॥ ଶ୍ରୀ ଗଣପତ୍ୟଥର୍ୱଶୀର୍ଷ ॥
॥ ଶାନ୍ତି ପାଠ ॥
ଓଁ ଭଦ୍ରଂ କର୍ଣେଭିଃ ଶୃଣୁୟାମ ଦେବା ।
ଭଦ୍ରଂ ପଶ୍ୟେମାକ୍ଷଭିର୍ୟଜତ୍ରାଃ ॥
ସ୍ଥିରୈରଙ୍ଗୈସ୍ତୁଷ୍ଟୁବାଂସସ୍ତନୂଭିଃ ।
ବ୍ୟଶେମ ଦେବହିତଂ ଯଦାୟୁଃ ॥
ଓଁ ସ୍ୱସ୍ତି ନ ଇନ୍ଦ୍ରୋ ବୃଦ୍ଧଶ୍ରବାଃ ।
ସ୍ୱସ୍ତି ନଃ ପୂଷା ବିଶ୍ୱବେଦାଃ ॥
ସ୍ୱସ୍ତିନସ୍ତାର୍କ୍ଷ୍ୟୋ ଅରିଷ୍ଟନେମିଃ ।
ସ୍ୱସ୍ତି ନୋ ବୃହସ୍ପତିର୍ଦଧାତୁ ॥
ଓଁ ତନ୍ମାମବତୁ
ତଦ୍ ବକ୍ତାରମବତୁ
ଅବତୁ ମାମ୍
ଅବତୁ ବକ୍ତାରମ୍
ଓଁ ଶାନ୍ତିଃ । ଶାନ୍ତିଃ ॥ ଶାନ୍ତିଃ॥।
॥ ଉପନିଷତ୍ ॥
ହରିଃ ଓଁ ନମସ୍ତେ ଗଣପତୟେ ॥
ତ୍ୱମେବ ପ୍ରତ୍ୟକ୍ଷଂ ତତ୍ତ୍ୱମସି ॥ ତ୍ୱମେବ କେବଲଂ କର୍ତାଽସି ॥
ତ୍ୱମେବ କେବଲଂ ଧର୍ତାଽସି ॥ ତ୍ୱମେବ କେବଲଂ ହର୍ତାଽସି ॥
ତ୍ୱମେବ ସର୍ୱଂ ଖଲ୍ୱିଦଂ ବ୍ରହ୍ମାସି ॥ ତ୍ୱଂ ସାକ୍ଷାଦାତ୍ମାଽସି ନିତ୍ୟମ୍ ॥ ୧॥
॥ ସ୍ୱରୂପ ତତ୍ତ୍ୱ ॥
ଋତଂ ବଚ୍ମି (ବଦିଷ୍ୟାମି) ॥ ସତ୍ୟଂ ବଚ୍ମି (ବଦିଷ୍ୟାମି) ॥ ୨॥
ଅବ ତ୍ୱଂ ମାମ୍ ॥ ଅବ ବକ୍ତାରମ୍ ॥ ଅବ ଶ୍ରୋତାରମ୍ ॥
ଅବ ଦାତାରମ୍ ॥ ଅବ ଧାତାରମ୍ ॥
ଅବାନୂଚାନମବ ଶିଷ୍ୟମ୍ ॥
ଅବ ପଶ୍ଚାତ୍ତାତ୍ ॥ ଅବ ପୁରସ୍ତାତ୍ ॥
ଅବୋତ୍ତରାତ୍ତାତ୍ ॥ ଅବ ଦକ୍ଷିଣାତ୍ତାତ୍ ॥
ଅବ ଚୋର୍ଧ୍ୱାତ୍ତାତ୍ ॥ ଅବାଧରାତ୍ତାତ୍ ॥
ସର୍ୱତୋ ମାଂ ପାହି ପାହି ସମନ୍ତାତ୍ ॥ ୩॥
ତ୍ୱଂ ବାଙ୍ମୟସ୍ତ୍ୱଂ ଚିନ୍ମୟଃ ॥
ତ୍ୱମାନନ୍ଦମୟସ୍ତ୍ୱଂ ବ୍ରହ୍ମମୟଃ ॥
ତ୍ୱଂ ସଚ୍ଚିଦାନନ୍ଦାଦ୍ୱିତୀୟୋଽସି ॥
ତ୍ୱଂ ପ୍ରତ୍ୟକ୍ଷଂ ବ୍ରହ୍ମାସି ॥
ତ୍ୱଂ ଜ୍ଞାନମୟୋ ବିଜ୍ଞାନମୟୋଽସି ॥ ୪॥
ସର୍ୱଂ ଜଗଦିଦଂ ତ୍ୱତ୍ତୋ ଜାୟତେ ॥
ସର୍ୱଂ ଜଗଦିଦଂ ତ୍ୱତ୍ତସ୍ତିଷ୍ଠତି ॥
ସର୍ୱଂ ଜଗଦିଦଂ ତ୍ୱୟି ଲୟମେଷ୍ୟତି ॥
ସର୍ୱଂ ଜଗଦିଦଂ ତ୍ୱୟି ପ୍ରତ୍ୟେତି ॥
ତ୍ୱଂ ଭୂମିରାପୋଽନଲୋଽନିଲୋ ନଭଃ ॥
ତ୍ୱଂ ଚତ୍ୱାରି ବାକ୍ପଦାନି ॥ ୫॥
ତ୍ୱଂ ଗୁଣତ୍ରୟାତୀତଃ ତ୍ୱମବସ୍ଥାତ୍ରୟାତୀତଃ ॥
ତ୍ୱଂ ଦେହତ୍ରୟାତୀତଃ ॥ ତ୍ୱଂ କାଲତ୍ରୟାତୀତଃ ॥
ତ୍ୱଂ ମୂଲାଧାରସ୍ଥିତୋଽସି ନିତ୍ୟମ୍ ॥
ତ୍ୱଂ ଶକ୍ତିତ୍ରୟାତ୍ମକଃ ॥
ତ୍ୱାଂ ଯୋଗିନୋ ଧ୍ୟାୟନ୍ତି ନିତ୍ୟମ୍ ॥
ତ୍ୱଂ ବ୍ରହ୍ମା ତ୍ୱଂ ବିଷ୍ଣୁସ୍ତ୍ୱଂ ରୁଦ୍ରସ୍ତ୍ୱଂ
ଇନ୍ଦ୍ରସ୍ତ୍ୱଂ ଅଗ୍ନିସ୍ତ୍ୱଂ ବାୟୁସ୍ତ୍ୱଂ ସୂର୍ୟସ୍ତ୍ୱଂ ଚନ୍ଦ୍ରମାସ୍ତ୍ୱଂ
ବ୍ରହ୍ମଭୂର୍ଭୁବଃସ୍ୱରୋମ୍ ॥ ୬॥
॥ ଗଣେଶ ମନ୍ତ୍ର ॥
ଗଣାଦିଂ ପୂର୍ୱମୁଚ୍ଚାର୍ୟ ବର୍ଣାଦିଂ ତଦନନ୍ତରମ୍ ॥
ଅନୁସ୍ୱାରଃ ପରତରଃ ॥ ଅର୍ଧେନ୍ଦୁଲସିତମ୍ ॥ ତାରେଣ ଋଦ୍ଧମ୍ ॥
ଏତତ୍ତବ ମନୁସ୍ୱରୂପମ୍ ॥ ଗକାରଃ ପୂର୍ୱରୂପମ୍ ॥
ଅକାରୋ ମଧ୍ୟମରୂପମ୍ ॥ ଅନୁସ୍ୱାରଶ୍ଚାନ୍ତ୍ୟରୂପମ୍ ॥
ବିନ୍ଦୁରୁତ୍ତରରୂପମ୍ ॥ ନାଦଃ ସନ୍ଧାନମ୍ ॥
ସଂହିତାସନ୍ଧିଃ ॥ ସୈଷା ଗଣେଶବିଦ୍ୟା ॥
ଗଣକଋଷିଃ ॥ ନିଚୃଦ୍ଗାୟତ୍ରୀଚ୍ଛନ୍ଦଃ ॥
ଗଣପତିର୍ଦେବତା ॥ ଓଁ ଗଂ ଗଣପତୟେ ନମଃ ॥ ୭॥
॥ ଗଣେଶ ଗାୟତ୍ରୀ ॥
ଏକଦନ୍ତାୟ ବିଦ୍ମହେ । ବକ୍ରତୁଣ୍ଡାୟ ଧୀମହି ॥
ତନ୍ନୋ ଦନ୍ତିଃ ପ୍ରଚୋଦୟାତ୍ ॥ ୮॥
॥ ଗଣେଶ ରୂପ ॥
ଏକଦନ୍ତଂ ଚତୁର୍ହସ୍ତଂ ପାଶମଙ୍କୁଶଧାରିଣମ୍ ॥
ରଦଂ ଚ ବରଦଂ ହସ୍ତୈର୍ବିଭ୍ରାଣଂ ମୂଷକଧ୍ୱଜମ୍ ॥
ରକ୍ତଂ ଲମ୍ବୋଦରଂ ଶୂର୍ପକର୍ଣକଂ ରକ୍ତବାସସମ୍ ॥
ରକ୍ତଗନ୍ଧାନୁଲିପ୍ତାଙ୍ଗଂ ରକ୍ତପୁଷ୍ପୈଃ ସୁପୂଜିତମ୍ ॥
ଭକ୍ତାନୁକମ୍ପିନଂ ଦେବଂ ଜଗତ୍କାରଣମଚ୍ୟୁତମ୍ ॥
ଆବିର୍ଭୂତଂ ଚ ସୃଷ୍ଟ୍ୟାଦୌ ପ୍ରକୃତେଃ ପୁରୁଷାତ୍ପରମ୍ ॥
ଏବଂ ଧ୍ୟାୟତି ଯୋ ନିତ୍ୟଂ ସ ଯୋଗୀ ଯୋଗିନାଂ ବରଃ ॥ ୯॥
॥ ଅଷ୍ଟ ନାମ ଗଣପତି ॥
ନମୋ ବ୍ରାତପତୟେ । ନମୋ ଗଣପତୟେ । ନମଃ ପ୍ରମଥପତୟେ ।
ନମସ୍ତେଽସ୍ତୁ ଲମ୍ବୋଦରାୟୈକଦନ୍ତାୟ ।
ବିଘ୍ନନାଶିନେ ଶିବସୁତାୟ । ଶ୍ରୀବରଦମୂର୍ତୟେ ନମୋ ନମଃ ॥ ୧୦॥
॥ ଫଲଶ୍ରୁତି ॥
ଏତଦଥର୍ୱଶୀର୍ଷଂ ଯୋଽଧୀତେ ॥ ସ ବ୍ରହ୍ମଭୂୟାୟ କଲ୍ପତେ ॥
ସ ସର୍ୱତଃ ସୁଖମେଧତେ ॥ ସ ସର୍ୱ ବିଘ୍ନୈର୍ନବାଧ୍ୟତେ ॥
ସ ପଞ୍ଚମହାପାପାତ୍ପ୍ରମୁଚ୍ୟତେ ॥
ସାୟମଧୀୟାନୋ ଦିବସକୃତଂ ପାପଂ ନାଶୟତି ॥
ପ୍ରାତରଧୀୟାନୋ ରାତ୍ରିକୃତଂ ପାପଂ ନାଶୟତି ॥
ସାୟମ୍ପ୍ରାତଃ ପ୍ରୟୁଞ୍ଜାନୋ ଅପାପୋ ଭବତି ॥
ସର୍ୱତ୍ରାଧୀୟାନୋଽପବିଘ୍ନୋ ଭବତି ॥
ଧର୍ମାର୍ଥକାମମୋକ୍ଷଂ ଚ ବିନ୍ଦତି ॥
ଇଦମଥର୍ୱଶୀର୍ଷମଶିଷ୍ୟାୟ ନ ଦେୟମ୍ ॥
ଯୋ ଯଦି ମୋହାଦ୍ଦାସ୍ୟତି ସ ପାପୀୟାନ୍ ଭବତି
ସହସ୍ରାବର୍ତନାତ୍ ଯଂ ଯଂ କାମମଧୀତେ
ତଂ ତମନେନ ସାଧୟେତ୍ ॥ ୧୧॥
ଅନେନ ଗଣପତିମଭିଷିଞ୍ଚତି ସ ବାଗ୍ମୀ ଭବତି ॥
ଚତୁର୍ଥ୍ୟାମନଶ୍ନନ୍ ଜପତି ସ ବିଦ୍ୟାବାନ୍ ଭବତି ।
ସ ଯଶୋବାନ୍ ଭବତି ॥
ଇତ୍ୟଥର୍ୱଣବାକ୍ୟମ୍ ॥ ବ୍ରହ୍ମାଦ୍ୟାବରଣଂ ବିଦ୍ୟାତ୍
ନ ବିଭେତି କଦାଚନେତି ॥ ୧୨॥
ଯୋ ଦୂର୍ୱାଙ୍କୁରୈର୍ୟଜତି ସ ବୈଶ୍ରବଣୋପମୋ ଭବତି ॥
ଯୋ ଲାଜୈର୍ୟଜତି ସ ଯଶୋବାନ୍ ଭବତି ॥
ସ ମେଧାବାନ୍ ଭବତି ॥
ଯୋ ମୋଦକସହସ୍ରେଣ ଯଜତି
ସ ବାଞ୍ଛିତଫଲମବାପ୍ନୋତି ॥
ଯଃ ସାଜ୍ୟସମିଦ୍ଭିର୍ୟଜତି
ସ ସର୍ୱଂ ଲଭତେ ସ ସର୍ୱଂ ଲଭତେ ॥ ୧୩॥
ଅଷ୍ଟୌ ବ୍ରାହ୍ମଣାନ୍ ସମ୍ୟଗ୍ଗ୍ରାହୟିତ୍ୱା
ସୂର୍ୟବର୍ଚସ୍ୱୀ ଭବତି ॥
ସୂର୍ୟଗ୍ରହେ ମହାନଦ୍ୟାଂ ପ୍ରତିମାସଂନିଧୌ
ବା ଜପ୍ତ୍ୱା ସିଦ୍ଧମନ୍ତ୍ରୋ ଭବତି ॥
ମହାବିଘ୍ନାତ୍ପ୍ରମୁଚ୍ୟତେ ॥ ମହାଦୋଷାତ୍ପ୍ରମୁଚ୍ୟତେ ॥
ମହାପାପାତ୍ ପ୍ରମୁଚ୍ୟତେ ॥
ସ ସର୍ୱବିଦ୍ଭବତି ସ ସର୍ୱବିଦ୍ଭବତି ॥
ଯ ଏବଂ ବେଦ ଇତ୍ୟୁପନିଷତ୍ ॥ ୧୪॥
॥ ଶାନ୍ତି ମନ୍ତ୍ର ॥
ଓଁ ସହନାବବତୁ ॥ ସହନୌଭୁନକ୍ତୁ ॥
ସହ ବୀର୍ୟଂ କରବାବହୈ ॥
ତେଜସ୍ୱିନାବଧୀତମସ୍ତୁ ମା ବିଦ୍ୱିଷାବହୈ ॥
ଓଁ ଭଦ୍ରଂ କର୍ଣେଭିଃ ଶୃଣୁୟାମ ଦେବା ।
ଭଦ୍ରଂ ପଶ୍ୟେମାକ୍ଷଭିର୍ୟଜତ୍ରାଃ ॥
ସ୍ଥିରୈରଙ୍ଗୈସ୍ତୁଷ୍ଟୁବାଂସସ୍ତନୂଭିଃ ।
ବ୍ୟଶେମ ଦେବହିତଂ ଯଦାୟୁଃ ॥
ଓଁ ସ୍ୱସ୍ତି ନ ଇନ୍ଦ୍ରୋ ବୃଦ୍ଧଶ୍ରବାଃ ।
ସ୍ୱସ୍ତି ନଃ ପୂଷା ବିଶ୍ୱବେଦାଃ ॥
ସ୍ୱସ୍ତିନସ୍ତାର୍କ୍ଷ୍ୟୋ ଅରିଷ୍ଟନେମିଃ ।
ସ୍ୱସ୍ତି ନୋ ବୃହସ୍ପତିର୍ଦଧାତୁ ॥
ଓଁ ଶାନ୍ତିଃ । ଶାନ୍ତିଃ ॥ ଶାନ୍ତିଃ ॥।
॥ ଇତି ଶ୍ରୀଗଣପତ୍ୟଥର୍ୱଶୀର୍ଷଂ ସମାପ୍ତମ୍ ॥
