात्रयकल्पान्त ईहामात्रविवर्जितः |
उपेनद्र उडुभृन्मौलिरुण्डेरकबलिप्रियः ||70||
उन्नतानन उत्तुंगः उदारत्रिदशाग्रणीः |
ऊर्जस्वानूष्मलमद ऊहापोहदुरासदः ||71||
ऋग्युः सामसम्भूतिदऋद्धिः सिद्धिः प्रवर्तक |
ऋजुचित्तैक सुलभः ऋणत्रय विमोचकः ||72||
लुप्तविघ्नः स्वभक्तानां लुप्तशक्तिः सुरद्विषाम् |
लुप्तश्रीर्विमुखार्चानां लुताविस्फोटनाशनः ||73||
एकार पीठ मध्यस्थ एकपादकृतासनः |
एजिताखिल दैत्य श्रीरेधिताखिलासंश्रयः ||74||
ऐश्वर्य निधिश्वर्यमैहिकामुष्मिक प्रदः |
ऐरम्मदसमोन्मेषं ऐरावत निभाननः || 75||
ओँकारवाच्य ओँकार ओजस्वानोषधीपतिः |
औदार्यनिधिरौद्धत्यधुर्य औन्नत्यनिस्वनः ||76||
अंकुशः सुरनागानामंकुशः सुरविद्विषाम् |
अः समस्तविसर्गान्तपदेषु परिकीर्तितः ||77||
कमण्डलधुरः कल्पः कपर्दी कलभाननः |
कर्मसाक्षी कर्मकर्ता कर्माकर्म फलप्रदः ||78||
कदम्बगोलकाकारः कूष्माण्ड गणनायकः |
कारुण्यदेहः कपिलः कथकः कटिसूत्रभृत् ||79||
खर्च खंगाप्रियः खंगखान्तान्तस्थः खनिर्मलः |
खल्वाट शृंगनिलयः खट्वांगी खदुरासदः ||80||
गुणाढ्यो गहनो गस्थो गद्य पद्य सुधार्णवः |
गद्यगानप्रियो गर्जो गीतगीर्वाण पूर्वजः ||81||
गुह्यचाररतो गुह्यो गुह्यगम निरूपितिः |
गुहाशयो गुहब्धिस्थो गुरुगम्यो गुरोर्गुरुः ||82||
घण्टाघर्घरिकामाली घटकुम्भो घटोदरः |
चण्डश्चंडेश्वर सुहृच्चण्डीशश्चण्ड विक्रमः ||83||
चराचरपतिश्चिन्तामणिचर्वणलालसः |
छन्दश्छन्दोवपुश्चन्दो दुर्लक्षश्छन्दविग्रहः ||84||
जगद्योनिर्जगत्साक्षी जगदीशो जगन्मयः |
जपो जपपरो जप्यो जिह्वासिंहासनप्रभुः ||85||
झलज्झलोल्लसद्यानंझकारि भ्रमराकुलः |
टंकारस्फरसंरावष्टंकारिमणिनूपुरः ||86||
ठद्वयीपल्लवान्तः स्थसर्वन्त्रैक सिद्धिदः |
डिण्डिमुण्डो डाकिनीशो डामरो डिण्डिमप्रियः ||87||
ढक्कानिनादमुदितौ ढौको ढुण्ढि विनायकः |
तत्त्वानां परमं तत्त्वं तत्त्वं पद निरूपतिः ||88||
तारकान्तरसंस्थानस्तारकस्तारकान्तकः |,
स्थाणुः स्थाणुप्रियः स्थाता स्थावरं जंगम् जगत् ||89||
दक्षयज्ञप्रमथनो दाता दानवमोहनः |
दयावान् दित्यविभवो दण्डभृद्दण्डनायकः ||90||
दन्तप्रभिन्नाभ्रमेलो दैत्यवारणदारणः |
दंष्ट्रालग्नद्विघटो देवार्थनृगजाकृतिः ||91||
धनधान्यपतिर्धन्यो धनदो धरणीधरः |
ध्यानैक प्रकटो ध्येयो ध्यानं ध्यानपरायणः ||92||
नन्द्या नन्दिप्रियो नादो नादमध्य प्रतिष्ठितः |
निष्कलो निर्मलो नित्यो नित्यानित्यो निरामयः || 93 ||
परं व्योम परं धाम परमात्मा परं पदम् |
परात्परः पशुपतिः पशुपाश विमोचकः || 94 ||
पूर्णानन्दः परानन्दः पुराणपुरुषोत्तमः |
पद्मप्रसन्ननयनः प्रणताज्ञानमोचनः || 95 ||
प्रमाण प्रत्यतीतः प्रणतार्तिनिवारणः |
फलहस्तः फणिपतिः पेत्कारः फाणित प्रियः || 96 ||
बाणार्चिताघ्रियुगलो बालकेलि कीतूहलीः |
ब्रह्म ब्रह्मर्चितापदो ब्रह्मचारी बृहस्पतिः || 97 ||
ब्रह्मत्तमो ब्रह्मपरो ब्रह्मण्यो ब्रह्मवित्प्रियः |
ब्रह्मान्नादग्र् यचीत्कारो ब्राह्माण्ठवलिमेखलः || 98 ||
भ्रूक्षेपदन लक्ष्मीको भर्गो भद्रो भयापहः |
भगवान् भक्तिसुलभौ भूतिदो भूतिभूषणः ||99||
भव्यो भूतोलयो भोगदाता भ्रूमध्य गोचरः |
मन्त्रो मन्त्रपतिर्मन्त्री मदमत्तमनोरमः ||100||
मेखलवान् मन्दगतिर्मतिमत्कमलेक्षणः |
महाबलो महावीर्यो महापाणो महामनाः ||101||
यज्ञो यज्ञपतिर्यज्ञगोप्ता यज्ञफलप्रदः |
यशस्करो योगगम्यो याज्ञिको याजकप्रियः ||102||
रसो रसप्रियोँ रस्यो रञ्जको रावणार्चितः |
रक्षोरक्षाकरो रत्नगर्भो राजगार्चितः ||103||
लक्ष्यं लक्ष्यप्रदो रक्ष्यो लयस्थो लड्डुकप्रियः |
लनप्रियो लास्यपरो लाभकृल्लोकाविश्रुतः ||104||
वरेण्यो वह्विदनो वन्द्यो वेदान्तगोचरः |
विकर्ता वश्वितश्चक्षुविधाता विश्यवतोमुखः ||105||
वामदेवो विश्ववनेता वज्रिवज्रनिवारणः |
विश्व बन्धनविष्कम्भाराधारा विश्वेश्वर प्रभुः ||106||
शब्दब्रह्म शमप्राप्यः शम्भूशक्ति गणेश्वरः |
सास्ता शिखाग्रनिलयः शरण्यः शिखरीश्वरः ||107||
षड्ऋतु कुसुमस्रग्वी षडाधारः षडक्षरः |
संसार वैद्यः सर्वज्ञ सर्वभेषजभेषजनम् ||108||
सृष्टिस्थितिलयक्रीडः सुरकुञ्जर भेदनः |
सिन्दूरितमहाकुम्भः सदसद् व्यक्तिदायकः ||109||
साक्षी समुद्रमथनः स्वसंवेद्यः स्वदक्षिणः |
स्वतन्त्रः सत्यसंकल्पः सामगानरतः सुखिः ||101||
हंसो हस्तिपिशाचीशो हवनं हव्यकव्यभुक् |
हव्यो हुतप्रियो हर्णो हृल्लेखामन्त्रमध्यगः ||111||
क्षेत्राधिपः क्षमाभर्ता क्षमापरपरायणः |
क्षिप्र क्षेमकरः क्षोमानन्दः क्षोणी सुरद्रुमः ||112||
धर्मप्रदोsर्थदः कामदाता सौभाग्यवर्द्धनः |
विद्याप्रदो विभवदो भुक्ति मुक्ति फलप्रदः ||113||
आभिरुप्यकरो वीर श्रीप्रदो विजयप्रदः |
सर्ववश्यकरो गर्भदोषहा पुत्र पौत्रदः ||114||
मेधादः कीर्तिदः शोकहारी दौर्भाग्यनाशनः |
प्रतिवादी मुखस्तम्भो रुष्टचित्त अप्रसादनः ||115||
पराभिचारसमनो दुःखभञ्जन कारकः |
लवस्रुटिः कलाकाष्ठा निमेषस्तत्परः क्षण ||116||
घटी मुहुर्तँ प्रहरो दिवा नक्तमहर्शिम् |
पक्षो मासोsयनं वर्षँ युगं कल्पो महालयः ||117||
राशिस्तारा तिथिर्योगो वारः करणमंशकम् |
लग्नं होरा कालचक्रं मेरु सप्तर्षयो ध्रुवः ||118||
राहुर्मन्दः कविर्जीवो बुद्धौ भौमः राशिः रविः |
कालः सृष्टिः स्थितिविश्वं स्थावरं जंगमञ्चयत् ||119||
भुरापोsग्निमरुद् व्योमाहंकृतिः प्रकृतिः पुमान् |
ब्रह्मा विष्णुः शिवो रुद्रः ईशः शक्तिः सदाशिवः ||120||
त्रिदशाः पितरः भूता मनुष्याः पाशवः खगाः || 121||
समुद्राः सरितः शैला भूतं भव्यं भवोद् भवः |
सांख्यं पातञ्जलं योगः पुराणनि श्रुतिः स्मृति || 122||
वेदांगानि सदाचारो मीमांसा न्यायविस्तारः |
आयुर्वेदो धनुर्वेदा गंधर्व काव्यनाटकम् |123||
वेखानसं भागवतं सात्त्वतं पाञ्चरात्रकम् |
शैवं पाशुपतं कालामुखम् भैरवशासनम् ||124||
शाक्तं वैनायक सौरं जैनमार्हतसंहिता |
सदसद् व्यक्तमव्यक्तं च सचेतनमचेतनम् ||125||
बन्धो मोक्षः सुखं भोगोsयोगः सत्यमणुर्महान् |
स्वास्ति हुं फट् स्वधा स्वाहा श्रौषड्वण्णमः ||126||
ज्ञानविज्ञानमानन्दो बोधः संविच्छमो यमः |
एक एकाक्षरधरा एकाक्षरपरायणः ||127||
एकाग्रधीरेकवीर एकानेक स्वरुपधृक् |
द्विरुपो द्विभुजोत्र्यक्षो द्विरदो द्वीपरक्षकः ||128||
द्वैमातुरो द्विवदनो द्वन्द्वातीतो द्वयातिगः |
त्रिधामा त्रिकरस्त्रेतात्रिवर्ग फलदायकः ||129||
त्रिगुणात्मका त्रिलोकादिस्त्रिशक्तीशश्चित्रलोचनः |
चतुर्बाहुश्चतुर्दन्तश्चतुरात्मा चतुर्मुखः ||130||
चतुर्विधोपायमयश्चतुर्वर्णाश्रमाश्रयः |
चतुर्विधवचोवृत्तिपरिवृत्तिप्रवर्तकः ||131||
चतुर्थी पूजनप्रीतश्चतुर्थीतिथि सम्भवः |
पञ्चाक्षरत्म पञ्चात्मा पञ्चास्यः पञ्चकृत्यकृत् ||132||
पञ्जाधारः पञ्जवर्णः पञ्चाक्षरपरायणः |
पञ्चतालः पञ्चकरः पञ्चप्रणवभावितः ||133||
पञ्चब्रह्ममयस्फूर्तिः पञ्चावरणवारितः |
पञ्चाभक्ष्यप्रियः पञ्चवाणः पञ्चशिवात्मकः ||134||
षट्कोणपीठः षट्चक्रधामा षड्ग्रन्थिभेदकः |
षड्ध्वाध्वान्तविध्वंसी षडंगुलमहाहृदः ||135||
षण्मुखः षण्मुखभ्राता षड्शक्ति परिवारितः |
षड्वैरिवर्गविध्वंसी षडूर्मिभयभञ्जनः ||136||
षट्तर्कतूरः षट्कर्मनिरतः षड् रसाश्रयः |
सप्तपातालचरणः सप्तद्वीपोरुमण्डलः ||137||
सप्तस्वर्लोकमुकुटः सप्तसप्तिवरप्रदः |
सप्तांगराज्यसुखदः सप्तर्षिगणमण्डितः ||138||
सप्तच्छन्दोनिधिः सप्तहोता सप्तस्वराश्रयः |
सप्तब्धिकेलिसारः सप्तमातृनेषेवितः ||139||
सप्तच्छन्दोमोदमदः सप्तच्छन्दोँमखप्रभुः |
अष्टमूर्तिध्येयमूर्तिरष्टप्रकृतिकारणम्: ||140||
अष्टांगयोगफलभूरष्टत्राम्बुजासनः |
अष्टशक्तिसमृद्धश्रीरष्टैश्वर्यप्रदायकः ||141||
अष्टपीठोपपीठश्रीरष्टमातृसमावृतः |
अष्टभैरवसेव्याsष्टवसुवन्धोsष्टमूर्तिभृत् ||142||
अष्यचक्रस्फुरन्मूर्तिरष्ट द्रव्य हविः प्रियः |
नवनागासनाध्यासी नवनिध्यनुशासिता ||143||
नवद्वारपुराधारो नवधारनिकेतनः |
नवनारायण स्तुत्यो नवदुर्गानिषेवितः ||144||
नवानाथ महानाथो नवनागविभूषणः |
नवरत्नविचित्रांगो नवशक्तिशिरोधृतः ||145||
दशात्मको दशभुजो दशादिक्पति वन्दितः |
दशाध्यायो दशप्राणो दशोन्द्रियनियामकः ||146||
दशाक्षरमहामन्त्रो दशदिशाव्यापिविग्रहः |
एकादशादिभिर्रुद्रैः स्तुत एकादशाक्षरः ||147||
द्वादशोद्दण्डदोर्दण्डो द्वादशान्तनिकेतनः |
त्रयो दशभिदाभिन्नविश्वेदेवाधिदैवतम् ||148||
चतुर्दशन्द्रवरदश्चतुर्दशानमनु प्रभुः |
चतुर्दशादिविद्याढ्यश्चतुर्दशजगत्प्रभुः ||149||
सामपञ्जदशः पञ्चशीशीतांशुनिर्मलः |
षोडशाधारनिलयः षोडशस्वरमातृकः ||150||
षोडशान्तपदावासः षोडशोन्दुकलात्मकः |
कला सप्तदशी सप्तदशः सप्तदशाक्षरः ||151||
अष्टादशद्वीपपतिरष्टादशपुराणकृत् |
अष्टादशौषधि सृष्टिरष्टादशविधिः स्मृतः ||152||
अष्टादशलिपिव्यष्टि समष्टिज्ञान कोविदः |
एकविँश पुमानेकविँशत्यंगुलि पल्लवः ||153||
चतुर्विँशतितत्त्वामा पञ्चविँशाख्य पुरुषः |
सप्तविँशतितारेशः सप्तविँशति योगकृत् ||154||
द्वात्रिशद्भैरवाधीशश्चतुनिस्त्रंशन्महाहृदः |
षट् त्रिँशत्तत्त्वसम्भूतिरष्टात्रिँशक्तलातनुः ||155||
नमदेकोनपञ्चाशन्मरुद्वर्गनिरर्गलः |
पंचाशदरक्षरश्रेणी पंचाशदुद्रविग्रहः ||156||
पञ्चाशद्विष्णुशक्तीशः पञ्चाशन्मातृकालयः |
द्विपञ्चाशद्वपुश्रेणी त्रिषष्ट्यक्षर संश्रयः ||157||
चतुःषष्ट्यर्णनिर्णेता चतुःषष्टिकलानिधिः |
चतुः षष्टिमहासिद्धयोगिनी वृन्दवन्दितः ||158||
अष्यषष्टिमहातीर्थक्षेक्र भैरव भावनः |
चतुर्नवतिमन्त्रामा षण्णावत्यधिक प्रभुः ||159||
शतानन्दः शतधृतिः शतपत्रायतेक्षणः |
शतनीकः शतमखः शतधारावरायुधः ||160||
सहस्रपत्रनिलयः सहस्रफणभूषणः |
सहस्रशीर्षापुरुषः सहस्राक्ष, सहस्रपात् ||161||
सहस्रनामसंस्तुत्यः सहस्राक्षलापहः |
दशसाहस्रफलभृत् फणिराजकृतासनः ||162||
अष्टाशीतिसहस्रद्यमहर्षिस्तोत्रयन्त्रितः |
लक्षधीश प्रियाधीरो लक्षाधारमनोमयः ||163||
चतुर्लक्षजपप्रीतश्चर्लुक्षप्रकाशितः |
चतुशीतिलक्षणां जीवानां देहसंस्थितः ||164||
कोटिसूर्यपतिकाशः कोटिचन्द्रांशुनिर्मलः |
शिवाभवाध्युष्टकोटि विनायकधुरन्धरः ||165||
सप्तकोटि महामन्त्रतावयवद्युतिः |
त्रयनिस्त्रंशत्कोटिसुरश्रेणी प्रणत पादुकः ||166||
अनन्त नामानन्त श्रीरन्तानन्तसौख्यदः |
ऊँ इतिवैनायक नाम्नां सहस्रमिदमीरितम् ||167||
सहस्त्रनाम माहात्म्य
इदं ब्रह्मे मुहूर्ते यः पठेत् प्रत्यंह नरः |
करस्थं तस्य सकलमैहिकामष्मिकं सुखम् ||168||
आयुरारोग्यमैश्वर्यँ धैर्य शौर्य बलं यशः |
मेधा प्रजा धृतिः कान्ति सौभाग्यमथि रूपता ||169||
सत्यं दया क्षमा शान्तिर्दाक्षिण्यं धर्मशीलता |
जगत् संयमनं विश्वसंवादो वादपाटवम् ||170||
सभापाण्डित्यमौदार्य गाम्भीर्य ब्रह्मवर्चसम् |
औन्नत्यं च कुलं शीलं प्रतापो वीर्यमार्यता ||171||
ज्ञानं विज्ञानमास्तिक्यं स्थैर्य विश्वातिशायिता |
धनधान्याभिवृद्धिश्च सकृदस्य जपाद्भवेत् ||172||
वश्यं चतुर्विधं नृणां जपादस्य प्रजायते |
राजो राजकलत्रस्य राजत्रस्य मन्त्रिणः ||173||
जप्यते यस्य वश्यार्थ सः दासस्तस्य जायते |
धर्मार्थकाममोक्षाणामनायासेन साधनम् ||174||
शकिनी डाकिनी रक्षोयक्षोरगभयापहम् |
साम्राज्यं सुखदं चैव समस्तरिपुमर्दनम् ||175||
समस्त कलहध्वंसी दग्धबीजप्ररोहणम् |
दुःस्वप्न शामनं क्रुद्धस्वामीचित्त प्रसादनमम् ||176||
षट् कर्माष्टमहासिद्धि त्रिकाल ज्ञान साधनम् |
परकृत्याशमनं परचक्र विमर्दनम् ||177||
समरांगणरणे सर्वोषामिदमेकं जयावहम् |
सर्वबन्ध्यात्वदोषध्नं गर्भरक्षौककारणम् ||178||
पठ्यते प्रत्यहं यत्र स्तोत्र गणपतिरिदम् |
देशे तत्र न दुर्भिक्षमीतयो दुरतानि च ||179||
न तद्गृहं जहाति श्रीर्यत्रायं जप्यते स्तवः |
क्षयकुष्टप्रमेहार्शोभगन्दरविषूचिकाः ||180||
गुल्मं प्लीहानमश्मानमतिसारं महोदरम् |
कासं श्वासमुद्वर्त शूलं शोफादिसम्भवम् ||181||
शिरोरोगं वमनं हिक्का गण्डमालामरोचकम् |
वातपित्तकफद्वन्द्वत्रिदोषजनितज्वरम् ||182||
आगन्तुं विषमं शीतमुष्णं चैकाहिकादिकम् |
इत्याद्युक्तमनुक्तं वा रोगं दोषादिसम्भवम् ||183||
सर्व प्रशमयत्याशु स्तोत्रस्यास्य सकृज्जपः |
सकृत्पाठेन संसिद्धः स्त्रीशूद्रपतितैरति ||184||
सहस्रनाममन्त्रोsयं जपितव्यः शुभाप्तये |
महागणपतेः स्तोत्रं सकामः प्रजपन्निदम् ||185||
इच्छितान् सकलान् भोगानुपभुज्येह पार्थिवान् |
मनोरथफलैर्दिव्यैमयानैर्मनोरमैः ||186||
चन्द्रन्द्रभास्करोपेन्द्रब्रह्मशर्वादिसद्वसुः |
कामरूपः कामगतिः कामतो विचरान्निह ||187||
भुक्त्वा यथेप्सितान् भोगानभीष्टान् सहबन्धुभिः|
गणेशानुचरो भूत्वा महागणपतये प्रियः ||188||
नन्दीश्वरादिसानन्दी नन्दितः सकलैर्गणः |
शिवाभ्यां कृपया पुत्रनिर्विशेषं च लालितः ||189||
शिवभक्तः पूर्णकामो गणेश्वरवरात् पुनः |
जातिस्मरो धर्मपुरः सार्वभौमोsभिजायते ||190||
निष्कामस्तु जपेन्नित्यं भक्त्या विघ्नेश तत्परः |
योग सिद्धि परां प्राप्य ज्ञानवैराग्य संस्थितः ||191||
निरन्तरोदितान्दे परमानन्दसंविदि |
विश्वोत्तोर्ग्र परे पारे पुनरवृत्तिवर्जिते ||192||
लीनो वैनायके धाम्नि रमते नित्यनिवृतः |
योनाभिर्हुनेदेतैर्रचयेत् पूजयेन्नरः ||193||
राजानो वश्यतां यान्ति रिपुवो यान्ति दासताम् |
मन्त्रा सिद्ध्यन्ति सर्वेsपि सुलभास्तस्य सिद्धस्यः ||194||
मूलमन्त्रदपि स्तोत्रमिदं प्रियतरं मम |
नमस्ये मासि शुक्लायां चतुर्थ्याँ मम जन्मनि ||195||
दूर्वाभिर्नामभिः पूजां तर्पणं विधिवच्चरेत् |
अष्टद्रव्यैर्विशेषेण जुहुयाद्भक्ति संयुतः ||196||
तस्येप्सितानि सर्वाणि सिद्ध्यन्त्यत्रं न संशयः |
इदं प्रजप्तं पठितं श्रवितं श्रुतम् ||197||
व्याकुलं चर्चित ध्यातं विमृष्टमभिनन्दितमृ |
इहामुत्र च सर्वेषा विश्वैश्वर्यप्रदायकम् ||198||
स्वच्छन्दचारिणाप्येव येनायं धार्यते स्वतः |
संरक्ष्यते शिवोद्भूतैर्गणेरेध्युष्ट कोटिभिः ||199||
पुस्तके लिखितं यत्र गृहे स्तोत्रं प्रपूजयेत् |
तत्र सर्वेप्सिता लक्ष्मीः सन्निधत्ते निरन्तरम् ||200||
दानैरशेषैरखिलैर्व्रतैश्च तीर्थैरशेषैः सकलैर्मखैश्च |
न तत्फलं विन्दति यद्गणेशसहस्रनाम्नां स्मरणेन सद्यः ||201||
एतन्नाम्नां सहस्र पठति दिनमणौ प्रत्यंहप्रोज्जिहाने |
सायं मध्यन्दिने वा त्रिषवणमथवा संततं वाजनो यः ||202||
स स्यादैश्वर्यधुर्यः प्रभवति च सतां कीर्तिमुच्चैस्तनोति |
प्रत्यूहंहन्ति विश्वं वश्यति सुचिरं वर्धते पुत्रपौत्रैः ||203||
अकिञ्चनोsपि मत्प्राप्तिचिन्तको नियताशनः |
जपेत्तु चतुरो नामान् गणेशार्चन तत्परः ||204||
दरिद्रतां समुन्मूल्य सप्तजन्मानुगामपि |
लभते महती लक्ष्मीम ||205||
ॐ गं गणपतये नमः
